يوم مشهود في حب مصر بقلم إكرام مجاور
يوم مشهود في حب مصر
الثورة نورها هل
والدنيا لينا شهود
ف القلب ليلة قدر
ودا حظ للموعود
كتب الزمن يا بطل
الهمه ف رساله
وحفظها جوه القلب
عنوان ليوم مشهود
****
زي الجبال واقفين
بشموخنا والعزة
لا فينا قلب انكسر
ولا قلب فيه غزة
ومهما طال الزمن
واقفين كما الأوتاد
لا قلب صابه العطب
ولا فيه كمان حزه
****
في حبها روحنا
شايلنا فوق الكف
ولا نبض فينا انتنى
ولا دم منا جف
وندرن على قلبي
فيكي أموت مليون
وتلبسي الطرحه
واعمل فرح واتزّف
****
وانزل أبوس أيدك
واقول تسامحيني
واغفري ذنبي
حبك أصول ديني
عارف انا مقصر
مهما اقول حبيت
ولو ف مره شكيت
ارجوكي امحيني
*****
دنا مهما اقول حبيت
أنا خيط ف فستانك
ولو ف يوم قصرت
أرويني فنجانك
تلاقيني فيض من حب
يدوس ف وسط النار
يمحي قلوب العدا
ويموت ف أحضانك
****
شلتك ف قلب القلب
ورضيت علشانك
وعمري مرة ما قلت
غدر الزمان هانك
قدمتلك روحي
مع كل طلعة فجر
يا ام كل الكون
في قلبي علا شانك
