ردود الشباب على موضوع رومانسى ...
السلام عليكم ورحمة الله وبركاته
هذا هو الموضوع الرومانسي
هذه طرق الرجل التي يجب ان يعامل بها المرأة
كي يبقى الحب موجود لاخر العمر
( اتعلمو يا شباب)
عندما تمشى مبتعدة عنك (إلحق بها)
طب إزاى إذا كانت الشقه ضيقه يدوب غرفه و حمام !!
عندما تدفعك أو تضربك ( امسك بها ولا تتركها )
أكيد مش هاسيبها إلا لما آخد حقى منها وأخلى وشها شوارع !!
عندما تطول لسانها عليك ( قل لها انك تحبها )
صعبه أوى دى لو عملتها معايا يبقى على بيت أبوها على طوووول !!
عندما تكون صامته ( اسألها ما المشكلة )
ياعم ده السكوت من ذهب و الكلام من فضه !!
عندما تتجاهلك ( أعطها اهتمامك الكامل )
و الله لو عملت كده معايا ولا اعرفها !! أهو ده اللى ناقص !!
عندما تريد الابتعاد عنك قليلاً ( لاتوافقها الرأي )
ده أحسن طلب ممكن أنفذه اذا طلبته منى !!
عندما تراها في أسوأ حالاتها ( قل لها أنها جميلة )
حد قالك إنى كدااااااااب !!
عندما تراها تبكي ( أحضنها ولا تقل شيئاً )
و الله ممكن أحقق الطلب ده !!
عندما تكون خائفة ( أحميها )
ليه ؟ قالولك عليا انى بودى جارد !!
عندما تضع رأسها على كتفك ( العب بشعرها )
حاضر طلباتك اوامر !!
عندما تأخذ منك شيئاً عزيزا ( دعها تأخذه فلن يكون أعز منها )
منين جايب الثقه دى يا عم انت !!
عندما تمازحك ( مازحها وأضحكها )
ليه ؟ متجوزه بهلواااااااان !!
عندما لاتجيب الهاتف لفترات طويلة ( أكد لها أن كل شئ على مايرام )
ليه يا عم ؟ هى نايمه على ودانها و لا انطرشت بسلامتها !!
عندما تقول أنك تعجبها ( فهي حقا تكن لك مشاعر اكبر مما قالت )
أيوه أصل أنا واد فتك !!
عندما تمسك يديك ( أمسك يديها وداعب أصابعها )
ليه ؟ هى ايديها بتوجعها !!
عندما تقول لك سرا ( أحتفظ به ولا تخبر به أحداً )
حاضر مش هقول لحد غير أصحابى و جيراننا و أهلها و أهلى و بس !!
عندما تنظر إلى عينيك ( لاتلتفت حتى تلتفت هي )
طب و لو كانت لابسه نضاره شمس أعرف منين انها بتبص لعينيا !!
عندما تفتقدك ( فهي تتألم من الداخل )
أيوه طبعا أصل أنا ما اتنسيش !!
أبق على خط التليفون معها (حتى لو لم تقل شيئا)
طب و مين اللى هيدفع الفاتوره ؟ إنت !!
عندما تقول أن كل شئ على ما يرام (لا تصدقها بل تحدث معها عن المشكلة)
أيوه طبعا عشان من يومها و هى كداااااااااابه !!
لأنها بعد عشر سنوات ستظل تتذكرك
أتصل بها في أول ساعة من يوم ميلادها (وقل لها أنك تحبها)
ماشى يا عم مايجراش حاجه هأقولها !!
اتصل بها قبل أن تنام وبعد ماتصحو من النوم
لو هتدفع انت الفاتوره انا موافق !!
عاملها كأنها كل شئ مهم لك في الحياة
ليه يعنى ؟ الحياه بتستمر بيها او من غيرها !!
مازحها ودعها تمازحك
فاضيين بئه للمسخره و قلة القيمه !!
ابق معها طوال الليل عندما تكون مريضة
طب و الشغل ؟ و لما أتأخر عليه و يطردونى أعمل ايه !!
العب معاها تحت المطر
و بعدين أتعب و آخد برد و اقضيها علاج و كشف !!
عندما تجري لك باكية ، أول سؤال تقوله لها ، مين اللي زعلك حبيبتي ؟
حاضر يا سيدى مع ان السؤال لغير الله مذله !!
كل هذا لن يكلفكم شيئاً يا شباب
هذا هو الحب الحقيقى
ابقى خلى نصايحك لنفسك
جايز تنفعك ف حياتك
!!!
:D:D:D:D:D:D
