خايفة اوووووووووووى

انا بصحى من النوم مفزوعة اووووووى وخايفة يمكن خايفة من اليوم اللى قرب اللى انا ما عملتش حسابه اليوم اللى هيكسر احلى حاجة كانت فى حياتى اليوم اللى هيحول احلى ايام عيشتها الى مجرد كلمة ذكرى اليوم اللى الانسان اللى انا حبيته هيرتبط فيه ما اعرفش اليوم ده هيبقى صعب ولا ايه بس كل اللى انا عرفاه ان انا خايفة من اللحظة اللى هيبقى حتى مش من حقى انى اكلمه او اسمع صوته فيه او حتى اطمن عليه من بعيد لازم من اليوم ده انساه وبالرغم من انى عارفة ان اليوم ده هيبقى افضل حل للى انا فيه الا انى بتمنى انه مايجيش ما اعرفش ليه بس تقريبا ده لانه خلانى اخاف على حبى ليه اكتر ما اخاف على نفسى منه خلانى ارتاح للعذاب وانا بين ايديه عشان بخاف من عذاب البعد عنه وكانى بفرح لو لقيت قلبى اتظلم
المشكلة انى لسه عايشة الحب له
خايفة من اليوم اللى هعيش بعده وحيدة فى الدنيا لانى استغنيت بيه عن الدنيا كلها عن اصحابى عن اهلى عن كل حاجة
بس هعمل ايه هو ده نصيبى وقدرى
بس انا اللى غلطانة اللى ما عملتش حساب يوم زى ده بس الانسان لما بيحب بينسى اى احتمالات هو ما بيتمناهاش
مش قادرة اعيش من غيره ولا راضية تمر الايام
ايامى بقت من غيره ايام بتعدى والسلام

اقتباس:

---

المشاركة الأصلية كتبت بواسطة حب العمر

انا بصحى من النوم مفزوعة اووووووى وخايفة يمكن خايفة من اليوم اللى قرب اللى انا ما عملتش حسابه اليوم اللى هيكسر احلى حاجة كانت فى حياتى اليوم اللى هيحول احلى ايام عيشتها الى مجرد كلمة ذكرى اليوم اللى الانسان اللى انا حبيته هيرتبط فيه ما اعرفش اليوم ده هيبقى صعب ولا ايه بس كل اللى انا عرفاه ان انا خايفة من اللحظة اللى هيبقى حتى مش من حقى انى اكلمه او اسمع صوته فيه او حتى اطمن عليه من بعيد لازم من اليوم ده انساه وبالرغم من انى عارفة ان اليوم ده هيبقى افضل حل للى انا فيه الا انى بتمنى انه مايجيش ما اعرفش ليه بس تقريبا ده لانه خلانى اخاف على حبى ليه اكتر ما اخاف على نفسى منه خلانى ارتاح للعذاب وانا بين ايديه عشان بخاف من عذاب البعد عنه وكانى بفرح لو لقيت قلبى اتظلم
المشكلة انى لسه عايشة الحب له
خايفة من اليوم اللى هعيش بعده وحيدة فى الدنيا لانى استغنيت بيه عن الدنيا كلها عن اصحابى عن اهلى عن كل حاجة
بس هعمل ايه هو ده نصيبى وقدرى
بس انا اللى غلطانة اللى ما عملتش حساب يوم زى ده بس الانسان لما بيحب بينسى اى احتمالات هو ما بيتمناهاش
مش قادرة اعيش من غيره ولا راضية تمر الايام
ايامى بقت من غيره ايام بتعدى والسلام

---

ليه ولماذا كل هذا الخوف تكوني متفائله وعندك امل تقريبي الى الله وهو خير مغيث وخير حبيب واجعلي املك بالله كبير وهو المعين وكتير من ذكر الله
الا بذكر الله تطمئن القلوب

ياحبيــــــــــــــــــب العمــــــــــــــــر
ألا تحلم بيوم يجمع بيننا ؟؟
ألا تتمنى أن نهنأ بقربنا ؟؟
فلمــــــــاذا نخـــــــــاف ؟؟
يااااويلتى أن يفرقوا بيننا
فأنت لى الفرحة الغائبة عنى حتى يوم لقاؤنا
وأنت لى شباب عاطفتى على امتداد حبنا
فهديتى لك هى أنـــــــــــــــــــا
مهما تأمروا على أن ينهوا حبنا
فحنانك ينسينى كم تعذبت حتى يبقى حبنا
فنحن ياحبيبى نعيش الحياة والحب همسا
وصمتا جميلا ذلك هو قدرنا
ولتكن أجمل الأيام التى قضيناها حبا هامسا
فأتمنى ياحبيب عمرى أن ننقذ ليلنا ونهارنا
حتى يبقى حبنا أبدا
فما بيننا أكبر أن يفرقوا بيننا
فلمــــــــاذا نخـــــــــاف ؟؟

ميرسيه جدا ليك يا رهيف الاحساس على الرد
جزاك الله خيرا
بس بجد الخوف ده حاجة خارجة عن ارادتى رغم التقرب الى الله

اقتباس:

---

المشاركة الأصلية كتبت بواسطة حب العمر

ميرسيه جدا ليك يا رهيف الاحساس على الرد
جزاك الله خيرا
بس بجد الخوف ده حاجة خارجة عن ارادتى رغم التقرب الى الله

---

والخوف ليه هذا كل شئ بارادة الله والمكتوب على الجبين لازم تشوفه العين فدي امرك على الله وتوكلي عليه فهو خير معين ومجيب
والقدر ما منه هروب

اكيد انا عارفة ان المكتوب على الجبين لازم تشوفه العين
وانا على فكرة قولت فى التوبيك ان ده قدرى ونصيبى
ثانكس على الاهتمام

السلام عليكم ياحب العمر

اولا دي اول مشاركه لي في المنتدي

واتشرف انها تكون رد علي موضوعك

بصراحه الموضوع شدني اوي

وردي هيكون قاسي شويه بس معلش مش هيكون اقسي من الظروف اللي عايشاها

هوا ما بني علي باطل فهو باطل

شوفي ياحب العمر هوا صعب جدا انك تدي مشاعر راقيه زي دي لشخص مش ليكي

كمان انتي لسه صغيره وهتمري بمثل هذه المواقف كتير

مش حابب الموضوع يكبر جواكي كده

اعتبريها تجربه تثقلك وتقدمك وتتعلمي منها كيف يكون الاختيار

واضح انك انسانه نقيه وقلبك من دهب

لكني استحلفك بكل غالي ان ترمي خلفك وتنظرين لما هوا ات

اكيد سيحمل ليكي كل جميل

دمتي بعافيه وتقبلي مروري

بجد شىء يشرفنى جدا ان موضوعى يكون اول مشاركة ليك على المنتدى
بس عايزة اقولك انه اكيد مش الانسان اللى بيختار الشخص اللى قلبه يحبه اكيد مش انا اللى اختارت احب واحد ظروفه مش مناسبة ليه واكيد مش بايدى ان حبه يكبر جوايا
والله انا بحاول بكل جهدى انى انساه حاولت اتقرب الى الله كتيييييييييييير
وفى النهاية هو خلاص هيكتب كتابه بعد اسبوع مش قادرة اوصف ايه اللى حصللى لما عرفت
بس فى النهاية ربنا يسعده ويصبرنى واكيد ده حاجة هتخلينى انساه
ثانكس على رد حضرتك

حب العمر
عندما قرات كلماتك سالت دموعى
بس بقولك كلمتين اكيد هيكون يوم صعب بالنسبه ليكى
بس يلريت يجى بسرعه تعرفى ليه عشان خلاص تفوقى من الوهم وتعرفى انه خلاص بقى لانسانه تانيه وعيشى حياتك واهتى بنفسك وانسيه وصدقينى هتنسيه لو انت حاولتى تنسيه لكن انت حاطه نفسك فى دوامته
يمكن كلامى يزعلك لكنه لانى بحبك ونفسى تنسى بقى لان كلماتك صعبه جدا
خالص ودى

ميرسيه جدا يا حرف مشتعل
انا مش زعلانة لانى عارفة انك حايفة عليه
بس عايزه اقولك هيبقى سهل ازاى
انا والله اما علرفت بس ان هو هيكتب كتابه الاسبوع الجاى صدقينى والله ما كنت قادرة اخد نفسى من الصدمة مع انى عارفة ان ده هيحصل من زمان بس طبعا الموقف مش قادرة اقولك صعب ازاى
بجد جوايا حاجات كتير مش عارفة اوصفها

السلام عليكم

حب العمر

اولا تحياتى ليكى وحبك الجميل لحبيبك كده

بس مبقاش ينفع بقى صح ولا انتا غلطان

طبعا من حقك تزعلى فى اليوم ده وكويس انك متماسكة لسه زى ما انتى

حاولى تنسى انا جربت الاحساس ده بجد صعب اوى بس ده حال الدنيا

واكيد ربنا كاتبلك حاجة حلوة اوى عنده لانك بنت جميلة

فكرى فى نفسك مستقبلك حياتك الجاية

تحياتى وتقبلى مرورى

معالى المستشار

اسال الله باسمائه العلا ان يبدل حزنك فرحا
ويربط على قلبك .ويسعدك سعادة ابديه
ويرزقك الجنه

لا طبعا

الحياه تجارب واكيد دى فتره وهتعدى

وان شاء الله تبقى اقوى بعدها

هشت لك الدنيا فما لك واجما *** وتبسمت فعلام لا تتبسم
ان كنت مكتئب لعز قد مضى **** هيهات يرجعه اليك تندم
او كنت تشفق من حلول مصيبه ** هيهات يرجع ان تحل تجهم
يا من يحن الى غد ف يومه *** قد بعت ما تدرى بما لا تعلم

وربنا يوفقك ويسعدك

حب العمر

انا عرفة حبيبة قلبى ان مشكلتك مشكلة صعبة اوى على اى بنت

بس انا بقولك نصيحة انتى حبيتية وهو كمان كان بيحبك بس مدام اختار غيرك خلاص ولا يهمك

هو باعك ولازم انتى تنسية وتمسحية من حياتك

لانك عمرك ما حتشترى حد باعك

وانتى لسة صغيرة والحياة قدامك ربنا يكرمك باحسن منه ان شاء الله

والله يوفقك يا رب

ولكى خالص احترامى وكل تقديرى ..

DREAM

حب العمر

انا رفة حبيبة قلبى ان مشكلتك مشكلة صعبة اوى على اى بنت

بس انا بقولك نصيحة انتى حبيتية وهو كمان كان بيحبك بس مدام اختار غيرك خلاص ولا يهمك

هو باعك ولازم انتى تنسية وتمسحية من حياتك

لانك عمرك ما حتشترى حد باعك

وانتى لسة صغيرة والحياة قدامك ربنا يكرمك باحسن منه ان شاء الله

والله يوفقك يا رب

ولكى خالص احترامى وكل تقديرى ..

DREAM

ميرسيه جدا يا معالى المستشار على الرد
بجد انا مش اللى عايزاه انى اقول انى لسه بحبه رغم انى فعلا لسه مش عارفة اكرهه بعد كل الجرح ده
بس انا حاسة احساس فظيع جوايا بالخوف لانى فقدت الامان من بعده
حاسة انى لسه مش عارفة اصدق ان كل الحب ده هيتحول لمجرد ذكرى
كمان انا كنت متعودة انى لما ببقى مضايقة كنت بلاقيه جمبى بيسمع شكوتى بس دلوقتى مش لاقياه جمبى
عشان كده التوبيك ده مجرد اخراج للى جوايا
انا فعلا بحس انى لما ببكى قلبى هو اللى بيبكى مش عينيه لانه هو اللى اتوجع ومن مين من اغلى الناس
اسفة على الاطالة

[QUOTE=حرف مشتعل;753030]اسال الله باسمائه العلا ان يبدل حزنك فرحا
ويربط على قلبك .ويسعدك سعادة ابديه
ويرزقك الجنه
[/QUO
ميرسيه جدا ليكى يا حبيبتى
ربنا يكرمك

ميرسيه جدا يا ابو تريكة
واكيد ان الدنيا تجارب
وانا باذن الله هتعلم من التجربة وهقفل قلبى وعمر ما فى حد هيدخله تانى ابدا
مش معقول اغلط واجى اكرر نفس الغلطة تانى ده حتى يبقى غباء

ميرسيه جدا ليكى ياDREAMا
عايزة اقولك ان كلامك كله صح
بس انا عايزة اقولك انه هو لو كان جه واتقدم لاهلى عمرهم ما كانوا هيوافقوا حتى لو انا وافقت ووقفت معاه ضدهم
وانا عارفة اهلى كويس اوى ورغم كده كان عندى امل ما اعرفش فى ايه
بس هو بقى عاش الواقع
على فكرة انا مش بدافع عنه انا بس بجد ما بحبش كلمة باعك رغم كل اللى حصل
وفى النهاية بجد ميرسيه على احساسك الجميل وتقديرك لمشاعرى

بصراحة يا حب العمر انا اتأثرت جدا بكلامك واحساسك الداخلى
لكن هحاول انى مش أطول عليكى فى الكلامـ

بصى يا حب العمر

الانسان مننا لو حب بجد
مهما حصل لازم يحافظ على الحب ده
ويتحدى اى ظرف

وانا اتعرضت لموقف ان انا فى وقت من الاوقات الظروف جت عليا جامد جدااااا
وانا لاقيت ان الظروف كسبت وانا خسرت
بمعنى : انى ما حفظتش على الحب ده .. ودى كانت اول مرة واخر مرة ابيع حبى فيها
بس بعدها ندمت انى فردت فى الحب ده

وبعدها عرفت يعنى ايه تضحة بمعنى الكلمة
ورجعت غيرت رأيى ده وظبطت الامور من تانى

والحمد لله انا دلوقتى
فرحان من نفسى لان فى حكمة بتقول :

لا يحزنك إنك فشلت مادمت تحاول الوقوف على قدميك من جديد

وانا فعلاً فشلت لما اخترت انى ابيع وانى مش اضحى لأجل الحب
بس ماحزنتش بعد كده عشان حاولت بعدها انى ارجع فى القرار ده

انا بقول كل الكلام ده عشان اوصلك ان انا اللى حصل ده مثال للى عايز اقولهولك

بمعنى : ان هو لو فعلاً كان بيحبك نص حبك ده كان ضحى بأى شىء فى حياته عشانك
فا هو ما يستهلش انك تدمعى دمعه واحده عشانه ..

لان من يفرط فى الحب سوف يأتى يوم ويندم عليه اشد الندم

..

وعايز اقولك على حاجه يا حب العمر
بصى فى حكمة تانية بتقول :

لا تفكر في المفقود حتى لا تفقد الموجود

يعنى ماتفكريش فيه كتير ولا فى اللى حصل
عشان ما تفقديش قلبك .. واحاسيسك الجميلة دى

..

وربنا معاكى ويخرجك من اللى انتى فيه ده
وان شاء الله سهل مش صعب انك تنسى لو فكرتى فى كلامى ده

وربنا خلق فينا النسيان ودى نعمه منه سبحانه وتعالى انعمنا بها

..

ومش عايز اطول اكتر من كده

بس طلبى انك تعملى بكلامك ده :

اقتباس:

---

واكيد ان الدنيا تجارب
وانا باذن الله هتعلم من التجربة وهقفل قلبى وعمر ما فى حد هيدخله تانى ابدا
مش معقول اغلط واجى اكرر نفس الغلطة تانى ده حتى يبقى غباء

---

واسف على الاطالة

ميرسيه جدا يا treka
انا مبسوطة اوى من النصايح اللى انت قولتهالى ده
بس عشان ما اظلمهوش برده صدقنى المشكلة عنده هو يعنى هو اللى ما ينفعنيش فاهم ازاى
يعنى اهلى هما اللى كانوا مش هيوافقوا عليه
ومع ذلك برده هو ما حاولش يعنى بس اوعدكم بجد انى اكيد لازم انسىتماما حبى ليه
ثانكس على الاهتمام

موضوع جميل كالعادة واحساس رأئع يا حب العمر
بس مش عارف اقولك ايه
ربنا يوفقك ويعوضك بأنسان يحبك ويخاف عليلي ويحطك جو عنيه وتبقي كل حياته
وابقي قولي رأيك ايه في توقيعي الجديد

بجد ميرسيه اوى يا عمار على الرد وعلى الكلام الجميل
بس عايزاك تسلملى على القمر اللى فى الصورة دول وان شاء الله تفرحنا ببيبى زى القمر كده يكون شبه اى حد منهم قريب ان شاء الله
اما بالنسبة لتوقيعك فهو جميل جدا ويا رب فعلا تبتدى حياة جديدة مع زوجتك ان شاء الله وتبقى اسعد انسان فى الدنيا وفعلا تعرفها معنى الحب ايه وتشوف معاها الحنان اللى ما شوفتهوش قبل كده ويا رب فعلا ما يفرقش بينكم اى حاجة واكيد كلنا بنتمنالك حياة سعيدة مع زوجتك يا عريس
حب العمر

شكرا ليكي ولذوقك يا حب العمر وعقبالك قريب أنشالله

انا حاسه بيكى اوى وعايزه قولك لازم تنوى من قلبك انك تنسيه واشغلى حياتك بأى حاجه تانيه مثلا قربى من صحابك لان اكتر ناس هتقدر تنسيكى صحابك لو بجد مخلصين

ميرسيه جدا ليكى يا حبيبتى على الرد
منورة التوبيك
ووالله اكيد انا من جوايا نفسى انساه بس مش بايدى انسى كل الحب ده كده بسرعة
وممكن فعلا يكون اصحابى هم الحل لانى زى ما انا قولت استغنيت بيه عن كل الناس مش بس اصحابى
ثانكس على الاهتمام

انا حابة اقولك الحب مش حاجة حلوة زى ما ناس فاكرة ولا هو وحش بردة

هو شئ حلو ووحش فى نفس الوقت حلو لما ينسيكى الدنيا

صعب لما يخلى الدنيا مرة فى كلتا الحالتين بيبقا حلو

وبلاش نخاف احنا خلاص بكرة هنتعود علية

موضوع كويس

السلام عليكم صديقتي حبيت اشاركك موضوعك بما انه موضوع كتير جدا بيتكرر في الحياه فلم نقراء في قصص
العشاق علي ان كل اثنين كان بينهم قصة حب توجت بلزواج منهم قيس وليلي وعنتر وعبله ورميو وجوليت ليس
قصة من هذه القصص توجت بلارطباط بين ابطالها فلذا يا صديقتي لازم ولابد من ان نسلم الامر لله الواحدالاحد
ونرضي بما قسمه الله لنا (وعسي ان تكرهو شيء وهو خير لكم وعسي ان تحبوا شئ وهو شر لكم ) فلرضا بلقسمه والنصيب
هو ام من الامور المحببه ونتجه بحبنا لله ولرسوله لانه لا حب يعلي علي حب الله والرسول ومع الذكر الدائم سوف نرتضي بما قسمه الله لنا وصدقيني لو كنتي حبيتي بصدق لن تنسي ابدا هذا الحب او تكرهين لان القلب المحب الصادق لا يعرف ابدا الكراهيه او البغض ولاكن سوف تتمنين له السعادة لانك سوف تكونين سعيدة ان تري هذه السعاده علي وجه من تحبي
وفقك الله وايانا الي الطريق الرشيد والصواب (الا بذكر الله تطمئن القلوب ) واسف علي تطويلي
تقبلي كل الود
دمتي في حمي ربي

بجد ميرسيه على مرورك ياqueen2010
باذن الله اكيد انا هتعود لان خلاص بكرة ان شاء الله دخلته يعنى لازم اتعود سواء برضاى او هو هيبقى كده كده اصلا غصب عنى
مرورك انار صفحتى وزادنى شرفا

على ردك الذى انار صفحتى وزادنى شرفا
وبجد انا الحمد لله راضيةبما قسمه الله لى بس الكلام ده اكيد كان من شدة ما كنت به