عرض للطباعة
إرحل بقَا...
خُدّ ذكريات الذُلْ وسنين الشقَا..
واكتبلنا السطر الأخير..
في رواية كانِتْ مُحزِنةْ..
إقلع جذورك مِن هِنا..
طَهّر إيديك مِن دَمّنا...
لِمّ اللّي فاضل من حِبال المشنقةْ..
إرحل بقا....
واقفل وراك باب السُجون والمُعتَقلْ..
سيب اللّي باقي من الأملْ..
جوّة القلوب المُؤمِنةْ..
30 سنة......
واحنا العبيد المأجورين فوق أرضنَا..
والحِلم جوّة الشرنقةْ..
صابرين لِحد مَايكتِملْ..
(والحِلم بالثوّرة اكتَمَلْ)..
إرحل بقا....
بقلم.....رضا محمود
ياالله متى بنسمعها بقى
رائع فاضلى
رائعه يا شاعرنا المبدع رضا محمود قمة الإبداع في حب مصر وفقك الله يا شاعر لكلماتك الرقيقه ما يهز النفوس الشامخة كالجبال
دمت بكامل الألق
وافر تحياتي وجل احترامي
ياجماعة كفاية بقا
انا مش مع الرحيل في ايه؟
كدة كفاية وحرام بقا
مش حاسين بالناس اللى مش عارفة تتنفس من كتر المشاكل والبلاوى والخوف والرعب اللى بقت فيه؟
كمان ايوة مبارك كان ليه مساويء وبلااااااااوى كتير حصلت ف عهده
بطالة وفقر وغلاء واحباط وفساد
بس بردو ماننساش له انجازاته اللى حققها كمان الراجل وافق على اللى طلبناه يبقي نديله فرصة ينفذ اللى قاله
كمان مافكرتوش لو ساب الحكم وهرب زى غيره كان ايه اللى ممكن يحصل؟
نفكر بقا شوية ونهدى كلها كام شهر اللى صبرنا 30 سنة مش قادرين نصبر كام شهر ممكن حال البلد يتغير
مين كان يصدق ان دا يحصل اصلا ولا ف الاحلام
انا بقول نسيبه ينهى عهده بشكل مستقر حرام تبقي دى نهايته
فين احترامنا وتقديرنا له بلاش نقل باصلنا معاه اوى كدة
رائع اخى ما سطرت
سلمت لنا
وسلمت كلماتك الغاليه
السلام عليكم
حرام يارضا
حرام بلدنا تخرب واحنا كمان نخربها
كفاية برادعى وكفاية عملاء بقى
عايزين نفوق ونشوف بلدنا بمبارك او بغيره المهم منكسرش بعض ونكسر بلدنا معانا
واقسم بالله العظيم حرام اوى بجد
كفاية يا اخى بالله عليك
مش ناقصين
سيرحـــــــــــــــــل بالطبع
ولكن ليس الان
الان لا ندعوا الا الي الاستقرار لتعود المياه الي مجاريها
ولتعود ماكيناتنا الي العمل بانتظام
ولتعود اقلامنا الي الابداع من جديد
سيرحل بالفعل
لكن ليس الان
كلماتك الادبيه منسقه ومنمقه
حفظ الله لك موهبتك ورعاها
بارك الله لك اخي الفاضل
انا مع ناس كتير لية نخرب بلدنا اللى قعدنا العمر كلة بنبنيها ودا هيرحل بس مش حالا لية تمشوة حزين على اللى حصل مش فى سنة كل الناس تتقلب ضدة ما كنا مستحملين 30 سنة استنوا بقى كام شهر و يرحل بكرامتة مش مطرود من حكمة و بعدين لازم كلنا نبقى متحدين ف الرأى مش زى الناس التانية احنا فى مصر بلد الامن والامان المفروض نحميها و نبنى مش نردم و نخرب ياريت نفكر قبل مناخد اى قرار لازم بالعقل
في ايه حرام كده الراجل اللي عيزينه يمشي ده رمز من رموز مصر
كل من حوليه خدعونا وخدعوه
ولكن هو اعتذر عن غلطته بالفعل حقق لنا مطلبنا
ينفع كده لما ابونا نكون زعلنين منه وهو يجي يعتذرلنا نقوله لا اطلع بره البيت
ينفع نعمل فيه كده مع كبر سنه
الراجل ده لو ساب البلد ديه يبقي البلد هتولع نار
بلاد العالم كله هتهزق بينا عشان شيفانا بنترد واحد مننا
سدقوني ده كله كان مترتب ومتخطط من اسرائيل وامريكا
هما عيزين يشوفونا مولعين في بعض وانتوا بكده بتدوهم الفرصه ديه
شوفو هتاف الناس اللي فأت وحست بغلطها
لازم انتوا كمان تفوؤ وتصحوا لنفسكوا
حسني مبارك يا طيار اوي تسبها تولع نار
مش هيرحل
وكالة ويكليكس اعلنت ان هي كانت بتخطط لده كله عشان تسير الفتنه بين شعب مصر يعني قطر بقت علينا مع الدول المندسه
وفي الاخر ربنا يفوق شعبنا ويحمي مصر من كل شر ويرجعلنا الاستقرار والامان
يعنى فعلا سبحان الله المفروض اننا نقول استقرار بقى نقول ارحل للراجل العظيم ده اللى عمل كتير عشاننا حرام عليكم كفايه الناس اتخنقت خلاص وتحيااااااااااا مصر
إخواني وأصدقائي ...كل من مرّوا بهذه المشاركة..سواءاً من وقف بجانبها أو عارضها وانتقدها...
لكم جميعاً كل الشكر والتحية...
لك كل الاحترام على ماكتبت **ربنا يهدى اهل مصر ويحميها**
كلمات لها معني
هزت كياني
وقشعر جسدي
حقا لا أدري لما
هل من طلبك
برحيله
أم من خوفي
من القادم
وعلي أي حال
أحيك علي كلماتك
التي هي
غاية الروعه
الرائع والمبدع دائما
رضا محمود
كلمات من القلب للقلب
توغلت فينا وأبكتنى بحق
دام لنا قلمك الفياض وكلماتك
واحساسك الثائر
انحنى لك تبجيلا واحتراما
=D>=D>=D>=D>=D>=D>=D>=D>=D>=D>=D>
تقبل تحياتى
رائعة حقأ تلك الكلمات يااخ رضا واسلوب صياغة الكلمة رائع
ولكن انا من رايي ان يظل الرئيس مدة الشهور القادمة
حتي لايحدث مايجعل مصر دمارأ بعد تنحية
أحبائي ...لكم كل الشكر على تفاعلكم الراقي ومشاركتكم الكريمة..
قد
ننتظر الليل
بطوله
لمغيب القمر
فتنام
عيوننا ولم نراه
قد ننتظر
شروق شمس
جديده
ولاتشرق
ونحن مستيقظين
احاسيس واحاسيس
جملة من المشاعر
التائه
وأفكار كثيره
مريره
ازرت بعقولنا
احيانا
قد نقحم تفكيرنا
فيما لانستطيع
وقد نفكر بما
يتجاوز
حدود تفكيرنا
ايام وايام
عشرات الساعات
والثواني
تمر ونحن لاندرك
معظم تفاصيلها
مثلما
خاطرتك مرت على
عالمي الصغير
ولم تستطع بحورى
أن تصل لإحساسك
الرائع
رضا محمود
جميل ما قرات
هنا
يلزمني كثير من الوقت
كي أعانق
مواضع
الجمال في نصك
الباذخ هذا
كم يتوارى الكثير
خلف باقات
سطورك
شلال حرف أنت
ليس إلا
لا يستنبطها إلا من
رقى سلم الوعي
والسمو الإنساني
مثلك
أأقول نص رائع
ام اقول انك تملك
قلم يستمد
الهامه من النجوم
رضا محمود
لا تكفيك كل كلمات
المدح والاطراء
كل الكلمات تصغر
حين احاول
صياغتها للرد على
هذا النص
الذي يعصف جمالا
ويزخر بروعته
ويصف نفسه بنفسه
صمت الكون حولي
وانا اتجول بين
السطور
واعدت قراءه النص
مرات ومرات
لله درك من كاتب يحسن
اختيار كلماته
ويجيد التعبير عن
ما يجول بخلده
يا أكثر من رائع
يا نجما
يا ساحر
قوافل شكر وإمتنان
لكل هذا الجمال
الذي أطل من
بعد غياب
ودي الخالص وعظيم تقديري
تحيتي
استمتعت حقا
شكرا لك
على لطفك بدعوتي
هنا
مودتى
أخي الحبيب....الفارس النبيل..أُستاذ محمد
كم إشتقت إليك ولكلماتك وتعبيراتك التي تفيض بالابداع...سلّمك الله أخي من كل سوء وشر..وألف ألف ألف مبروك لمصر..
وكان نفسي يامحمد من كل قلبي أشارك أهل مصر فرحتها في ميدان التحرير بس كنت معاكم بروحي وقلبي..
أخوك....رضا