رساله من الأم مصر إلى إبنها الغريب قصيدة بقلم إكرام مجاور تهمني أراؤكم
أربع سنين يا ابني
قاعده ف عتب الباب
باستنى ضيك عفي
يمحي فراق لاحباب
شمتت فيا العدو
والقرب والأغراب
ارجع اشوف طلتك
بعديها ابقى سراب
***
ارجع حبيبي أشوفك
عايزه التمحلك ضي
ماتقولش زيي كتير
مافيش لحبك زي
إنت الفؤاد العفي
وانت الزمان الجي
لعيونك انت حبيبي
باطوي الأماني طي
أرجع حبيبي بقولك
عشانك قلبي حي
وانت لقلبي الزاد
وانت لقلبي المي
***
لحظة مخاضي بيك
زي مخاض عيسى
من غير رجل مسني
ما انا اصلي قديسه
قالو علياكتير
إني امرأه رخيصة
وبقيت في عين الناس
وكأني خسيسه
***
ضحيت بعمري معاك
ويا ريت فؤادك حن
طول عمري باستناك
وعقلي فيا جنّ
أستني يومي رجوعك
مع كل صوت بيرن
نفسي التقي ف ضيك
ارجوك عليا مِنّ
لا رحمت ضعفي معاك
ولا حتى كبر السن
