دى اول مشاركة ليا باللغة العامية
وطبعا هى حاجة كدة على قدى
يارب تنال اعجابكوا
قالولى عنك كتير
قالوا عنك كتير ومصدّقتش
خاين وفى الحب مصدقتش
قربت منك ومخفتش
حبيتك وبكل ما فيا
وملقيتش فى هواك حنية
لقيتك زى القط بتخربش
كان نفسى أحس معاك بأمان
أو حضن دافى أو أى كلام
وبغير جراحك قلبى محسش
قالولى فيك كتير مواويل
جاحد.............
وفى الخيانة ملكش مثيل
ومشيت وكإنى مسمعتش
حاولت أغير فيك ياما
أو حتى أسيب أى علامة
لكن إنت فى الأخر ماتغيرتش
قولت البعد يمكن ينفعنا
مادام الحب عمره مانفعنا
بس إنت حبيبى ليه عنى مابعدتش؟
