مع / ضد >>>>>>> انتخابات و بس . السؤال 3

بسم الله الرحمن الرحيم

السلام عليكم و رحمة الله و بركاته

عجبنى موضوع فى القسم العام بنفس العنوان


مع / ضد

و خطرت فى بالى فكره

إنى أعمل الموضوع بنفس العنوان لكن هيكون فى

ما يخص الإنتخابات فى مصر

يعنى كلام فى الإنتخابات و بس

كل فتره انا هادخل و أسأل سؤال

و طبعا هيكون مع أو ضد

و السؤال هيكون فى اى شيئ يخص الإنتخابات المصريه

بصفه عامه

و كل عضو يدخل يقول هو مع ولا ضد

مع التعليل و ذكر الأسباب

ملحوظه : انا فقط من سيحدد السؤال

و بإمكان كل عضو ان يناقش من يخالفه رأيه بصوره حضاريه و بحريه و دون تعصب أو إخلال بأدب الحوار

يحق لى ان احدد المده الزمنيه لكل سؤال

اتمنى فكرة الموضوع تعجبكوا

و يكون فيه تفاعل و مشاركات و مناقشات تفيد الجميع


السؤال الأول

مع / ضد

الرقابه الدوليه على جميع الإنتخابات سواء مجلسى الشعب و الشورى أو الإنتخابات الرئاسيه

؟؟؟؟

اقتباس:

---

المشاركة الأصلية كتبت بواسطة عفريت أفندى

اقتباس:

---

ملحوظه : انا فقط من سيحدد السؤال

---

اقتباس:

---

مع / ضد

الرقابه الدوليه على جميع الإنتخابات سواء مجلسى الشعب و الشورى أو الإنتخابات الرئاسيه

؟؟؟؟

---

---

من اولها كده ياحاج هتعمل فيها ديكتاتور وانت بس الي هتسال طب ماترد ع نفسك بالمره :-/

بالنسبه للموضوع فكره ممتازه وربنا يوفقك

بالنسبه لردي انا فهيكون في عده نقط

بالنسبه للانتخابات

الحرامي لما يجي يسرق ما يحبش حد يشوفه والانتخابات عندنا كلها سرقة لانهم بسرقوا الاصوات بتاعة الشعب فلازم محدش يشوف يبئه ازاي يكون في رقابة على ما يسمى انتخابات وبعدين ليه يكون في انتخابات طالما في حزب غير وطنى ديكتاتوري ومش غريب على اي حد ان مبدأ الحكومة ربنا يخدها ويريحنا ( لازم نضحي بالشعب عشان الحكومة تعيش ) وتحيا مصر

2

الانتخابات المصرية ليها صفات مش موجوده فى اى بلد فى العالم و خايفين على بلدنا من ان يحسدونا عليها في اليوم الموعود ده بيتم توزيع الكباب و الكفته على لجان الانتخابات وده يفتح باب الرزق لكثير من محلات الكباب و اليوم ده يوم غداء للمشرفين على الانتخابات كما انه يوم هادئ مش هتلاقي ليه مثيل فى اى انتخابات فى انحاء العالم هتلاقيه يوم هادي هدوء لا يوجد من ينتخب المرشحين الا قليل جدا فاليه نطلب المراقبه الدوليه عايزين تحسدونا ان الحكومه فى هذا اليوم تقوم بدور غير عادى دي بتقوم بدور تسويد البطاقات و فرزها و تعلن النتيجه بعد مشقة كل انتخابات;)

اخيرا بقي ياحاج

الذى لا ينوى التزوير لا يخشى من الرقابة اى كان مصدرها. أما من يعيش على التزوير ولم يكتسب شرعيته إلا بالتزوير ويتنفس بالتزوير فإنه سيقاتل من اجل الا يراقبه احد خصوصا اذا كان يستطيع فضح تزويره على مستوى العالم وبالتالى يفسد عليه تمثيلية الانتخابات التى هى بالاساس يتم تمثيلها من اجل عيون الخارج.

تقبل مروري ياحاج وكل سنه وانت طيب ياديكتاتور

اولا فكرة رائعه
ثانيا انا ضد الرقابه دى
السبب
لانى كنت اتمنى ان تكون الرقابه داخليه نابعه من ذاتنا فقط
وبما ان دا مستحيل يحصل حتى فى الاحلام
فانا مع كلامSCREEM

اقتباس:

---

المشاركة الأصلية كتبت بواسطة SCREEM

من اولها كده ياحاج هتعمل فيها ديكتاتور وانت بس الي هتسال طب ماترد ع نفسك بالمره :-/


تقبل مروري ياحاج وكل سنه وانت طيب ياديكتاتور

---

سكريم يا غاااااااالى

وصفتنى بالديكتاتور مرتين

عموما إليك ردى على هذا الإتهام

أعتقد أنه من واجبى ككاتب للموضوع ومشرف على القسم السياسى أن أقوم بعملية تنظيم للموضوع
و من وجهة نظرى الخاصه و بعد تفكير عميق عند كتابة الموضوع وضعت شرطين مهمين جدا

1- ان اقوم انا بطرح السؤال
2- أن أقوم أيضا بتحديد مده تناوله

و ذلك حتى لا نخرج عن فكرة السؤال الأساسيه و ان يكون هناك متسع من الوقت للجميع للمشاركه فيه ثم تغييره عند الإكتفاء بالمشاركات و اعنقد أن هذا حقى أدبيا ككاتب للموضوع و حقى وظيفيا كمشرف للقسم

فكل ما أريده هو الحوار و النقاش الهادئ و الحضارى بين جميع الأعضاء فى التعبير عن وجهة نظرهم سواء مع أو ضد و بحريه تامه

و أرجو ايضا ان يستفيد الجميع من هذا النقاش حتى و إن كان هناك إختلاف فى وجهات النظر مع إلتزام الجميع بأدب الحوار

وجدت أن هذه الطريقه هى الأنسب للتركيز على موضوعات محدده يتم طرحها

حتى لا يتم طرح موضوعات غير مفيده او دون المستوى عن طريق اى عضو و حتى يكون هناك وقت كاف للنقاش و الحوار حولها

و هذه هى وجهة نظرى
أرجو ان تكون وصلت لكل معترض على الشرطين السابقين دون الإحساس بما ذكره حبيبى كريم من أننى ديكتاتور

دمت بود كريم

و كل سنه و إنت طيب يا كبير

و عيد أضحى مبااااارك على الجميع

و تقبل خالص شكرى و امتنانى لحضورك المميز و مشاركتك الثريه

علي فكره ياحاج انا كنت بهزر كل سنه وانت طيب

SCREEM

اخيرا بقي ياحاج

الذى لا ينوى التزوير لا يخشى من الرقابة اى كان مصدرها. أما من يعيش على التزوير ولم يكتسب شرعيته إلا بالتزوير ويتنفس بالتزوير فإنه سيقاتل من اجل الا يراقبه احد خصوصا اذا كان يستطيع فضح تزويره على مستوى العالم وبالتالى يفسد عليه تمثيلية الانتخابات التى هى بالاساس يتم تمثيلها من اجل عيون الخارج.



دى الخلاصه يا كريم

انت كده لخصت كل حاجه

مشكور على مرورك و مشاركتك

دمت بود

اقتباس:

---

المشاركة الأصلية كتبت بواسطة حرف مشتعل

اولا فكرة رائعه
ثانيا انا ضد الرقابه دى
السبب
لانى كنت اتمنى ان تكون الرقابه داخليه نابعه من ذاتنا فقط
وبما ان دا مستحيل يحصل حتى فى الاحلام
فانا مع كلامSCREEM

---

وجود رقابه دوليه إلى جانب الرقابه الداخليه يا حرف مشتعل

ما الضرر فى ذلك ؟

هل نحن نبتدع أو نستحدث امرا غير طبيعى ؟

كل الدول الديمقراطيه يتم فيها مراقبة الإنتخابات بالرقابه الدوليه إلى جانب الرقابه الداخليه

من يرفض الرقابة الدوليه يخفى شيئا و يخاف ان يفتضح أمره>>>>> التزوير

مشكوره على مرورك و مشاركتك

دمت بود

اقتباس:

---

المشاركة الأصلية كتبت بواسطة SCREEM

علي فكره ياحاج انا كنت بهزر كل سنه وانت طيب

---

كل سنه و إنت بصحه و سعاده و راحة بال يا كبير

و هزر براحتك يا عمونا ;)

انا طرحت السؤال دا على بابا امبارح
قولتله ليه في الانتخابات بتاعتنا بيكون فيه رقابه من دول اخرى زي امريكا
قالي عشان تكون انتخابات نظيفه
قولتله طب واحنا بنتدخل في شؤون امريكا
والمفروض يكون في حريه وكل دوله حره في اللي بتعمله
قالي عشان امريكا هي الدوله الام
انا شايفه ان مصر بتنادي يالديموقراطيه وهي مش عارفه تحققها
انا ضد تدخل اي دوله اياً كانت في شؤون مصر
وبعدين مش من المفروض ان حد يعرف غسيلنا اللي مش نظيف
بمعنى نستر على بعض وكفايه فضايح
وتكون النظافه من الداخل
كل واحد وضميره بقى

اقتباس:

---

المشاركة الأصلية كتبت بواسطة هبه اتش

انا طرحت السؤال دا على بابا امبارح
قولتله ليه في الانتخابات بتاعتنا بيكون فيه رقابه من دول اخرى زي امريكا
قالي عشان تكون انتخابات نظيفه
قولتله طب واحنا بنتدخل في شؤون امريكا
والمفروض يكون في حريه وكل دوله حره في اللي بتعمله
قالي عشان امريكا هي الدوله الام
انا شايفه ان مصر بتنادي يالديموقراطيه وهي مش عارفه تحققها
انا ضد تدخل اي دوله اياً كانت في شؤون مصر
وبعدين مش من المفروض ان حد يعرف غسيلنا اللي مش نظيف
بمعنى نستر على بعض وكفايه فضايح
وتكون النظافه من الداخل
كل واحد وضميره بقى

---

مين قال إن الرقابة الدوليه على الإنتخابات تدخل فى شئون الدول ؟

نظامنا الفاسد هو اللى بيروج لكده عن طريق وزراءه و أصحاب المنافع

باستخدام الإعلام >>>>>>> إسطوانه مشروخه بيكرروها و بيعيدوا و يزيدوا فيها

فزااااااعه بيخوفوا بيها الشعب

كل الدول اللى فيها ديمقراطيه حقيقيه و حريه حقيقيه بيمارسها شعبها بتوافق على وجود الرقابة الدوليه على انتخاباتها كضمان لنزاهة الإنتخابات
الدول الأوروبيه و أمريكا نفسها بترحب و بتسمح بوجود رقابه دوليه على إنتخاباتها>>>>> ليه مش بيقولوا ان ده تدخل فى شئونهم ؟؟؟؟

ليه مش بنسمع عن الفيلم الهندى اللى بيروج له النظام ( التدخل فى شئون مصر ) غير فى بلدنا إحنا ؟

دى رقابة دوليه

بمعنى مراقبيين دوليين من كافة دول العالم و مختلف المنظمات و أجهزة الإعلام العالميه و منها ما يتبع الأمم المتحده و مجلس الأمن و حقوق الإنسان و منها ماهو خااااص و أهلى

نفسى النظام يبطل ضحك على دقوووووون الشعب

تعبنا و زهقنا من افلامه الهااااااااابطه

منوره يا هبه

و يارب أكون قدرت اوضح وجهة نظرى

دمت بود

انا مع وجود رقابة داخليه من شخصيات عامه
يتفق علي نزاهتها اغلب الشعب


وده فى حالة لو اننا فى
بلد بتطبق الحريه والديمقراطيه


وبما اننا فى مصر ولانعرف عن الديمقراطية غير اسمها
فانا مع وجود رقابه خارجيه على الانتخابات مع عدم تدخل
هذه الدول فى اى شأن من شئون الدوله
الا الرقابة على الانتخابات فقط

شكرا وليد موضوع قيم وفكرته جميله

بسم الله الرحمن الرحيم

هل تسمح لى ان ارد على الموضوع يا باشا يا ملك يا سيادة الوزير بقالى ساعه رافعه ايدى علشان ارد وانت مقولتش موافق ارد ولا لا:D:D:D

وجهةنظرى انا ولا مع الرقابه ولا مع الانتخابات

ثم رقابة ايه اللى انت جاى تقول عليها الحياه مصالح ياصديقى حتى المراقبين كبيرهم يقولوا وجدنا بعض الاخطاء فى بعض الدوائر ههههههههههاو هههههاو ال بعض الاخطاء والتجاوزات ال يروحوا يلعبوا بعيد احنا رافضين الانتخابات بمراقبين او من غير مراقبين

يارب مكونش طولت وضايقتك وخدت مساحه كبيره وخلصتلك الصفحه وكده ربنا يستر ومتضايقش:(:(:(

فكره حلوه يا حكيم ومن غير ما تشخط هنسمع الكلام :D ومنتظرين الاسئله

اقتباس:

---

المشاركة الأصلية كتبت بواسطة الحريه

انا مع وجود رقابة داخليه من شخصيات عامه
يتفق علي نزاهتها اغلب الشعب


وده فى حالة لو اننا فى
بلد بتطبق الحريه والديمقراطيه


وبما اننا فى مصر ولانعرف عن الديمقراطية غير اسمها
فانا مع وجود رقابه خارجيه على الانتخابات مع عدم تدخل
هذه الدول فى اى شأن من شئون الدوله
الا الرقابة على الانتخابات فقط

شكرا وليد موضوع قيم وفكرته جميله

---

وجود رقابة دوليه على العمليه الإنتخابيه لا يعنى تدخلها فى شئون الدول

الرقابة الدوليه معنيه بالعمليه الإنتخابيه بكاملها من الألف إلى الياء

فهى تراقب كافة الإجراءات التى تضمن حريه الناخب فى التعبير عن رأيه بحريه و بدون اى ضغوط

كما تضمن تغطيه إعلاميه حره و نزيهه تكفل تكافؤ الفرص بين الناخبين فى ظهورهم الإعلامى او عرض برامجهم الإنتخابيه

و تضمن عدم التلاعب فى صناديق الإنتخاب حتى لا يتم استبدالها او اضافه اصوات او حذف اصوات >>>>> أى كل انواع التزوير بمختلف أشكالها

لا أرى أى تدخل فى شئون الدوله

كل ما آراه هو ضمان نزاهة الإنتخابات

من يريد ان يستحوذ على الحكم و فرض تواجده بالقوه عن طريق تزويرها
هو من يروج الى التدخل فى الشئون الداخليه

فهو يريد عمل انتخابات شكليه فقط لإضفاء المشروعيه على الرغم من عدم توفر نزاهتها

بارك الله فيكى فريدوم على مرورك و مشاركتك المميزه

دمت بود و احترام و تقدير

اقتباس:

---

المشاركة الأصلية كتبت بواسطة ايسل

بسم الله الرحمن الرحيم

هل تسمح لى ان ارد على الموضوع يا باشا يا ملك يا سيادة الوزير بقالى ساعه رافعه ايدى علشان ارد وانت مقولتش موافق ارد ولا لا:D:D:D

وجهةنظرى انا ولا مع الرقابه ولا مع الانتخابات

ثم رقابة ايه اللى انت جاى تقول عليها الحياه مصالح ياصديقى حتى المراقبين كبيرهم يقولوا وجدنا بعض الاخطاء فى بعض الدوائر ههههههههههاو هههههاو ال بعض الاخطاء والتجاوزات ال يروحوا يلعبوا بعيد احنا رافضين الانتخابات بمراقبين او من غير مراقبين

يارب مكونش طولت وضايقتك وخدت مساحه كبيره وخلصتلك الصفحه وكده ربنا يستر ومتضايقش:(:(:(

فكره حلوه يا حكيم ومن غير ما تشخط هنسمع الكلام :D ومنتظرين الاسئله

---

مما قرأته فى ردك يا ايسل

إنك من الأساس غير موافقه على الإنتخابات و طبيعى إنك مش تتعبى نفسك و تفكرى فى وجود رقابة دوليه عليها

ردك ياااااااائس و محبط فى نفس الوقت

حتى لو لم يكن هناك فااائده من وجود الإنتخابات فعلى الأقل نحاول استثمارها و عمل ضغط شعبى على النظام لتحقيق أى مكاسب سياسيه و لو كانت فى صورة سن قوانين شكليه يتم اضافتها للعمليه التنظيميه للإنتخابات كوجود رقابه دوليه عليها

اعتقد ان هذا أفضل من الوقوف متفرجين و ترك الفاسدين يعبثون بالعمليه الإنتخابيه دون ان نحرك ساكنا

و الموضوع مفتوح للجميع و لكل الآراء

من يريد كتابة أكتر من رد او مشاركه فليتفضل و بحريه

يعنى مش خايف تخلصى الصفحه ولا حاجه

عاوزه تكتبى اكتبى و لا يهمك >>>>>>> أظن أنا كده ماااااا قصرت :D

نورتى التوبيك بردك المحبط يا ايسل :->

انا مع الرقابة منعا للتزوير وانا شايف ان مش عيب يكون في رقابة بدام انا ماشي صح هخاف من اية

طالما سمحت اسمع ياباشا

من حوالى شهور كانت الانتخابات فى لبنان وامريكا تريد فريق من اللبنانين الفوز مولت حملتهم بأموال طائله الفريق الاخر طلب مراقبه دوليه وبعد انتهاء الانتخابات وبعد ما حصل بها من تزوير ورشاوى ومنع مناصرين الفريق الاخر من دخول اللجان امام المراقبه الدوليه

خرج تقرير المراقبين الدوليين عارف بيقول ايه ؟؟؟؟؟؟؟؟؟؟؟؟؟

حدث بعض التجاوزات يعنى من الأخر اللى امريكا عايزاه هو اللى بيحصل بالملح او من غيره بالمراقبين ومن غيرهم اللى بيحصل ده ياحكيم مسلسل بايخ بجد يبعدوا عننا بقى وعن عقولنا اللى بيستخفوا بيها زهقونا

شكرا للسماح بالرد مره اخرى والاطاله والله ده كرم منك يا سعادة الباشا الملك الوزير:D

اقتباس:

---

المشاركة الأصلية كتبت بواسطة محمد مدحت راغب

انا مع الرقابة منعا للتزوير وانا شايف ان مش عيب يكون في رقابة بدام انا ماشي صح هخاف من اية

---

كده انت لخصت و جيبت م الآخر

لو انا ماشى صح هخااااااااف من إيه ؟ :D

تسلم أخى الكريم

مشكور على مرورك و مشاركتك

دمت بود

اقتباس:

---

المشاركة الأصلية كتبت بواسطة ايسل

طالما سمحت اسمع ياباشا

حاضر هاسمع بس بشويش

بالراحه

حبه حبه

يعنى إهدا شويه يا عم إبراهيم :D

من حوالى شهور كانت الانتخابات فى لبنان وامريكا تريد فريق من اللبنانين الفوز مولت حملتهم بأموال طائله الفريق الاخر طلب مراقبه دوليه وبعد انتهاء الانتخابات وبعد ما حصل بها من تزوير ورشاوى ومنع مناصرين الفريق الاخر من دخول اللجان امام المراقبه الدوليه

خرج تقرير المراقبين الدوليين عارف بيقول ايه ؟؟؟؟؟؟؟؟؟؟؟؟؟

بيقول ايه ؟ :-/

المهم اسمى مش يكون مكتوووووووب :(

حدث بعض التجاوزات يعنى من الأخر اللى امريكا عايزاه هو اللى بيحصل بالملح او من غيره بالمراقبين ومن غيرهم اللى بيحصل ده ياحكيم مسلسل بايخ بجد يبعدوا عننا بقى وعن عقولنا اللى بيستخفوا بيها زهقونا

إزاى يبعدوا عننا ؟

طيب لو سابونا ف حالنا هيستقطعوا مين غيرنا ؟

و هيلاقوا فين شعوب عندها الخير ده كله و بتتنهب و مهاوده عشان يعملوا وصايه عليا ؟

شكرا للسماح بالرد مره اخرى والاطاله

العفو لا شكر على واجب

و ابقى تعالى كل يوم

انتى مابتجيش ليه ؟

مش تبقى تيجى ! :D

والله ده كرم منك يا سعادة الباشا الملك الوزير:D

كرم مين ؟ اوعى يكون مطاااوع ؟ عموما الله يرحمه

و من يوووووومى و انا كريم

انا اسمى وليد لكن الدلع كريييييييييييم :D

---

إحباااااااااط فى إحبااااااااااط

طب يعنى عاوزانا نعمل ايه ؟

نتفرج على التزوير و نقف ساكتين ؟
ولا عوزانا نشارك فيه ؟ :D

لا أمريكا و لا غيرها هتضمن انتخابات نزيهه

الشعب هو الوحيد الذى يضمن ذلك عن طريق ضغطه المستمر و القوى و بشتى الطرق على النظام

أما اى تدخل خارجى فهدفه مصلحته فقط او تجميل و تحسين صورته البشعه أمام العالم دون النظر إلى مصلحة أى شعوب أخرى

منوووووووووووره يا محبطه :-P

موضوع جميل ياوليد
وطرح رائع
ولكن انا ارفض الرقابه الدوليه لانها هتكون معظم الرقابه امريكيه
وطبعا احنا عندنا في مصر اقوي المعارضيين للحزب الوطني
والذين لهم شعبيه اكثر هما الاخوان المسلمين
والاغلبيه المضطهده في الاتنخابات دائما هما الاخوان
والذين اذا اخذوا فرصتهم في انتخابات نزيهه سيكوننا اكثر وجودا في المجلس من الحزب الوطني
ولا اعتقد ان امريكا ستقف ضد احبابهم وتكون بجانب اعدائهم

ولكن لا حل لنزاهه الانتخابات الا في يد الشعب
من متابعه المجتمع مدني ومتابعه جيده من الاعلام النظيف
ولكن هذه حلم في الوقت الحالي
في ظل حكومه بتدافع عن مصالحه الشخصيه ولو بالسيف

تسلم ياحاج علي الموضوع
بارك الله فيك وحفظك ورعاك

اقتباس:

---

المشاركة الأصلية كتبت بواسطة هشام اللول1

موضوع جميل ياوليد
وطرح رائع
ولكن انا ارفض الرقابه الدوليه لانها هتكون معظم الرقابه امريكيه
وطبعا احنا عندنا في مصر اقوي المعارضيين للحزب الوطني
والذين لهم شعبيه اكثر هما الاخوان المسلمين
والاغلبيه المضطهده في الاتنخابات دائما هما الاخوان
والذين اذا اخذوا فرصتهم في انتخابات نزيهه سيكوننا اكثر وجودا في المجلس من الحزب الوطني
ولا اعتقد ان امريكا ستقف ضد احبابهم وتكون بجانب اعدائهم

ولكن لا حل لنزاهه الانتخابات الا في يد الشعب
من متابعه المجتمع مدني ومتابعه جيده من الاعلام النظيف
ولكن هذه حلم في الوقت الحالي
في ظل حكومه بتدافع عن مصالحه الشخصيه ولو بالسيف

تسلم ياحاج علي الموضوع
بارك الله فيك وحفظك ورعاك

---

هشام

ما نريده هو ترسيخ مبدأ الرقابه الدوليه على كافة الإنتخابات

أى انها تكون شرط أساسى لأى عمليه إنتخابيه تتم فى مصر سواء فى وقتنا الحالى أو فى أى وقت قادم مستقبلا

و بالطبع ستكون هناك شروط أساسيه للرقابة الدوليه لا يتم تجاوزها من قبل المراقبين تحافظ على هيبة الدوله و عدم التدخل فى شئونها و ان تكون الرقابة الدوليه مختصه بالإنتخابات فقط لا غير

لا نطلب الرقابة الدوليه دفاعا عن فصيل سياسى ضد فصيل آخر

ما يهمنا هو المصلحه العليا للوطن بغض النظر عن الأطراف السياسيه بكافة فئاتها و طوائفها سواء حزب وطنى أو إخوان أو اى من قوى المعارضه

يجب أن ننظر إلى الأمام و إلى المستقبل و إلى مصلحة الوطن فقط لا غير

وجود رقابة دوليه بشروط محدده أهمها ان تكون معنيه بالعمليه الإنتخابيه مع احترام سيادة الدوله و عدم التدخل فى اى من شئونها

قد يساعد على اعطاء الثقه لدى المواطن فى نزاهة الإنتخابات و أهمية صوته فى ترجيح كفة مرشح عن آخر

و هذا رأيى الشخصى

بارك الله فيك هشام

دمت بود و احترام و تقدير

اقتباس:

---

وجود رقابة دوليه بشروط محدده أهمها ان تكون معنيه بالعمليه الإنتخابيه مع احترام سيادة الدوله و عدم التدخل فى اى من شئونها

---

ومن الذي سوف يضع هذه الشروط ؟؟
ومن الذي يضمن ان تكون هذه الشروط في صالح الشعب ؟
ياوليد لقد اضاعنا الكثير من الوقت وقله قليله هي التي تتصدي للحزب
وابشرك ان الانتخابات القادمه سوف تكون في يد الحزب الوطني

تسلم ياحاج وليد علي المناقشه والطرح
دمت بود واحترام

اقتباس:

---

المشاركة الأصلية كتبت بواسطة هشام اللول1

ومن الذي سوف يضع هذه الشروط ؟؟
ومن الذي يضمن ان تكون هذه الشروط في صالح الشعب ؟

على الشعب أن يقوم بالضغط على الحكومه من أجل أن يحصل على حقوقه المسلوبه منذ عقود
لن يقوم أحد بالدور الذى يجب أن يقوم به الشعب
إذا ظلت حالة الصمت و السكوت التى يعانى منها الشعب باقيه على حالها فلننتظر الأسوأ

ياوليد لقد اضاعنا الكثير من الوقت وقله قليله هي التي تتصدي للحزب

ان كنت تقصد الإخوان أو أى من قوى المعارضه فأنت مخطئ
من وجهة نظرى الشخصيه أنها قوى معارضه شكليه فقط و عندما تتحرك تتحرك للحصول على أكبر قدر من المكاسب السياسيه و الشخصيه و التى تصب فى مصلحتها فقط عن طريق عقد الصفقات مع الوطنى و النظام دون مراعاة لمصلحة الوطن و المواطن
المعارضة الحقيقيه هى التى تنظر إلى مصلحة الوطن و المواطن حتى و ان كان ثمنها التضحيات المؤلمه
و اعتقد أنها موجوده و لكن ينقصها التنظيم و التجمع على هدف محدد كما ينقصها القياده

وابشرك ان الانتخابات القادمه سوف تكون في يد الحزب الوطني

الجميع يعلم ذلك

و لا حاجه للتنبؤ به

حزب يسيطر على مقاليد كل شيئ فى الدوله

كيف يخسر ؟؟؟؟

تسلم ياحاج وليد علي المناقشه والطرح
دمت بود واحترام

---

مشكور هشام على مرورك و مشاركتك

بارك الله فيك

و دمت بود و إحترام و تقدير

السؤال الثانى

مع / ضد

المشاركه فى الإنتخابات سواء الشعب او الشورى او الرئاسيه ؟

هنا بئه مينفعش مع او ضد :-/

هما الاتنين مع وضد

مع المشاركه فى الانتخابات لو كانت نزيهة
لان انا صوتى له قيمه

وضد المشاركه علشان
مينفعشى فى انتخابات الكوسه
اروح انتخب
كده هيكون صوتى ملوش قيمه
وانا مش عايزه كده

شكرا وليد

هاتلى نائب حقيقى من وسط الشعب حاسس بيهم مش عامل صفقه مع الشيطان الاعظم الحزب الوطنى وانا انزل انتخبه واشارك هاتلى واحد يرشح نفسه للرئاسه يحترم ونثق فى انه سيقوم بالتغير فعلا وانا انزل اشارك اما غير كده فأنا ضد ليست سلبيه ولكن واقعيه وشديده جدا التزوير والفتوات والاوراق محضره مسبقا فأنا بمشاركتى او عدمها لن اقدم او أأخر شئ

شكرا وليد

اقتباس:

---

المشاركة الأصلية كتبت بواسطة الحريه

هنا بئه مينفعش مع او ضد :-/

هما الاتنين مع وضد

مع المشاركه فى الانتخابات لو كانت نزيهة
لان انا صوتى له قيمه

وضد المشاركه علشان
مينفعشى فى انتخابات الكوسه
اروح انتخب
كده هيكون صوتى ملوش قيمه
وانا مش عايزه كده

شكرا وليد

---

وجهة نظر تحترم

نزاهة الانتخابات مطلب رئيسى

لو فعلا انا عارف ان صوتى ليه قيمة أكيد هشااااارك

لكن لو عارف ان التزوير أساسى فأكيد مش هانتخب لأنى بكده هكون ساهمت فى نجاح الإنتخابات و إضفاء الشرعيه عليها

تسلمى يا فريدوم على مرورك و مشاركتك

منوووووره الموضوع

اقتباس:

---

المشاركة الأصلية كتبت بواسطة ايسل

هاتلى نائب حقيقى من وسط الشعب حاسس بيهم مش عامل صفقه مع الشيطان الاعظم الحزب الوطنى وانا انزل انتخبه واشارك هاتلى واحد يرشح نفسه للرئاسه يحترم ونثق فى انه سيقوم بالتغير فعلا وانا انزل اشارك اما غير كده فأنا ضد ليست سلبيه ولكن واقعيه وشديده جدا التزوير والفتوات والاوراق محضره مسبقا فأنا بمشاركتى او عدمها لن اقدم او أأخر شئ

شكرا وليد

---

الفكره واحده من خلال ردك يا ايسل

ضمان نزاهة الإنتخابات

اعادة الثقه لدى المواطن بأن صوته له قيمه

و بالفعل لو مش فيه نزاهة و شاركت ف الإنتخابات يبقى كده أنا بأساهم فى إعطاء الشرعيه لهذه الإنتخابات المزوره

طب ايه الحل ؟

كلنا عارفين إن التزوير هيتم لا محاله
علشان لا توجد ضمانات حقيقيه أو كافيه لضمان نزاهة الإنتخابات

يبقى نعمل ايه ؟

نقااااااااااطع ؟:-/

تسلمى يا ايسل على مرورك و ردك

فين الردود و المشاركات على السؤال التانى يا شبااااااب ؟؟


عاوزين تفاااااعل



:-/:-/:-/

السؤال الثالث

مع / ضد

وجود لجنه عليا للإنتخابات يكون لديها صلاحيه أكثر مما هو متاح لها حاليا

بمعنى أنه بإمكانها اتخاذ إجراءات أكثر صرامه كملاحقة المزوريين أو البلطجيه و ضبطهم و تسليمهم للنيابه ؟؟؟؟؟

طبعا مع الرقابة على الانتخابات سوا كانت الرقابه الدوليه على جميع الإنتخابات سواء مجلسى الشعب و الشورى أو الإنتخابات الرئاسيه ولية نخاف من الرقابة=((

اقتباس:

---

المشاركة الأصلية كتبت بواسطة mohamedkhyralaah

طبعا مع الرقابة على الانتخابات سوا كانت الرقابه الدوليه على جميع الإنتخابات سواء مجلسى الشعب و الشورى أو الإنتخابات الرئاسيه ولية نخاف من الرقابة=((

---

تسلم أخى محمد

و ده رأيك ف السؤال الأول

إحنا دلوقتى ف السؤال الثالث

يا ريت تشارك و تقول رأيك فى السؤال 3

مشكور ع المرور و المشاركه

اقتباس:

---

المشاركة الأصلية كتبت بواسطة عفريت أفندى

السؤال الثالث

مع / ضد

وجود لجنه عليا للإنتخابات يكون لديها صلاحيه أكثر مما هو متاح لها حاليا

بمعنى أنه بإمكانها اتخاذ إجراءات أكثر صرامه كملاحقة المزوريين أو البلطجيه و ضبطهم و تسليمهم للنيابه ؟؟؟؟؟

---

انا مع وجود طبعا
بس للاسف ياوليد كل حاجه دلوقتي اصبحت في ايد الحزب
سواء الداخليه والقضاء
يعني لو البلطجي او المزور مش هيخرج من ايدي الداخليه
هيخرج من ايد القضاء
وعليه العوض ومنه العوض
:-O:-O:-O
تسلم ياحاج وليد
بارك الله فيك وحفظك ورعاك

السؤال الثانى

المشاركه فى الإنتخابات سواء الشعب او الشورى او الرئاسيه ؟

طبعا مع المشاركه شرط ان تكون نزيهه
ولكن ومع الأسف لم تعد هكذا

السؤال الثالث

وجود لجنه عليا للإنتخابات يكون لديها صلاحيه أكثر مما هو متاح لها حاليا

معها ان وجدت
ولكن وبكل أسف.....
الا اذا تغير حال البلد
وهذا....

اقتباس:

---

المشاركة الأصلية كتبت بواسطة هشام اللول1

انا مع وجود طبعا
بس للاسف ياوليد كل حاجه دلوقتي اصبحت في ايد الحزب
سواء الداخليه والقضاء
يعني لو البلطجي او المزور مش هيخرج من ايدي الداخليه
هيخرج من ايد القضاء
وعليه العوض ومنه العوض
:-O:-O:-O
تسلم ياحاج وليد
بارك الله فيك وحفظك ورعاك

---

تسلم يا هشام

إن وجدت يجب ان يكون لها كل الصلاحيات

و أن يكون لها اليد العليا

و ليس كما هو الحال الآن

دمت بود

اقتباس:

---

المشاركة الأصلية كتبت بواسطة آيه محمد

السؤال الثانى

المشاركه فى الإنتخابات سواء الشعب او الشورى او الرئاسيه ؟

طبعا مع المشاركه شرط ان تكون نزيهه
ولكن ومع الأسف لم تعد هكذا

السؤال الثالث

وجود لجنه عليا للإنتخابات يكون لديها صلاحيه أكثر مما هو متاح لها حاليا

معها ان وجدت
ولكن وبكل أسف.....
الا اذا تغير حال البلد
وهذا....

---

مشكوره يا آيه على مرورك و مشاركتك

و نتمنى ان ينصلح الحال

حتى نستطيع المشاركه و بفاعليه

لا نريد وعود كاذبه لا تحقق

نريد أفعال و ليس أقوال

دمت بود