لسّانى مشعبط قلبى فأخرالحلم
وعايش بيه
مستنى أحنى الكف المتشقق
من عرق الفاس
ودواية حبر الشعر وميت كراس
من ضى الفجر التايه وسط الغيم
بيعافر فيه
لسانى بشوفك جوه الحلم
ولسه حصانى الأبيض حارن
وغريب بيحاول يكشف راسك
واناواقف مش قادر اغيتك لكن
شايفك صابرة وقادرة عليه
ودموع الصبر يادوب ع الأد
بتروى الحيرة ف أرض الخوف
طاب هعمل ايه
متكتف بسنين أحزان
وحصاد العمر المُنهك م الحرمان
عاجز إنى أشد الحيل
لاتعلمت ف صغرى رماية
ولاتعلمت ركوب الخيل
واللى قدرت ياغالية عليه
أفضل أحلم
يمكن يجى اليوم ال أقدر
أنطق فيه
..........
سعيد شكرى
