لو حد قال انى مجنونة مش هزعل
انا جوايا كلام كتير اوى نفسى اقوله سواء حد سمعنى او لا ولانى عارفة ان اعضاء المنتدى بالنسبة لى اخواتى واصحابى فانتم بس اللى ينفع احكيلكم لان ما باقيليش غيركم من يوم ما بعدت عن اغلى حبيب الوحيد اللى كان بيفهمنى زيكم كده وعلى فكرة هو اللى معرفنى على المنتدى
انا بجد يوم ما حبيبى كتب كتابه قولتلكم انا خلاص نسيته وبطلت افكر فيه او فى اى حلم معاه وانى مش هحب تانى بس بعد مرور ما لا يزيد عن اسبوع لقيت نفسى فعلا لسه عند وعدى ليكم بس فى انى مش قادرة لا احب ولا ادخل فى علاقة تانية بس ده كان لانى لسه بحب الانسان ده اوى لسه بحاول ادور على اى عذر ليه عشان يبرره والله لسه هو فى حياتى الحاجة الوحيدة اللى ما بتفارقش تفكيرى لسه هو احلى حاجة حصلت فى حياتى بجد انا مش قادرة افتكر او افكر غير كده وزى ما قولتلكم انا مش هزعل ابدا لو حد وده اكيد ان كلكم هتقولوا عنى هبلة انا طبعا عارفة كده عارفين لييييه ؟عشان بجد انا جوايا دلوقتى شخصيتين الاولى وهى ده شخصيتى الطبيعيية اللى معروف عنى وسط الناس كلها انى عاقلة وبفكر فى كل حاجة مليون مرة وبعقل اللى بتقول انى مجنونة عشان بفكر فى حد خلاص بقى متزوج وان الوحيدة اللى من حقها تفكر كده هى مراته وايضا الشخصية ده هى اللى بتعقلنى فى اوقات كتير كنت ببقى متهورة ومحتجاه معايا وممكن اكلمه فى اى وقت اما الشخصية التانية فهى ده بقى الشخصية المجنونة اللى بتفكر دايما تلغى العقل وما بتفكرش غير من منطلق حبها الكبير اوووووووووووووووى للانسان ده اللى كانت بتعتبره كل ناسها وكل حاجة فى حياتها واللى مش قادرة تبعد نفسها عن التفكير فيه وفى حبى ليه وانى بسبب عادات وتقاليد عمرها ماا هتنفعنى او تنفعه فى البعد ده اتحرمت منه وبعده عنى عشان زى ما بيقول انه كان نفسه يفضل طول عمره جمبى بس ما حبش يظلمنى هى ده الشخصية اللى خلتنى فى اوقات كان بيبقى فاض بيا من كل الحنين والاشتياق كلمته بعد كتب الكتاب مع انى كنت معاهدة نفسى انى عمرى ما هعمل وده مش عشانه اد ما هو عشان البنت اللى اتجوزها اللى ما لهاش ذنب فى حاجةاللى هو حتى مش عارف يديها حقها من حب واحترام لانه على ما اعتقدانه لم يحبها على الاطلاق
قولولى لو حد عايش بالشخصيتين دول يعمل ايه مع العلم بانه انا عارفة وواثقة انه خلاص
وفى النهاية اتمنى لو الاقى شخص واحد على المنتدى ده يحس اللى انا حساه ويفهمنى
انا بجد حاسة انى عمرى ما هعرف اكمل حياتى تانى لانى حاسة انى مجرد لو اتكلمت مع شخص متقدم لخطبتى وكاننى بخونه على اعتبار انى والله انى لسه مش عارفة انسى اى حاجة كنت بعملها ايام حبه مش قادرة اصدق ان كل الحب ده بقى مجرد ذكرى حاسة انى عمرى ما هتخيل نفسى غير معاه مش قادرة افهم انى ممكن يبقى تبقى اهم حاجة فى حياتى انى اسعد انسان تانى خالص غير حبيبى
اعذرونى لو كنت ضايقتكم بموضوعى
