هل حقاً اصبح هذا حلمنا ؟؟؟؟
http://www.mahjoob.com/aecartoons/eef41820fbf1a6f.jpg
السلام عليكم احبتي ....
اصبحنا في كل الدول العربيه لنا ذات الهموم
ذات الاحلام والطموحات
ظروفنا واحدة ...الفقر ...القهر ...الاحباط ....ضيق العيش
اغلبنا يائس يبحث عن المستقبل المجهول
اينما ذهبت الان وفي كل بلد عربي ترى طموح الشباب هو الهجرة والسفر للبحث عن عمل
اي عمل مهما كانت ظروفه وصعوبته
فما السبب
لقد
توالت المصاعب علينا الواحدة تلو الاخرى
فمن غلاء المعيشة المنقطع النظير ...الى الرواتب المحدودة...
الخوف من المستقبل ...تاجيل الزواج ...
البحث عن اي سبيل للخروج
وبعد ان كان حلمنا وطن ودين واحد يضمنا
وبعد ان كنا نتحدث عن الوحدة العربيه
واحلامنا في تحرير الاقصى
ومن بعده العراق وكل محتل من بلادنا العربيه
اصبح الان حلمنا هو الخروج والهجرة للبحث عن لقمة تقيتنا وتقيت اولادنا
هل هذا هو حلمنا حقاً ؟؟؟
ما هى احلامنا
التي نرغب في تحقيقها وهل ستحققها لنا الغربه
والهجرة
والسفر الى المجهول
طيـــــــــــــــــــــــ ــــــــــــــف عابــــــــــــــــــــــ ـــــر
رد: هل حقاً اصبح هذا حلمنا ؟؟؟؟
أبدا .. أبدا ..عمر السفر والغربه وقله القيمه والبهدله وكمان الموت في دول غريبه ما يكون الحل أبدا ...حلم السفر ده حلم مزعوم ..
الكل فاكر إنه الحل السحري لكل مشاكلنا .. والكل بينسي إن الظروف بتختلف والطباع والثقافات بتختلف .. ده غير إنك بتشوف في نفسك قدرات خرافيه محدش شايفها خالص وكأن رئيس الدوله بنفسه هو اللي هيستقبلك في المطار وانت نازل من الطياره لأنك فلته وعبقري هذا الزمان ...
وتفوق من أحلامك وإنت واقف علي حوض مواعين أو واقف بتمسح دورات مياه..
فوقوا يا شباب .. أرجوكم فوقوا
ميرسي جدا يا @-)طيف ;;)علي موضوعك الجميل ... وإلي الأمام دائما أختاه
رد: هل حقاً اصبح هذا حلمنا ؟؟؟؟
فعلا انا معاك يا هوبا كلامك صحيح
طبعا مش هو ده حلمنا
بس بجد معظم الشباب بيفضلوا السفر برة
طبعا اكييييييييد ده مش صح بس هيعملوا ايه؟؟؟؟؟؟؟؟؟؟؟
كل واحد بيفكر انوا يعيش ازاي ويكون نفسة ولا اي حد بيفكر في قدراته اللي هو ممكن يطلعها في بلده او ممكن يعمل حاجه تنفع بلده
بجد موضوع مهم جدااااااااااا النقاش في الموضوع يا طيف تسلمي يا عمري علي الموضوع الرائع
رد: هل حقاً اصبح هذا حلمنا ؟؟؟؟
اولا يا هوبا انا معاكـ فى رائيكـ ..
بس انت قولى هل انت تقدر تكون نفسكـ هنا ..
اهو انت من مصر وعارف المعيشه عامله ازاى .. ما تقعدش تقولى ..لآ وابدا والكلام دهـ
احنا مش هنضحكـ على نفسنا .. لان الهم طيلنى وطيلكـ
علشان كدهـ معظم الشباب بيفكروا يسافروا بره احسن .. وانا اعرف ناس سافرت وكونت نفسها
ونجحت مش مهم بقى مواعين .. حوض .. اهم حاجه انها شغلانه حلال وخلاص ..
لانكـ لو قعدت العمر كلوا فى مصر مش هتعرف تكون نفسكـ وابقى قبلنى لو عرفت تتجوز ..
الا إذا لقيت فانوس سحرى ..
وزى ما قالت سحر .. هنعمل ايه ..؟؟
شكراً ليكى طيف بجد موضوع جامد .. ومحتاج نقاش من كل الاعضاء ..
وخصوصاً الشباب
رد: هل حقاً اصبح هذا حلمنا ؟؟؟؟
يا :-*عصام :-*..
برغم كل الظروف اللي في منتهي السوء اللي في البلد ...
الا إني عاوزك تفكر كده .... لو أنا وإنت وسحر وطيف وساره وأحمد عمر و فاطمه ...و...و...و...و...
كلنا سيبنا بلادنا وأهلنا وكل اللي بنحبهم ..وطلعنا بره ندور علي نفسنا اللي مش عارفين نحققها في بلادنا
مين اللي هيفضل ساعتها في البلد .. مين اللي هيقف في وجه الظروف السيئه ؟ مين اللي هيناول ماما الدوا أو كبايه ميه ؟؟؟؟؟؟
ممكن تجاوبني ؟؟؟
رد: هل حقاً اصبح هذا حلمنا ؟؟؟؟
انا بأيد رايك يا ايهاب بشده
البلد دى بلدنا احنا احنا احق الناس بالعيش فيها وتحملها وده مش كلام شعارات والله
انما بجد نحن احق الناس بها مهما كانت ظروفها
نحن على عاتقنا حمل كبير لابد وان نتحمله
وطبعا يا طيف بشكرك جدا على اثاره موضوع زى ده
تسلمى وتقبلوا مرورى
رد: هل حقاً اصبح هذا حلمنا ؟؟؟؟
يا هوبا انت بردوا ناوى تقنع نفسكـ انكـ هتقدر تكون نفسكـ فى بلدكـ
وبترمى الحمل على الظروف .. انا ما قولتش يا هوبه ان كل الاسر هتسافر وتسيب بلدها ..
بس انت هتعمل ايه .. تفضل واقف ولا تسعى ورا رزقكـ ..
وانا كنت اسمع مثل بيقول ..
الميه الجاريه احسن من الميه الواقفه ..
معنى كدهـ اننا مش هنفضل وقفين مكنا .. لازم نعمل اي حاجه ..
ومش عارف اقولكـ ايه تانى يا هوبا .. شكراً ليكـ على المتابعه
رد: هل حقاً اصبح هذا حلمنا ؟؟؟؟
ياجماعه طبعا البلد دي احسن من غيرها،بس حد يقولي بلدنا عملتلنا ايه اتعلمنا والحمد لله ومش عارفين نشتغل في مجالات تخصصنا طبعا الا في حالات نادره،وعايزين نتجوز بس اعتقد في ظل الغلاء اللي احنا عايشينه هيتاخر حلمنا ده شويتين تلاته، ياجماعه انا طبعا مش برمي الحمل علي البلد بس هي مسئوله عن اللي احنا وصللناله
وطالما احنا مش عارفين نحقق احلامنا ايه المشكله لما نجرب قي بلد تانيه وبعدين احنا طالما موجودين علي وجه الارض لازم نسعي
مشكوره ياطيف علي الموضوع
رد: هل حقاً اصبح هذا حلمنا ؟؟؟؟
اقتباس:
ياجماعه طبعا البلد دي احسن من غيرها،بس حد يقولي بلدنا عملتلنا ايه اتعلمنا والحمد لله ومش عارفين نشتغل في مجالات تخصصنا طبعا الا في حالات نادره،وعايزين نتجوز بس اعتقد في ظل الغلاء اللي احنا عايشينه هيتاخر حلمنا ده شويتين تلاته، ياجماعه انا طبعا مش برمي الحمل علي البلد بس هي مسئوله عن اللي احنا وصللناله
وطالما احنا مش عارفين نحقق احلامنا ايه المشكله لما نجرب قي بلد تانيه وبعدين احنا طالما موجودين علي وجه الارض لازم نسعي
مشكوره ياطيف علي الموضوع
اهو دا كلام العاقلين اللى انا كنت عايز اوصلوا ..
عين العقل يا ميشو .. تسلم ايدكـ والله
رد: هل حقاً اصبح هذا حلمنا ؟؟؟؟
تسلم ياعصومه علي المتابعه بس ده حقيقي رايي
رد: هل حقاً اصبح هذا حلمنا ؟؟؟؟
يا جماعه ... أنا من أشد المعارضين لكل اللي بيحصل في بلدنا ومواضيعي في القسم السياسي تشهد بكده ....
بس انا دايما ببص كتير للناس اللي أعلي مني في شغلي مثلا وأحاول اتعلم منهم حاجه ... واللي تحت مني بدورهم برضو بيتعلموا مني حاجه .. بس لو أنا رميت كل مشاكلي علي ظروف البلد وإن البلد دي مفيهاش خير لأهلها وكده .. يبقي مفيش حاجه هتتغير ..
وما تنسوش إن مصر ... مش حكومه وبس ... مصر هي انا وإنت ... يعني فيه جزء كبير من المسؤليه علينا برضو ..
نقوم إحنا نهرب من المسؤليه دي بره البلد .. ونرضي إننا ناكل لقمه عيش مغموسه بـ ذل ...
تغور اللقمه اللي الغريب يأكلها لك يا ابن بلدي .. وإنت بلدك خيرها لسه فيها ...
رد: هل حقاً اصبح هذا حلمنا ؟؟؟؟
بجد يا جماعه الغربه صعبه مش سهله ابداااااااااااا
ويمكن انتوا مش حاسين بالحكايه ديه لانكوا في مصر
بس علي راي شيرين((يمكن ناسي لانك فيها مش وحشاك ولا غبت عليها بس اللي مجرب وفرقها قال في الدنيا مفيش بعديها............
بجد مفيش فعلا بعديها ولا قبليها
دي نار مصر ولا جنة اي بلد تانيه
ليه دايما الشباب عندهم استعداد انهم يسافروا بره ويشتغلوا في المطاعم ويغسلوا المواعين لكن في مصر مستحيل حد من الشباب يعمل كده
ليه دايما ندي امكنيتنا وقدرتنا لبلاد مش بلدنا اصلا ليه ميكنش في بلدنا احنا فعلا الللي ننهض بيها ونعليها
سوري علي التطويل بس بجد الموضوع عايز نقاش
رد: هل حقاً اصبح هذا حلمنا ؟؟؟؟
عين العقل ... ده غير إني أساسا بكون مكسوف موووت ونص هدومي لو حد شافني من صحابي مثلا وانا بغسل المواعين ولا بمسح أرضيات ولا كأنهم هما اللي ولاد وزراء ....
وبعمل فيها سبع رجاله لما حد بيعرض عليا شغلانه تأكلني عيش وانا كل اللي معايا محو أميه .. واعامله كأني إبن مدير أمن العاصمه ...
:-$:-$
محدش أبدا بيرضي باللي ربنا قاسمه له .. ودي هي المصيبه الحقيقيه
رد: هل حقاً اصبح هذا حلمنا ؟؟؟؟
ميتهيقليش الغربه هيا الحل الي الشباب المفروض تعمله الي بيحب البلد دي وعايز ابنه يلاقي فيها شغل ويبقي حاله احسن يشتغل اي حاجه علي الاقل هيبني ولو قليل وحتي لو اتذل في بلده هيلاقي الف ايد مش هقول مليون بيواسوه وبيصبروه انما في الغربه هيلاقي نفسه لوحده وبرده يفتكر انه هيكون وسط اهله وبيبني بلده
رد: هل حقاً اصبح هذا حلمنا ؟؟؟؟
حوار مميز جدا بصراحة
وطبعا كل الشكر للمشاركين بالحوار على اختلاف اراءهم
هوبا ---عصام ---ميشو----اسيرة ----توتي ----شيطانة
انا لاحظت انه في فريق مع وفريق ضد
لكن صدقوني الواقع بيفرض علينا الهجرة
انا بعرف شباب لسه ما تخرجوا من الجامعه وحاجزين للسفر ل كندا
ولما كنت متلكم وقلتلهم بتتخلوا عن اهلكم والبلد والله الاجابه خلتنى اسكت وما اناقش
عارفين ليه
لانهم قالوا وباختصار
نحنا ببلادنا قاعدين عاطلين ولو اشتغلنا بنطلع ملاليم يعنى عالة على اهلنا ووطننا
انما لو اغتبرنا رح نفيد اهالينا وبلدنا لما نحول فلوس ونستثمرها بالبلد
تسلمو جميعا جميعا وفعلا اثريتم الموضوع جدا
يبارك بقلبكم يا رب
