وطنا مش مستعد خاطرة عصام قمر في حب مصر
الي أبناء الأمة من المصريين جميعا أقول:
***************
وطنا مش مستعد
اللي بنيناه يتهد
طول عمرنا شعب واحد
شركاء في كل مجد
مسلم ومسيحي أخوة
ودافعنا بكل قوة
عن مصر بلدنا الغالية
وشايلينها في قلوبنا جوة
****************
مصر د انتي أرضنا
مصر د انتي حبنا
مش بس وطن ساكنينه
د انتي اللي ساكنه قلبنا
عايشين همومها وفرحها
وياما داوينا جرحها
ما يجيش واحد مش منها
عايز يفرق شملنا
**************
يوم ثورة تسعتاشر
ثار لمصر كل حبيب
وهتفوا بصوت واحد
يحيا الهلال مع الصليب
وف حرب تلاتة وسبعين
جرجس كان جنب حسين
علي نصر مصر إتعاهدوا
علي خط النار أسدين
****************
عصام قمر
