جحا فى الجون
***************
غاب عنا لفترة ثم عاد الينا متشحا بالسواد
فسألته عن سر الغياب وسواد الثياب
فقال: كنت اقرأ واسمع وأشاهد واصابتنى الحيرة فقد سمعت هذا وذاك
وكلها اشياء متناقضة
فهذا يقسم انها نزيهة وشفافة
وهذا يقسم بانها تزوير وبلطجة
وقد شاهدت صورا للسنج والشوم والمطاوى على شاشات التلفزة
ثم بدأ يقول كلمات بعنوان جحا فى الجون
جحا فى الجون
**********
طريقنا الف ميل وهيبدأ بخطوة
ولا هنشيل سنجة وشومة ومطوة
ولا بنبارك ولا بنعزى النايب ابوعطوة
************
ولا عندنا سجن ولا كمان سجان
وانتخابتنا حرة وفى كل اللجان
واللى مش عاجبه يمضغ لبان
************
والجون فيه اتنين قايم وكمان عارضة
حلاوة البرمان فى النايم والمؤيد والمعارضة
والنتايج جابت لثقافتى الف لخبطة وخضة
*********
دا احنا شعب واحد ومافيه ابدا فروق
ولا حق ضايع ولا نصيب مسروق
زى متقول جدار وفيه شوية شقوق
بس عايزين العدل عايزين الحقوق
************
كلمات م/ عماد الدين محمد
دمتم جميعا فى حفظ الله ورعايته
