انا بطلت السيكو سيكو والناس مش سايبنى فى حااااالى
السلام عليكم ورحمه الله وبركاته
اعوذ بالله السميع العليم من الشيطان الرجيم
بسم الله الرحمن الرحيم
إن الحمد لله ونستعينه ونستغفره ونعوذ بالله من شرور أنفسنا ومن سيئات أعمالنا
من يهديه الله تعالى فلا مضل له
ومن يضلل فلا هادي له
و أشهد أن لا إله ألا الله وحده لا شريك له و أن محمد عبده و رسوله
اللهم صلي على محمد وعلى ال محمد كما صليت على ال ابراهيم انك حميد مجيد
واللهم وبارك على محمد وعلى ال محمد كما باركت على ال ابراهيم انك حميد مجيد
اللهم إنا نسألك فعل الخيرات وترك المنكرات و حب المساكين و إن أردت بقوما فتنه فأقبضنا إليك غير مفتونين
اللهم امييييييييييييييييييييييي ييين
ـــــــــــــــــــــــــ ـــــــــــــــــــــــــ ــــــــــــ
ندخل بقى فى موضوعنا ياحبيباتى
بس الاول اقفلو علينا الباب عشان محدش يهرب
اصل انا ماسكه فى نفسي اقصد واثقه فى نفسي وعارفه انه هيعجبك ان شاء الله ايوه متبصيش وراكى انا بكلمك انتى انتى
انا بنت عمتى هى اللى فعلا بطلت السيكو سيكو خااااااااالص
وجت انتكست فتره وشوشو قعد يلعب فى دماغها قالها و ايييييييه يعنى وكانت خلاص بس رجعت فى كلامها
سمعاكى ياللى هناك وبتقولى واحنا عرفنا ايه هوه السيكو سيكو ايه البت الهبله دى
ماعلينا الله يسامحك وهقولك ايه هوه السيكو سيكو شوفتى انا طيبه ازاى
السيكو سيكو هوه الحوااااااااااااااااااااا اااااااجب ...
اوعى تجرى وتقفلى الموضوع هزعل منك والله
وربنا هيشهد عليكى اثبتى واقري للاخر وجربي ياستى مش هتخسري حاجه
واوعدينى انك تردى على الموضوع فى الاخر
المهم
هى بقى من ساعه ما خلصت ثانويه عامه وهى بتعملهم اصلهم قالولها الناس هتتريق عليكى وهى اجاركم الله حواجبها خطيره مقشه
وطبعا عملتهم وايه بقى انبهرررررررررررت وعرفت بعدها انو حرام
بس كباررررررررت وقعدت تقول
الناس والناس واصحابي وازااااااااى
بس بقى برحمه ربنا عليها عرفت مؤخرا مدى الذل اللى كانت فيه
اه والله ذل ال ايه الناس واصحابي
بقى ربنا اسيبه عشان خاطر خلق وبعدين هى كده حلوه وخدت قرار مش هتعملهم مع العلم بقى انها 20 سنه وايه بقى فى جامعه واى جامعه جامعه مزز كده
قعدت اول اسبوعين مكنوش طلعو اوى لقيت اصحابها هااااااا انتى هتسيبيهم ولا ايه قالتلهم اه وقرت بقى الصدمه ع وشوشهم وحاولت تقنع فيهم والى حد ما اقتنعو لغايه يوم جتلها انتيمتها بقى صاحبتها الانتيخ لقيتها بتبصيلها كده بقرف وراحت قالتلها الله يقرفك شكلك معفــــــــن
واكيد فى الشمس حاجه تانيه بقى
مكدبش عليكم هى زعلت اوى واتأنثرت اصل هى حساسه
المهم راحت تانى يوم الجامعه وغضبانه بقى وعفاريتها بتنطط اه نسيت اقولكم انها اخدت اسبوعين بتمشي تبص فى الارض لانها كانت بتكسف ترفع وشها فى حد
المهم تانى يوم وهى خارجه من البيت قابلت ناس تعرفهم وايييييه ميك اب وحواجب وموز موز يعنى وهى بقى زى خيبتها كده عفاريتها اتنططت اكتر اول ما وصلت الجامعه لقيت اصحابها نفس النظام راحت قالت خلالالالالاص توبه وهعملهم وشيطانها بقى قالها ماتساويهم وانتى يعنى هتشيليهم ده انتى احسن من غيرك وانتى وانتى وانتى
وجت هنا البيت خدت رايي ناس قالولها خلاص طالما نفسيتك تعبانه اعمليهم راحت قفلت معاهم وقبل ما تنام راحت قالت كده فى نفسها والله انا تعبت ياربي بقى ساعدنى ووصلنى للخير ونامت قامت بقى ولا كأن فيه حاجه حصلت وقالت اعملهم ليه ولقت فى نفس اليوم خطب وكتب بتتحط قدامها كده عن الموضوع ده ثبتها اكتر وراحت بقى بصيت فى المرايه لقيت اييييييييييه سبحان الله لقيت وشها نور اكترفحمدت ربنا
انتو بقى عايزين اييييييييييه...؟؟
ـــــــــــــــــــــــــ ـــــــــــــــــــــــــ ــــــــــــــــــ
طبعا ياحبيبااااااتى انتو عارفين ان اى لعب فى منطقه الحواجب دى
ويكأننا بنلعب بصوباع مش صوباع محشي طبعا انتو جعانين ولا ايه
لا بصوباع ديناميت وكمان مولع ممكن ينفجر فيكى فى اى لحظه بوووووووووووم ومنلاقيش منك ولا حواجب ولا حتى ضوافر كلو هيضيع بقى
انتى شكلك عيله فاضيه
والله ابدا انا مش عيله فاضيه خالص انا عايزه مصلحتك
يوووووووه مصلحتى مصلحتى هتقعدى تقوليلي حرام ومش حرام ماحنا عارفين
خلاص يابنتى اهدى عليا
واسمعى كده
قال رسولنا الكريم عليه الصلاه والسلام
(( لعن الله النامصه والمتنمصه ))
يييييييييييه سمعته وحفظاه وعارفاه
بالرااااااااااحه يابت انتى واتهدى بقى
طيب انتى عارفه يعنى ايه ربنا يلعنك ....؟؟
يعنى تبقى مطروووووووده من رحمه ربناااااا
واحنا بنتمنى ذره من الرحمه دى اصلا
لا دعاؤك هيستجاب ولا صلاتك ولا اى خير بتعمليه
ولا هتدخلى الجنه ولا هتشمى اصلا ريحتها
اصل اللى بيدخل الجنه ده بيبقى داخلها برحمه ربنا
رحمه ربنا اللى انتى قبلتى انك تنطردى منها عشان شويه شعررررررر
ايه اللى يستاهل بذمتك ياعاقله ياكامله والكمال لله وحده ان اللى خالقك ومديكى عينين ورجلين وايدين ومديكى جمال ومديكى صحه ومديكى مال ومديكى اهل ومديكى اصحاب ومديكى زوج ومديكى خطيب ومديكى اخ او اخت ومديكى ذريه ومديكى حياه كريمه ومديكى عقـــــــــــل عشان تلغييييييه وتمشي ورا الشيطاااان
الشيطان اللى بعد ماتعملى الذنب يقول انا بريء منهااااااااااا انا معرفهاش
يعنى انت ماشيه ورا نـــــــــدل
اما ربنا تصورى كده والمثل الاعلى لله طبعا
ان واحده صاحبتك مدياكى حاجات كتير اوووووى وانتى مش بتحبيها ايوه انتى مش بتحبي ربنا اللى بيحب حد بيسمع كلامه صح ولا انا غلطاااااااانه
ولا مثلا واحده صاحبتك نفسها تعرفي انها بتحبك وانها بتستر عليكى وحليمه عليكى وخايفه عليكى وبتديكى كل حاجه لدرجه انها طووول الليل مده ليكى ايديها مستنياكى تمسكى فيها وطوووووول النهار بردو مده ايديها ليكى مستنياكى وانتى بتبصي فى حته تانيه خاااااااااااااالص ولله المثل الاعلى
تعالو بقى نروح كده ليوم القيامه
الرسول عليه الصلاه والسلام هيقول ايه
(( العنوهن فأنهن ملعونات ))
يعنى هتنطردى كده كده لامحال من رحمه ربنا
يعنى في يوم حر اووووووووووووى ومش حر من العبيط ده اللى احنا بنبقى بنوحوح منه اه بنوحوح عندك مانع دى لغه فصحى لالالالالا ده احنا هنبقى ع بعد ميل وااااااااااحد من الشمس
وهتبقى هتموتى وتشربي ومش هتشربي من ايد الرسول عليه السلام لانك ملعونه ولانه مش هيبايعك اصلا
ومش هتتحطى تحت ظل الرحمن ومصيرك الى النااااااااار
النار عارفين النار ولالا روحى شغلى البوتاجاز وحطى ايدك عليه والله ماهتعرفي تقربيلها حتى من بعيد وطبعا نار جهنم حاجه تانيه
اهل النار بقى دول ايييييه ...؟؟ مانتى عايزه تبقى منهم خلاص اعرفيهم بقى ..؟؟
انتى عارفه بقى ان شراب اهل النار نار ؟
طيب عارفه ان ثياب اهل النار نار ؟
طيب عارفه ان طعام اهل النار نار ؟
ربنا ينجينا منها يارب
لكن الجنه اللى انتى رفضتى انك تدخليها او تشمي ريحتها
فيها مالاعين رأت ولا أذن سمعت ولا خطر ع قلب بشر
يعنى مهما تخيلتى مش هتعرفي تتخيليها
قوليلي بقى بتعملى كده ليه ...؟؟
عشان ابقى حلوه طبعا في عين اصحابي والناس انتى ناسيه انا لسه متجوزتش اصلا مين ده اللى هيبصلي وانا كده
وانتى ناسيه ياحبيبتى ان الجواز ده نصييييييييييييب والله العظيم نصيييييييب اقسم بالله العلى العظيم نصيييييب ان شاء الله كنتى شبه مين وحالتك ايه طالما ده نصيبك هيشوفك حلوه ساعتها ويتجوزك وياعالم مش لو لاقاكى محصنه نقسك من معصيه زى دى يعجب بيكى اكتر
انتى بتهرجى طيب مافيه بنات كتييييييييير عاملاهم وكمان عاملاهم تاتو انا احسن من غييييييري انا بس بساويهم
على فكره جمله انا احسن من غيري دى سبب فى البلاوى كلها ومتنسيش ياقمري ان رسولنا الكريم قال ان اهل النار معظمهم نساااااااااااااااااااااء يعنى زى مانتى بتقولى بالظبط كلهم فى الناااااااار الا من رحم ربي
طيب بلاش النقطه دى فيه ياستى بنات كتير عاملاهم وعامله انيل من كده واتخطبو و اتجوزو وعايشين حياه فله وانا اللى بساوى ولا مبعملش خالص ومتقيه ربنا ولاحد عبرني المفروض ان انا اللى ربنا يكرمنى استغفر الله العظيم يعنى سبحانه
طيب بذمتك بالله عليكى يا اختى انتى ترضي تتجوزى واحد كل اللى يهمه فيكى شكلك انا مبقوليكيش اهملى فى شكلك انا بقولك اتقى ربنا يعنى لو تخنتى شويه ولا لا قدر الله حصلتلك حاجه يسيبك وبتقولى فيه ناس متجوزين احسن جوازات ومستريحين مش هتلاقي فيه بركه فى عيشتهم ولو حتى مرتاحين ميه ميه
بردو الرسول عليه السلام وربنا شوفى قالو ايه
قال رسول الله صلي الله عليه وسلم
(( إذا رأيت الله يعطى العبد من الدنيا على معاصيه ما يحب فإنما هوه إستدراج , ثم تلا قول الله تعالى ((فَلَمَّا نَسُوا ما ذُكِّرُوا بِهِ فَتَحْنا عَلَيْهِمْ أَبْوابَ كُلِّ شَيْءٍ حَتَّى إِذا فَرِحُوا بِما أُوتُوا أَخَذْناهُمْ بَغْتَةً فَإِذا هُمْ مُبْلِسُونَ))
يعنى ربنا بيستدرجهم وهما ولافاهمين حاجه ربنا يتوب على الكل يارب
وبعدين افتكرى كوووووويس (( ان ماعند الله لا ينال الا بطاعته ))
وبعدين يعنى فرضا ياستى عملت كل ده ومخدش حاجه مفيش حاجه من اللى انا عايزاها حصلت
اقولك ياحبيبتى ان رزقك مكتوبلك من يوم ما اتولدتى وقولتى وااااااااااااااااااء انتى مش قولتى واء يابت انتى وهيه ولاقولتو ايه
ويمكن مش مكتوبالك الحاجه دى دلوقت وربنا اعلى واعلم منك وعارف انت فين الخير ليكى يمكن لو خدتى اللى انتى عايزاه دلوقت متعرفيش تستفادى منه ولا يحصلك شر بعد الشر وافتكرى دايما قول الله ((وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ)) {البقرة:216}
وياستى مخدتيهاش فى الدنيا هتاخديها فى الاخره
واحنا اتفقنا ان فى الاخره الجنه ونعيمها مش زى اى حاجه موجوده فى الدنيا ابدااااا
دلوقتى بقى انتى عايزه ايييييييييييه مستنيه ايه ؟؟
عايزه تفضلي ع معصيتك لغايه ماربنا يفاجئك بنقمته
تموتى لا قدر الله موت الفجأه
هتقابليه ازاى هتطلبي رحمته ازاى
هتعملى اييييييييييه
وبالله عليكى اديكى شايفه معظم الممثلين والممثلات نهايتهم ازااااى
وناس كتير كده
ارحمى نفسك وفوقي مفيش حاجه تستاهل تغضبي ربنا عشانها للدرجه دى
رققى قلبك ع الله ده هوه اللى خالقك غيري نفسك وتووووووووووووبي
ربنا يتقبل منا ومنك صالح الاعماااااااال
ـــــــــــــــــــــــــ ـــــــــــــــــــــــــ ــــــــــــــ
