هل يوجد حب حقيقي علي النت اوالموبيل

هل يوجد حب حقيقي علي النت او الشات او الموبيل
هل ممكن حد يحب حد من غير ما يقعد معاة ويلمسه ويتكلم معاة وهو قدامه
مستني أرائكم حول هذا الموضوع

انا رايى انه لا يوجد حب حقبقى اساسا
يعنى فى الحياة العادية مش على النت بس
حتى لو كان فى حب حقبقى غالبا لا ينتهى النهاية المتوقعة من الطرفين
اكيد حضرتك جربت ده فى حبك الاول والاخير فى حياتك(خطيبتك الاولى) وفى الاخر ما كانتش من نصيبك
ازاى بقى عايز تقول انه يوجد حب على النت وكمان ينتهى نهاية كويسة
(لكن فى النهاية احب اقول انه ممكن يكون فى حب لكن عندما يكون الشخص مش بتاع تسالى واسطوانات يدورها على كل البنات) ويكون ناوى بجد مش يعيش حياته وياخد اللى عايزه وبعدين ينهى العلاقة

السلام عليكم

الحب هو الحب ليس بمكان او زمان يتحدد مصيره

لو اتى الحب فانه اتى بالفعل

ممكن ليه لا

النت ما هو الا وسيلة ولكن طبعا بعد كده هيبان لو حب او لا

الحب موجود يالفعل سدى عمار

تحياتى

معالى المستشار

عندك حق يامعالى المستشار
بس دة بيون بنسة بسيطة قوووووووووووووووووووووووو وووووووووووووووووووووى
بس ممكن النت والتليفون ميظهروش اى حاجة لاان كان حقيقى اولاء يبقى الواحد يتاكد ازاى
ياريت حضرتك تقولى

السلام عليكم

احساسك يقولك عيون حزينة

وقلبك يقولك

هتحسى بالحب بجد لو عشتيه يافندم

وتقدرى تتاكدى انك تقابليه تعرفى ايه دماغه تفكيره

انتى بالنسبة ليه ايه

واكيد هتقدرى تعرفى اذا كان حبك او لا

تحياتى

معالى المستشار

فى حكمة بتقول الودن بتعشق قبل العين
والحب ده مشاعر واحاسيس فيه ناس عامية ومع كدة بتحب
اه فيه حب ع النت بس تكون صادق مع اللى قدامك واللى بيحب كدة ده جوهرى
والله اعلم برضه

شكرا جدا لرردك يا سيادة المستشار ولباقي الاخوة الاعضاء

شكرا ليكي يا حب العمر وعايز اقولك ان الحب الحقيقي موجود في كل زمان ومكان بس احنا مش بنعرف نختار
ومش معني انك فشلتي في تجربه واحدة يبقي مش في حب اكيد الحب موجود بس أحنا لازم نحسن الاختيار
وبالنسبه للناس اللي بتتسلي باسم الحب اكيد حسابهم عند ربنا وهو هعياقبهم علي افعالهم سواء في الدنيا ام في الاخرة لانه لا يرضي بالظلم لأحد وقوله تعالي
" وما ظلمناهم ولكن كانو انسفهم يظلمون "
واخيريا حب العمر بأتمنالك حياة سعيدة في الدنيا والاخرة
وابقي اتعلمي من أخطائك وأختاري صح

وما ظلمناهم ولكن كانو انفسهم يظلمون
صدق الله العظيم

ثانكس يا اخ عمار
بس حضرتك بتقول لازم نحسن الاختيار
قولى ازاى( ما فيش حد بيختار مين الشخص اللى هيحبه)
وبعدين اوعدك باذن الله هتعلم من اخطائى بس مش انى اختار صح باذن الله مش هحب تانى لانى مش ناوية انجرح تانى
وهل معنى كلام حضرتك ان انا بعد كل اللى انا عملته انا اللى ظلمت مش حبيبى اللى ظلمنى معاه يعنى هو ما ظلمنيش لما حرمنى منه

النـــــــــــت والموبايـــــــــل
ستـــــــــــــــــــــــ ـــــــارة كبير كل وحد بيبن محاسنه وميزاته
وكأنه ياعينى مافيهوش غلطة ولا عيب
ده الانسان مش بيعرف طبيعة اللى ادامه الا لما يتعرف عليه ويقعد معاه مرة واتنين عشان يعرف شخصيته كويس
ان شخصية الفرد مواقف بيتحصل بتظهر شخصية الفرد
لكن ف النت او الموبايل
مواقف ايه اللى هتحصل تبين الشخصية ؟؟!!!
وعشان نبقى على نور برضه
مش اللى بيتكلم بس بيبن ميزاته
ده الطرفين بيحاولوا بقدر الامكان يحسسوا اللى ادامههم انهم ملايكة مافيهمش عيب
بس كل الناس فيها عيوب ده الطبيعى ومش عيب
بس اللى عيب ان الواحد يخدع اللى ادامه ويحسسنه ان الملاك
معلش طولت عليكوا :D

شكرا ليكي يا حب العمر وشكرا ليكي ايضا يا هبه

الحب هو الحب فى اى وقت واى مكان مفيش عليه لوم
اللوم علينا احنا البشر اللى بنستغله بالكدب والخداع
او سوء الاختيار
ليه يعنى منختارش نحب مين وازاى وليه ليه منختارش الانسب
عشان نحبه ليه منختارش اللى يستاهل
ويكون حد محترم وكويس ليه ؟؟
الحب موجود سواء فى النت او غيره بس نفكر كويس احنا ناس عقلانيين
ربنا ادانا العقل عشان نميز بيه اللى قدامنا بيخدعنا ولا ايه
واكيد لو اللى بيحب ده بيحب بجد هيعمل المستحيل عشان يتحول الحب من النت لحب
قدام كل الناس ويتقدم لاهلها وهنا ده تأكيد لحبهم وانه حقيقى لكن لو كان غير كدة ميبقاش حب

الحب على النت بيخلص ممكن الكهربا تقطع
لكن الحب على الموب اطول ممكن تجيب كارت لو كارتك خلص:D

انا هزرت لان بجد الموضوع دة محيرنى :-/

هههههههههههههههههههه
لا مقولة حلوة ممكن برده
بس يا حبيبة قلبى متخليش حاجة زى دى تحيرك
الحب موجود بس اللى بيحبوا بجد هما اللى قليلين
وعشان تتأكدى من حب اللى قدامك لازم يثبتلك
وبدل الكلام الكتير اللى بيقوله جه خلاص وقت الفعل
ولو معملش المستحيل عشانك يبقى محبش وميستاهلش

بصى هوة ممكن يعمل المستحيل وبردو
ميحصلش نصيب
الموضوع كله فى الاول وف الاخر نصييييييييييييييييييييييي ييييييب
مش اكتر من كدا
بس ساعات بحس انه هيبئه حب صعب اوى
عشان لما هتحبى حد مشفتيهوش
بتتخيلى حركاته تصرفاته ضحكته اسلوبه وهوة كمان بيرسملك صورة
لما هيجى يشوفك هتختلفى كتير عن الصورة اللى انتى او هو رسمنها لبعض
بغض النظر حلوين وحشيين :-/

اه كلامك صح
بس صدقينى ساعتها مش هتفرق كتير
لانك هتكونى بجد حبتيه وهو كمان
اما حكاية النصيب فده حاجة ملناش يد فيها
بس على الاقل هتكونوا أتأكدتوا ان حبكوا حقيقى

هوة فيه فى الزمن دة حب حقيقى :-/

شكرا ليكي يا رحيل القمر والعاشقه المجروحه