لو مخطوبة وعايزة تبقي راسيه وعاقله .. تعالي هنا
دى شوية نصايح منى كدا على ماقسم
يارب تعجبكم
1) رنة الصبح وقبل النوم والمكالمات...مهممممممم... جوزك على ما تعودية على اعتبار ما سيكون بإذن الله ... مش لازم المكالمات تكون طويلة ..بس يبقى فيه على الاقل رنة
2) إسمعيه كويس ومتقاطعيهوش خااااااااااالص ومتسبقيش الأحداث
3) إتكلمى عن المستقبل بصورة إيجابية ...أسماء الأطفال .. شكل الشقة وهكذا ... بلاش تقولى كل اللى انتى خايفة منو يعنى لو فكرتى يوم ان الجواز قرف مثلا او تعب... خليها فى نفسك يا حبيبتى متقوليلوش ...
4) إتكلمى عن ذكرى جميلة بعيدة يوم مميز مثلاً
5) حفظ السان وعدم تمنى السوء للأخرين... علشان متظهريش بشخصية البنت الحقوده ...
6) مابلاش نتكلم فى الماضى .. يعنى اللى فات مات فبلاش تأنبه على الفضية والمليانة
7) التأكيد على أنوثة ثم الأنوثة ثم الأنوثة.. بمعنى انك بنوتة فبلاش تتكلمى كلام الشباب إشطة وبيس ويا مان والكلام ده .. ودى غلطة بتقع فيها بنات كتير.. بحكم التعود يعنى لما تاخد ع الشخص تتكلم براحتها ... والنصيحة دى للبنات اللى خطوبتهم طويلة ... لأنهم بياخدوا على خطابهم فى الكلام وبينسوا هما كانوا ازاى فى اول سنة خطوبة
8) إطلبى أىىىىىىىى حاجة ( هما بيحبوا اللى بيطلب منهم) توصيلة .. مشوار ... شوكولا ... وبالمرة تعودية انك ليكى طلبات وتححسية إنه راجل وعليه مسئولية
9) الثقة فى النفس وعدم إظهار الشك والنبش فى الماضى ... ودى نقطة انا بحب أكد عليها
10) الدعاء له بالتوفيق وتشجيعة( التشجييييع مهم أوى ) عارفة البنات الأمريكان اللى اسمهم مشجعات اللى بيجوا فى الأفلام الأجنبى بيشجعوا فرق الرياضة شايفة المجهود اللى بيبذلوه طبعاً أنا مبقولش تتشقلبى وتتنططى ... لكن عايزة أقولك التشجيع مش حاجة سهلة نعدى عيها كدا ونقول العواف .
11) الإهتمام بشؤنة الشخصية والسؤال عن تفاصيلة اليومية ... أكلت شربت ... بس من غير زننننننن أرجوكى
12) الكلام عن موضوع عام فى الجرنان أو فيلم أو رواية... لإظهار الجانب المثقف من شخصيتك... طبعاً لازم تحسسية انك أب تو دييت وعارفة الدنيا ...خشى على أخبار جوجل كدا
وانتى تلاقى خبر حلو تتكلمى فيه ...
13) متدخليش بينو وبن اهلو خااااااااااالص لا دلوقت ولا بعدين ... فهمانى ... هما احرار مع بعض ...
14) متحاسبهوش على اللى اهلو بيعملوة خالص برضو ... هو مش هيمسك لهم عصاية ويحاسبهم .. خليكى ناصحة
15) الراجل الشرقى شرقى حتى لو متحرر وجاى من أمريكا ... يعنى فى خطوط حمرااااااااااا... متتعديهاش فى التعامل بينكم... شششششششششششش
16) حاجة مهمة اوى بقى لو خطيبك مبيعملش اللى عليه فى التوضيب والتشطيب وكدا... خلى اهلك هما اللى يتكلمو وانتى طبعا البنوتة الحلوة اللى متطلعش منك العيبة....وبلاش الزنننننن... يعنى قولى الحاجة مرة واحده ... بس
17) إظهرى الجانب المرح منك بقى الضحك والتهريج هع هع هع .. ومتنكديش خالص خالص دلوقت بلاش الدراما وزعلانة و باعيط ... لو عايزة تفضفضى ولا تنكدى ... تعاليلنا هنا إحنا نستحمل بعض
18) نصيحة مهمه كنت هنساها... لما تتخانقوا وده وارد طبعاً وخصوصا الفترة لما تتطول ... حاولى متعوديهوش يطلع علية الصبح وفى بنكم خناقة.. يعنى دايما حاولى تحلى الخلاف وقتىى... وبرضو عودية على العقل فى حل المشاكل
يعنى لو فى مشكلة قوليلو دلوقت احنا عندنا كذا...وأنا عن نفسى غلطانة فى كذا
وياريت نفكر فى حل منطقى... حاولى متبقيش شخصية إنفعالية .. ولو حصل وإنفعلتى علية لا قدر الله بلاش تقولى كلام يتمسك عليكى
لأن فى فرق لما تتخانقى مع شخص بتحبية
أو تتخانقى مع شخص مش فارق معاكى
فلازم تسيبى مساحة إحترام علشان هو كمان يحترمك
ولما الخناقة تخلص والمية ترجع لمجاريها
بلاش بقى اللت والعجن مالوش لازمة
