جامعة القاهرة ضمن أفضل جامعات العالم ... معقـــول!!!!

جامعة القاهرة ضمن أفضل جامعات العالم ... معقـــول!!!!

خبر اتنشر علي موقع مصراوي علي النت عمل دوشة بين شباب الجامعات .. الخبر بيأكد إن جامعة القاهرة، دخلت للعام التاني علي التوالي :: ضمن أفضل 500 جامعة في العالم :: حسب تقرير معهد التعليم العالي، بجامعة شنغهاي الصينية الشهيرة لعام 2007.

طبعا طلاب الجامعات لم يقتنعوا بالخبر، و اعتبروه نكتة الموسم لدرجة إن واحد قال:
" إزاي يعني، دا أكيد حوار بطيخ خالص (مش أنا علي فكرة)"

و التقرير تضمن ترتيب الجامعات علي المستوي المحلي و الإقليمي، و أظهر إن جامعة القاهرة هي الجامعة العربية الوحيدة وفق التصنيف، و التالتة في أفريقيا - زي ما قالت وكالة أنباء الشرق الأوسط- و برضه ماظهرش في القائمة جامعات أخري من دول المنطقة، غير جامعة القاهرة و إسطنبول التركية، و نجحت 5 جامعات أفريقية إنها تلاقيلها مكان في القائمة منهم 4 جامعات في جنوب أفريقيا لوحدها.

طلاب الجامعات اللي علقوا علي الخبر ده، فاختلفت تعليقاتهم .. زي كده

::واحد قال ::
" كلام جميل ... بس في هناك معيار علمي؟ .. يعني ببساطة هوا ممكن الخريج المصري إنه يشتغل في دولة أجنبية بشهادته المصرية؟ طبعا لأ. "

::واحد تاني قال ::
" التقرير ده لما طلع من سنتين و مكنش فيه ولا جامعة مصرية، الناس قعدت تقول إزاي و مستوي التعليم زفت ... و كلام كتير كده. و لما دخلنا فيه، بقي التقرير هو اللي وحش و زفت، يا جماعة بطلوا نقد علي الفاضي و المليان. "

::واحد قال ::
" أنا قريت التقرير و بالرغم من إني مش مقتنع بطريقة التقييم، بس أحب إني أقول إن الكدب في دمنا، و أحب أطلب من المسئولين يقولولنا: كام جامعة إسرائيلية في التقرير و ترتيبهم كام؟ و كمان إيه ترتيب جامعة القاهرة وسط ال500؟ "

::واحد كل كلامه سخرية قال ::
" طبيعي جدا إن الصين تصنفنا ضمن أفضل 500 جامعة في العالم، ده مش ناقص غير إنهم يقلبوا البني آدميين و يخلوهم صينيين. طبعا ما هو تقرير صيني، ده مفيش حاجة في البلد إلا و مكتوب عليها Made In Chinaو عموما ده إنجاز عظيم لازم نشكر الحكومة و الريس عليه. "

::واحد دمه خفيف قال ::
" بكره يطلعوا تقرير من تايلاند و تايوان و جزر القمر و يقول: إن جامعة بنها هي الجامعة رقم واحد علي مستوي العالم. "

::واحد عمال يتريق قال ::
" يا ناس بلاش تهريج في الهزار لو سمحتم! .. مستوي جامعات مصر - الحكومية - معروف و مشهور أكتر من الفك المفترس .. بس إحنا غاويين نضحك علي بعض و نزوق و نجمل في مصايبنا لحد ما تبقي كوارث ... قال صيني قال ... ناس معندهاش دم يا أخي. "

::واحد عمال يضحك قال ::
" لا بجد دي نكتة عشان أضحك و لا إيه، أكيد لتقرير اللي عمله المعهد الصيني شبه المنتجات الصيني يعني مضروب بالبلدي كده، بس نكته حلوة أوي. "

إيه رأيكم إنتوا بقي في التقرير الصيني ده ؟!!!

انا رأيي إنه تقرير صيني يا أحمد


صيني يا ريس


طبعا بالنسبه للمصريين عارفين يعني ايه صيني :))


دا ممكن يكون تايواني كمان


كله كلام يا أحمد

إحنا التعليم عندنا .. محتاج ثورة تصحيح


بغض النظر عن القراءة والكتابه

الطلبة الخريجين عايزين محو أميه:((

http://img86.imageshack.us/img86/8964/6626xr9.gif

ممممممم معتقدش خالص يعني ان ممكن حاجه زي دي تحصل
هما عايزين يدخلو مصر فى التاريخ وخلاص
مش لاقيين غير التعليم يكلمو فيه
طب يكلمو فى حاجه تانيه:))

ي عم دا ميد ان شاينا زى ما عمنا دا قال


بانهى منطق ان شاء الله جامعات مصر متقمه كدا ؟؟

على اساس الغشل اللى مبهدل الدنيا

ولا على اساس العباقره اللى ملين البلد

ولا على اساس التطور الضخم اللى احنا فيه

ولا على اساس .........


لا لا

مش هصدق طبعا

هصدق فى حاله واحده بس

انك تسال سوال لاى حد متخرج فى مجاله لو جاوبك اجبه صحيحه 100 % عن اللى دارسه ممكن اصدق ساعتها

[-(
ورقـــــــ ,, ــه

اقتباس:

---

المشاركة الأصلية كتبت بواسطة مسلمـ

انا رأيي إنه تقرير صيني يا أحمد

صيني يا ريس
طبعا بالنسبه للمصريين عارفين يعني ايه صيني :))
دا ممكن يكون تايواني كمان
كله كلام يا أحمد
إحنا التعليم عندنا .. محتاج ثورة تصحيح
بغض النظر عن القراءة والكتابه
الطلبة الخريجين عايزين محو أميه:((

---

للأسف اعتقد ان التقرير ده مضروب
و علي رأيك كفاية انه صيني
للأسف التعليم في مصر محتاج حاجات كتير كده
شكرا يا مسلم علي مشاركتك برأيك
:) :)

اقتباس:

---

المشاركة الأصلية كتبت بواسطة affaan

http://img86.imageshack.us/img86/8964/6626xr9.gif

---

شكرا يا affaan بردك الكريم ده

اقتباس:

---

المشاركة الأصلية كتبت بواسطة ورقه

ي عم دا ميد ان شاينا زى ما عمنا دا قال

بانهى منطق ان شاء الله جامعات مصر متقمه كدا ؟؟
على اساس الغشل اللى مبهدل الدنيا
ولا على اساس العباقره اللى ملين البلد
ولا على اساس التطور الضخم اللى احنا فيه
ولا على اساس .........
لا لا
مش هصدق طبعا
هصدق فى حاله واحده بس
انك تسال سوال لاى حد متخرج فى مجاله لو جاوبك اجبه صحيحه 100 % عن اللى دارسه ممكن اصدق ساعتها

---

و الله يا لولي أنا لما قريت الموضوع كنت بحسبه هزار
بس طلع بجد .. عموما للأسف إن الخريج بعد ما يتخرج
بياخد كورسات عشان يفهم هو أخد إيه .. دا لو حيشتغل في مجاله يعني
و بلاش نسأل الخريج عن دراسته
أسالي طالب عن اللي أخده الترم اللي فات .. دي كفاية
شكرا يا لولي علي ردك و مشاركتك معانا

ههههههههههه

دة اشتغالة رسمى

على كدة باة جامعة اسيوط هى اللى اخدة الترتيب الاول

يا دة كلام فى ودان علام

و من المستحيل ان الكلام دة يكون صح

يا اما اللى عامل التقرير دة من اساسه واحد صينى

وانت عارف يا حمادة يعنى ايه صينى:D

أهلا AhMeD El-Za3eEm
عاوز النتيجه الصح ..انزل اى قهوة وشوف كم عدد الخريجين اللى ما يقفهوش الالف من كوز الدره...

تب ما تسألنى انا .واسأل اى خريج..هيقولك وهيوضحلك اد ايه احنا ف تأخر للاسف...انفصاااااااااااال تام بين التعليم ومتطلبات الحايه العمليه ...
اقول موقف:
كنت بكلم محاسب ..الرجل قعد ختبر فى ..بعد ما خلصت كلامى..قالى جميل كل كلامك..بس مش دا اللى احنا شغالين به..
عرفت بئه جامعه القاهره الكام ع مستوى العالم

اقتباس:

---

المشاركة الأصلية كتبت بواسطة rana91

ممممممم معتقدش خالص يعني ان ممكن حاجه زي دي تحصل
هما عايزين يدخلو مصر فى التاريخ وخلاص
مش لاقيين غير التعليم يكلمو فيه
طب يكلمو فى حاجه تانيه:))

---

ههههههههههههههههههههههههه هههه
حيتكلموا في ايه يعني .. في الكورة
ما إحنــا موكوسين فيها هي كمان
:)) :)) :)) :))
شكرا يا رنا علي ردك اللذيذ ده

اقتباس:

---

المشاركة الأصلية كتبت بواسطة أحمد عمر

أهلا AhMeD El-Za3eEm

---

اقتباس:

---

المشاركة الأصلية كتبت بواسطة أحمد عمر

عاوز النتيجه الصح ..انزل اى قهوة وشوف كم عدد الخريجين اللى ما يقفهوش الالف من كوز الدره...

تب ما تسألنى انا .واسأل اى خريج..هيقولك وهيوضحلك اد ايه احنا ف تأخر للاسف...انفصاااااااااااال تام بين التعليم ومتطلبات الحايه العمليه ...
اقول موقف:
كنت بكلم محاسب ..الرجل قعد ختبر فى ..بعد ما خلصت كلامى..قالى جميل كل كلامك..بس مش دا اللى احنا شغالين به..
عرفت بئه جامعه القاهره الكام ع مستوى العالم

---

للأسف يا احمـــد كل كلامك صح
و بالصراحة مفيش تعليق علي التعليم في مصــر
غير إنه عايز يتغير بشكل كامل ..
للأسف
شكرا يا أحمد علي ردك الكريم

اقتباس:

---

المشاركة الأصلية كتبت بواسطة دلوعة بورسعيد

ههههههههههه
دة اشتغالة رسمى
على كدة باة جامعة اسيوط هى اللى اخدة الترتيب الاول
يا دة كلام فى ودان علام
و من المستحيل ان الكلام دة يكون صح
يا اما اللى عامل التقرير دة من اساسه واحد صينى

وانت عارف يا حمادة يعنى ايه صينى:D

---

هههههههههههههههههههه
للأسف عارف يعني إيه صيني
و عارف إن كل الكلام ده في البطيخ
بس حنقـول ايه يعني
ميرسي يا ميرو علي ردك اللي زي العثــل ده:)

د صيني ياعم يعنى اكيد كلام مكسر هههههههه

ده كله كلام فاضى طبعا احنا اول جامعه فى القاهره اسككت بقى عشان الحسد