عايزه اى حد يقرا التوبيك يقول مبروك

عايزاكم تباركولى كلكم
حبيبى خلاص كتب كتابه امبارح تانى يوم من ايام العيد
المصيبة انه هو بيقولى انا هكتب بكره بيقولى ده بكره كتب كتابى بيقولى عقبالك
هو ليه قالى اصلا على اليوم
عامة انا اول مرة احس انى نفسى ربنا يسعده مع مراته لانى حاسه انه هو وهو بيتجوزها عارف انها عمرها ما هتفهمه
بتمناله بجد الحياة السعيدة
بس بجد انا قضيت يوم من اسوء ايام حياتى ما اتخيلش انى هعيش زى اليوم ده تانى
انا بجد اول ما قفلت معاه كنت حاسة ان روحى بتروح منى والله كنت حاسة انى مش قادرة اخد نفسى
تخيلو والله بكيت 11ساعة متواصل الحاجة الوحيدة اللى خلتنى ابطل بكاء ان اصحابى جولى وصمموا يخرجونى برة البيت
بجد انا من اول ما المغرب اذن وعرفت ان ميعاد كتب الكتاب قرب حسيت برعشة فى جسمى عمرى ما حسيتها قبل كده والله كنت هكلمه واقوله بلاش
انا اسفة على الاطالة بس بجد كنت محتاجة حد يسمعنى

مبروك ده على كلامك
بس انا حساكى ملغبطه اوى
بس ربنا يريح بالك

اولاً انا هقولك مبروك
لانه ميستهلكيش واعرفى ان نصيبكم متكنوش لبعض والله اعلم بما لا يعلمه البشر
حاولى تعيشى حياتك الدنيا مليانة ازمات
حاولى تكون دى اخر ازمة والحمد لله عمرى فيها ازمة واحدة ولكنها جعلتنى اقوى مما كنت
وبصراحة الى بيحب بجد بيضحى بكل حاجة عشان الحبيب ومتهيقلى ان حبيبك مضحاش بحاجة خالص
ربنا يوفقق وتكملى طريقك بنجاح

حبيبتى انا قولتلك قبل كدة
هو شخص اختار حياتو مع واحدة غيرك وعاش الواقع
انا عارفة انو صعب بس انتى لازم انتى كمان تعيشى الواقع وتنجحى فى حياتك
لسة الحياة قدامك حتقبلى الاحسن والى انتى تحبى اكتر من اى حد
والحياة قدامك وحتعيشى حياتك وحتحبى وحتكرهى
وبجد انا بدعيلك ربنا يكرمك فى حياتك علشان
انا حاسة بيكى اوى وبالانتى حساة لانى مريت وبمر بمرحلة صعبة فى حياتى برضو
بس ربنا يوفقك حبيبة قلبى وصدقينى ربنا حيعوضك خير
تحياتى وكل تقديرى وحبى
DREAM

السلام عليكم

حب العمر مبروك

من قلبى بقول الفين مبروك

تحياتى ليكى ربنا يحميكى يارب

على فكرة اتى هترتاحى اوى بعد كده

عارفة هو الخسران مش انتى

فكرى كويس

معالى المستشار

السلام عليكم

حب العمر

عايزك تبكى كمان 11 ساعة عليه

ولو قدرتى تبكى يوم كامل يبقى زى الفل

اعقلى بقى وفوقى لنفسك
تعرفى ولا لا
سلام

السلام عليكم

متزعليش منى

انا اتخنقت اوى عشانكواللى انتى فيه

بسبجد فوقى بقى وبصى لحياتك ومستقبلك

كلنا انجرحنا بس نحاول حتى نعيش بقى

حرام بجد

تحياتى ياحب العمر

معالى المستشار

عنجد كلامك تبكى 11 ساعه على واحد باعك واختار غيرك
امتى هتتعلمى عيشى لنفسك زى ماعاش هو لنفسه
فين حياتك
خساره دمعاتك تنزل عشان شخص ما يستاهل وخصوصا وانتى عارف ان البكاء ما هيرجع شىء
سورى لو كلامى زعلك .بس من ضيقتى من اللى انتى بتسويه فى روحك
ودمتى للفرح عنوان حبى ويارب تكون اخر احزانك

حب العمر كل سنه وانتي طيبه وعيد سعيد عليكي وانشاله تكون اخر الاحزان ليكي وانا قولت قبل كدة الحياة مش بتقف علي حد واكيد هو الخسران والحياة لازم تستمر رغم كل الاحزان
هي فترة بس من حياتك وهتنسي وتعيشي حياتك وتبدأي من جديد مع انسان يحبك بجد ويخاف عليكي
خلي بالك من نفسك وركزي في دراستك ومستقبلك وربنا معاكي
وعيد سعيد عليكي

بجد ميرسيه يا اسلامى حياتى على الرد خصوصا كلمة مبروك
وعايزة اقولك ان انا خلاص ما بقيتش ملغبطة ولا حاجة انا والحمد لله بمجرد اليوم ما انتهى انا خلاص رجعت لحالتى الطبيعية بتعة زمان قبل ما احب او اقابل الانسان ده
خلاص الحمد لله الانسان لازم يبقى واقعى ويبطل بكاء على حاجة راحت واستحالة ترجع

بجد ميرسيه جدا يا jokata
عايزة اقولك انه فعلا ما ضحاش باى حاجة عشانى حياته كلها مشيت زى ما هى
انا ولاول مرة احس انه عمره ما حبنى
اكيد ده وهم انا كنت عايشاه بس الحمد لله انى فوقت

انا متشكرة جدا يا DREAM
بس فين كلمة مبروك
والله انا عارفة ان هو اختار حياته مع واحدة تانية خلاص
بس على فكرة انا خلاص فكرة الحب تانى ده ما بقيتش فى دماغى الا للزوج مش خطيبى كمان
وربنا يوفقك فى ظروفك يا قمر

اختى الغاليه
مبروك ليكى مش ليه
هو اللى خسر مش انتى
تانى حاجه انا عارف انه صعبان عليكى نفسك
بس مهما كان فكرى ولو لحظه ان ده شخص باعك
والحمد لله انك مكملتيش معاه لانه كان هيبيعك بعدين
ارضى اختى بنصيبك
وربنا يعوضك خير بأذن الله

ميرسيه جدا جدا جدا يا معالى المستشار
عايزة اقولك انى فعلا ارتاحت بعد الليلة ده ما انتهت لان خلاص مع نهاية الليلة كانت نهاية لكل احلامى فيه
انا فعلا ما بقيتش افكر فيه اقصد افكر فى احلامى معاه
كل اللى فاضل الذكريات يعنى رايه مثلا فى حاجة كلامه ليا فى موضوع معين كده يعنى لكن افكر فيه ده حاجة اصلا خلاص بقيت حرام عليه ما فيش غير مراته بس اللى من حقها كده
على فكرة انا عمرى ما هبكى تانى عليه يمكن انا بكيت اليوم ده لان كان لسه كتب الكتاب ما حصلش انما بمجرد انتهاء اليوم خلاص جفت كل الدموع
على فكرة انا مش زعلانة خالص من حضرتك اكيد كلكم زعلتم عشانى
انا والله كتبت التوبيك اصلا عشان كنت مخنوقة ومحتاجة اخواتى يسمعونى ويحسوا بيا

ميرسيه جدا يا حرف مشتعل على ردك الجميل
اكيد انا هعيش لنفسى زى ما هو عاش لنفسه
واكيد عمرى ما هبكى عليه تانى لانه فعلا باعنى وباعنى بالرخيص اوى بجد اكيد هو عمره فى حياته ما حبنى
والله انا مش زعلانة منك يا قمر انا عارفة ان كلكم خايفين عليا

هذه هي الحياة
=((=((=((

ميرسيه جدا يا عمار طه2009
كل سنة وانت طيب
ان شاء الله ده هتكون اخر احزانى وفعلا الحياة مش بتقف على حد وانا متاكدة ان هو الخسران بكل المقاييس لان مراته استحالة هتحبه زى ما انا حبيته مهما حصل كفاية انها ما تعرفش اى حاجة عن حياته ولا عن حب حياته اللى هى خطيبته الاولى ولا تعرف حتى اى حاجة عن حياته اليومية
اكيد هى فترة فى حياتى خلاص انتهت واكيد انا نسيتها وان شاء الله هعيش حياتى
باذن الله هاخد بالى من نفسى ومن مذاكرتى ومستقبلى كمان بس عمرى ما هحب تانى الاللزوج فقط

ميرسيه يا محمد جدا على الرد واكيد مبروك ليا انا على انى خلاص نسيته
اكيد هفكر ان ده شخص باعنى والحمد لله انى ما كملتش معاه
ان شاء الله هرضى بنصيبى

ميرسيه جدا يا احمد حسين لردك ومرورك الذى عطر صفحتى
واكيد هذه هى الحياة

السلام عليكم

حب العمر

طالما اطمنا عليكى والحمد لله بقيتى تمام ورجعتى زى الفل زى زمان ويارب دايما

انا ليا طلب بعد اذنك طبعا يافندم اذا سمحتيلى حضرتك يعنى

غيرى بقى توقيعك ده اللى هو


كنت بحبك اوى وانت عارف
وللاسف اصريت تضيعنى من ايديك


عايزك تكتبى حاجة احس ان حب العمر بيها بجد نست كل حاجة زعلتها فى يوم من الأيام ورجعتى زى زمان

يارب تبقى دايما بخير ونطمن عليكى ياحب العمر دايما وتبقى اسعد زوجة فى الدنيا ان شاء الله

تحياتى يافندم لحضرتك ولشخصك الكريم

ولو احتجتى اى حاجة فى اى وقت حاضرين على راسى من فوق وانا تحت امرك شخصيا

معالى المستشار

عارفه ياقمر
هو الخسران
والله مايستاهل دمعه واحده من دموعك تنزل عليه
وبجد لازم تبصي للامام وتفكري في نفسك وبس
محدش هاينفعك
على فكره انا كمان هابقى في نفس مكانك بس بعد 6 شهور
ولا فارق معايا لاني اول مابعدنا طلعته من قلبي
هو الموضوع هايبقى صعب عليكي شويه
بس لازم تبقى عندك اراده
اسمعي كمان:
لازم تقطعي علاقتك بيه وحتى مكالمات الموبايل دي امنعيها
هو كدا بيجرحك واحده واحده
وبعدين بيكلمك ليه هو عشان يقولك حاجه زي كدا؟
دا انسان مايستاهلش انك تضيعي لحظه من وقتك في النظر اليه
صدقيني لازم تفوقي لنفسك وهو هاياخد جزائه

ولا تعبريه

ومبروك ليكي لانك خلصتي منه دا حد مايستاهلكيش

الف مليون مبروك ليكى انتى ياقمر وبجد انا فرحانة انك خلصتى من واحد كان مايستاهل ابدا انه حتى يشوفك بس مش يكلمك كمان ده هو كان فى ايده هدية جميلة بس للاسف ضاعت منه وبارادته لانى اناحاسه انك طيبة ورقيقة جدا واحب اعرفك انه هيندم فيما بعد واسفه للاطالة تقبلى مرورى:-*:):-*

حاسه فيكي معلش ربنا يصبرك

بصي يا حب العمر
انا على اد ما زعلت من اللي كتبتيه
على أد ما فرحت لنقطة اعتقد اغلب الناس مخادوش بالهم منها
انتي بتحبيه وهو اكيد كان بيحبك
لكن ظروف معينة حصلت جعلتكوا مدخلتوش في علاقة ارتباط جدي اللي هيا الزواج
دايما زي ما بيقولوا الزواج قسمة ونصيب
وانتي نصيبك مش معاه
لكن اكيد مع حد ان شاء الله يكون أفضل
وتحبيه أكتر منه
إوعي تقولي الحب الأول مش بيتعوض
لأ الحب بسهولة جدا بييجي لما تلاقي الشخص اللي تفهميه ويفهمك ويقدرك ويحب شخصك
وده ان شاء الله ربنا هيكرمك بيه
النقطة اللي فرحتني انك لسه على اتصال بيه وعلاقتكوا مش انتهت بزعل
وطالما ده موجود فده عامل كويس يخليكي تنسي بسرعه
ادعيله ربنا يهنيه ويوعدك بإنسان كويس وأفضل
ونصيحة مني
متفكريش فيه تاني
علشان الحياة مش بتتوقف على شخص واحد
تقبلي تحياتي

ميرسيه اوى يا هبه اتش
وبجد انا متشكرة على احساسك بيا
وربنا معاكى الفترة الجاية

ميرسيه جدا يا اسماع على ردك وكلامك الجميل ده
وربنا معاكى يا حبيبتى فى مشكلتك ويا ريت تطمنينى عليكى

ميرسيه جدا ياamaal t
وشكرا لاحساسك ومرورك الذى عطر صفحتى

ميرسيه جدا يا مووش على ردك
عايزة اقولك انى ما اعتقدش انى ناوية احب تانى مش احب حد لدرجة انها توصل انى احبه اكتر من الشخص اللى انا حبيته لانى عمر ما فى حد كان قريب منى زى حبيبى ولا انا استحالة هكرر التجربة ده تانى
وكمان انا مش لسه على اتصال بيه ولا حاجة بعد ما كتب كتابه بس بجد بتمنى اسمع صوته اللى كان ما بيفارقنيش

انا اسفة جدا يا معالى المستشار لانى ما قدرتش اغير توقيعى لان ده لسه احساسى اللى ما اعتقدش انه هيتغير بسرعة كده

لا حول ولا قوة الا بالله
بصى انا هقولك الف مليون مبروك من قلبى
لانك خلصتى من واحد زى ده
وان شاء الله ربنا هيوفقك مع اللى يستاهلك وتستاهليه
وتاكدى ان اللى راح ميستاهلش اننا نبكى عليه لانه
مش من حقنا من البداية ولا احنا من حقه
وانا متأكدة انك هتتخطى كل ده باذن الله

الف مبروك يا حب العمر ومش هققول ذي اغلب الناس ماقالت اني دا انسان مش يستاهل انك تفكري فيه اكيد كفايه اللي هو فيه دلوتي ومحدش يعلم بيه غير ربنا يا عالم ان كان حزين ولا مبسوط بس كل اللي اقدر اقوله اني برافو عليكي انك مسحتيه من حياتك حتي تليفونه اوعي تحاولي تكلميه لانه مش يستاهل اتصالك

السلام عليكم

حب العمر

انا لما قولت كده عشان اطلعك بس من الحالة اللى انتى فيها

يارب يحميكى يارب

وربنا معاكى

بس نصيحة منى حاولى تعيشى حياتك مش كده يابنت الناس

تحياتى

معالى المستشار

ميرسيه جدا يا العاشقة المجروحة
صدقينى والله يا حبيبتى ان كل اللى كان حاصللى ده كان بس من صعوبة الفراق والله مش اكتر
وميرسيه ليكى يا قمر على الرد

ميرسيه اوى يا عمار
على فكرة انا اكتر حد فى الدنيا ممكن تكون حاسة باللى هو فيه وهو عارف ومتاكد ان انا حاسة بكل اللى هو حاسه سواء كان مبسوط زى اى شاب ان هو اتجوز او من ناحية ان الانسانة اللى اتجوزها ده مش هتقدر تفهمه زى ما كان بيتمنى بس والله وده مشكلتى بجد انى ما عرفتش اكرهه لحد انهرده بعد كل اللى حصلللى من بعده عنى وبامانة بتمناله حياة سعيدة مع الانسانة ده
واتمنى ان هو ينسى ويشيل من دماغه فكرة ان هى مش هتفهمه عشان يحس بالسعادة معاها ويحاول يديها حقها وتكون اسعد زوجة فى الدنيا معاه كفاية اوى ان هى هتبقى فى حضنه

ميرسيه جدا يا معالى المستشار
على اهتمام حضرتك بانك تحاول تخرجنى من اللى انا كنت فيه
بس هى كل الحكاية ان انا فى البداية يعنى فى اليومين الاولنيين بعد كتب الكتاب كنت مجروحة اوى فكنت متخيلة ان الموضوع سهل بقى يعنى ده حد باعك لازم تنسيه بس والله دلوقتى بجد مش عارفة اقول ايه
بجد انا لسه بحبه وبخاف عليه يعنى نفسى اكون جمبه لانى حاسة انه محتاجلى اوى وكل اللى عمله ده ما ريحهوش ولا حاجة ده بالعكس ده زود الامه يعنى هو اصلا مش مستريح ان هو اتجوز واحدة مش هتفهمه بس بجد هو كل اللى عمله انه فكر بواقعية زيادة عن اللازم فى انه عمرنا ما هنعرف نتجوز
انا عارفة ان حضرتك اكيد هتقوال انى مجنونة بس الحاجة الوحيدة اللى انا واثقة منها ان حبيبى وصلنى لاكتر من الحب
خلانى افكر فى سعادته حتى لو فيها جرحى (والله العظيم ان كل كلمة كتبتها انا فعلا حساها)