ههههه ادخل واخرج على طول بس بغد لما تقرا
مرة اتنين مساطيل قاعدين ومعاهم مراية فواحد مسك المراية وبص فيها وقال
الشكل دة مش غريب عليا راح التانى مسكها وبص فيها وقاله إيه يا عم انت
مسطول ده انا
------------------------------------------------------------------
مرة واحدة كانت بتخون جوزها
ففي مرة كان في واحد عندها في الشقة
فجوزها خبط الباب
فقالتلوا"يا خبر جوزي جه استخبي"
فقالها " استخبي فين"قالتلوا "اقفجنب ال3 تماثيل دول"
فدخل جوزها بيقولها"انتي كنتي بتكلمى مين"
قالتله "محدش"
قالها" مش التماثيل دول كانوا 3 ال4 ده جه منين ده شكله حقيقي"
قالتله "انا نزلت جبت واحد النهاردة"قالها "انا حاسس انك بتخونيني "
و طلع مسدس و قالها"انا هضرب رصاصة لو التمثال ده جري تبقي بتخونيني "
فضرب رصاصة .......
ال4جريوا
----------------------------------------------------------------
محشش قاعد يتفرج مباراة ريال مدريد ..سمع المذيع يقول فاول لصالح
رونالدو قال : تصدقوا أول مرة أعرف ان رونالدو أسمة صالح
---------------------------------------------------------------
مرة حرامى دخل على واحد مسطول البيت قالو هات فلوسك و الا هقتل مراتك
قام الرجل قعد يضحححححححك.......الحرامى قتل مراته وقاله هات الفلوس
قبل م اقتل ابنك الرجعل قعد يضحححححححك........الحرامى قتل ابنه و هكذا
لغايه لما خلص عالعيله و بيقول للمسطول ايه يا عم مش عايز تدينى فلوسك
ليه؟؟؟؟قاله اطلع من دول يا ابرهيم يا نصر
-------------------------------------------------------------
كان فيه بير مسحور، لو حد دخل راسه فيه و رمى فلوس و أتمنى أي حاجه،
أمنيته تتحقق على طول.
فيه واحدة ست سمعت عنه، فصممت تاخد جوزها على هناك مع انه مش
مقتنع.
الراجل وطى الأول، و رمى القرشين صاغ وأتمنى أمنيه واحدة، و طلع راسه
بسرعة، الهانم وطت هي كمان و قعدت ترص فى لستة طويلة من الأمانى،
داخت فراحت واقعة فى البير! الراجل قعد يزعق زى المجنون: ده بجد، ده
بجد، البتاع ده بيحقق الأماني بجد!!
------------------------------------------------------------
كان في سلحفتين صغيرين كانوا بيحبوا بعض كبروا واتجوزوا وخلفوا سلحوف
صغير سموه ابوسريع ,اقترحت ام
ابوسريع علي ابو ابوسريع انهم يروحوا يفسحوا الواد في البحر الاحمر جهزوا
لوازم الرحلة واستغرقت الرحلة 15سنة
ذهاب.. وصلوا علي البحر وفرشوا علشان يأكلوا وفجأة صرخت ام ابوسريع
"تصدق يابو ابوسريع نسينا اهم حاجة
نسينا الملاحة عشان الاكل .اخطف رجلك وروح البلد هاتها .."صرخ ابو
ابوسريع وقال لسه هاروح 15سنة رايح و15 سنة
جاي يكون الاكل برد الأحسن نبعت الواد ابوسريع خفيف ولسه صغير.."ونادوا
ابوسريع وقالولهه وبعتوه يجيب الملاحة
ومرت السنين...حوالى40 سنة وابوسريع مجاش، السلاحف بدأت تقلق فقالت
ام ابوسريع احسن ناكل بدل ماالاكل يبرد
ولمايجي ابوسريع نعمله اكل ثاني "فجاة خرج ابوسريع من ورا شجرة وقال
يعني لو كنت رحت كنتم كلتم من غيري
--------------------------------------------------------
موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى
-------------------------------------------------------
واحد شغال فى فرز اللجان الإنتخابية...فواحد صاحبه بيسأله : بقى معقول انتوا
بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى
الورقة بتاعة الناخب فى الهوا...ولو نزلت على وشها أو ضهرها يبقى
وطنى...ولو على سنها يبقى معارض
-------------------------------------------------------
واحد من الجماعة المهمين سأل الاخ بوش في الخباثه : إنت ليه متأكد إن في
نووي;في العراق!!! بوش : لأن معايا الوصل اللي أبويا باعهلهم بيه
-----------------------------------------------------
مره واحد ومراته قاعدين في الطياره فالراجل قال لمراته روحي هاتيلي اشرب
فراحت جابتلوه ميه بعد شوية قالها روحي هاتي اشرب
فراحت ومجبتش قالها فين الميه قالتلوه اصل الزير الي كنت بجبلك منه لقيت
واحد قاعد عليه
-----------------------------------------------------
في واحد مفلس ومنحوس ماشي في الطريق فلقى عربية عاملة حادثة، ولما
شاف الضحايا، ففكر انه يقطع ودنه ويحطهاقدامه عشان ياخذ التعويض، وبعد
ما عمل كده اكتشف انهم بيصوروا فيلم سينمائي.
-----------------------------------------------------
زرافة و فيل وأسد وفأر وثعلب وارنب ماشيين في الغابة, وقعوا كلهم في حفرة،
إلا الزرافة، فقالولها: جيبي لنا حبل قالتلهم: ما فيش، قالولها: إحنا جعانين
عايزين ناكل قالتلهم: ماعرفش أجيب لكم أكل، قالولها: والعمل؟ قالت لهم كلوا
أضعفكم ..... قام الفأر نط مفزوع وقال لهم: اللي حيقرب من الأسد حيعرف
شغله.
-------------------------------------------------------
بيقولك واحد شك في سلوك مراته انها علي علاقة بجارهم
فقال الراجل لمراته انا مسافر
وبعد ما مشي راح عمل مكياج بقه شكل الراجل جارهم بالظبط
المهم راح لمراته وخبط فقالها جوزك هنا قالتله لا مسافر ادخل يلا
فدخل وقعدو مع بعض شوية وفجاة خبط الباب
فقالت الست جووووووووووزي
راح المعلم ناطط من الشباك
------------------------------------------------------
مرة مهندس معماري حب يعمل نظارة عمل عين قزاز والثانية شيش
-----------------------------------------------------
مره واحد بخيل قوى خبط فى حيطه اتعور جامد اوى وقعد ينزف شافه واحد
عسكرى قاله اشوفلك دكتور قاله لا شوفلى حد يشترى الدم اللى نازل دا
----------------------------------------------------
مرة واحد واقف قدام التلاجة بيفتح الباب بتاعها براحةويقفلة تانى جة صاحبة
وقالة لية كدة قالة اموت واعرف مين بيطفى النور من جوة
---------------------------------------------------
رئيس دوله صغيره راح زياره للصين رئيس الصين بيقله احنا عددنا 900
مليون نسمه انتو عددكم كام رد رئيس الدوله احنا 30 ألف راح رئيس الصين
قاله يا راجل طب مجبتهمش معاك ليه
--------------------------------------------------
مرة 2 مساطيل قاعدين
فواحد قال للثاني
"هما ليه سمو قناة السويس بالاسم ده؟"
فرد عليه الثاني و قاله .....
"علشان المراكب بتمشي فيها بسويس بسويس"
--------------------------------------------------------
يارب تعجبكم وتضحكوا كدة لحد مالجران تسمعكم
