عرض للطباعة
كوني كَوْني
كوني ضحكة ف قلبي هالّه
كوني شمس ف عمري طاله
كوني وردة كوني فله
كوني ميه كوني ضله
كوني ليا شمس كوني
كوني شكلي كوني لوني
كوني ليا أي حاجه
بس اوعي ف يوم تخوني
عهد بينا
وعد بينا
واوعي يوم تحبي دوني
انا حابك
وانا عاشقك
حبي قلبي وليا صوني
قلبي ما بيعرفش غيرك
ياما فيكي كتير لاموني
بس حبك فيا اكبر
مهما عنك كلموني
مهما قالو.. قلبي حبك
حتى لو كان كا اللمون
كوني جوه القلب دمه
كوني جوا العقل همه
كوني بنته كوني امه
كوني حبي كوني عوني
يا حبيبتي
كوني كوني
كلمات فى الحب رقيقة وعاشقة ومتغنية سلمت اناملك اخى اكرام مجاور شعرت وانا اقرا باننى اتغنى بالكلمات واخذت نظرى معها واخذت قلبى بها وشعرت بالعشق بين سطورك والجمال فى حروفك فتقبل منى هذه الكلمات
ساكون دليلك فى طرقاتك
واكون الضوء فى ظلماتك
ساكون موال فى انشوداتك
ساكون حبك فتصاحبنى
ساكون بنتك لتداعبنى
ساكون امك (عشان متفكرش تسينى)
فكون حنانى
كون امانى
كون الفرح فى احزانى
كون قمرى فى عتمة ليلى
وكما كنت دليلك فكون دليلى
كون الحب كون العشق
كون انت كل جميل
واسال نفسك.......؟؟؟
هل يوما ستجد حب مثيلى؟؟
تقبل مرورى اخى اكرام مجاور وارجو رايك فى هذه الباقه من الابيات المتواضعه
اختك لبنى
ووعدى ليك انا عمرى ما اخون
حد بحبه حب جنوووووووووون
ايامى معاك صعب تهون
اصل انا مش طبعى غدر خيانه
حبك اصونه فى قلبى امانه
وقلبى انت اخدته بس امانه
اوعى فى يوم بكلامك تجرحنى
ولو مره غلطت وحياتى سامحنى
ولو شايل فى قلبك منى يلا صارحنى
ومتكونش فى يوم زلطه بتبطحنى
كون انت .... قطنه وشاش
كون الوردة ... فى الكراس
وكون لقلبى وحبى جراج(جراش)
كون جوهرتى او قطعة ماس
كون وانا اكون
هكون انا ليلى وانت المجنون
هكون انا عبله وانت تكون
عنتر مع الناس ومعايا حنون
هكون انا انت وانت متكونش
غير اللى انا كنتو ومتتغيرش
كون انت حبيبى ومتتبدلش
كون وانا اكون
الله عليك ياشاعرنا
تسلم ايديك بجد كلمات جميلة جدا واحساسك روعة فيها
دمت متألقا
خالص تحياتى وودى وتقديرى
كوني حبي ابقى ماسكانا حبك انا استاهلك
وعلى حبك انا ماسك
هتلقي حبنا جنه
ومِسكنا فيها متماسك
فلو دمك في دمي دار
هتلقى قلبي انا مماسك
دا حبك فيا قواني
وخلاني
احبك ألف من تاني
واقطع قلبي ميت مرة
عشان ما اكونش وحداني
تضميني وتعزفي فيا الحاني
يدوب قلبي مع قلبك
يصير دمك ف شرياني
ياه يا قلبك الحاني
قوليها بقلبك الناسك
ف محرابي
انا ناسك
وانا اهلك
وانا اللي قلبي يندهلك
وحبي ليك ما يستهلك
تسلمي يا سماح
أشكر لك تواجدك الدائم والمتابعة الدائمة
دمت بكامل الألق ودام لنا قلمك المميز
ودي وتقديري
اكرام
هاانت تغرقنا باروع الكلمات
فتحيه واجلال
مكلله بالكمال
لقلمك الفتان
وسحر البيان
اعتذر
فحرفك اكبر من ان تستوعبه ابجدياتى
حدائق من الجورى والياسمين
وتقدير يليق
حبك اسمى وعنوانى
محل ميلاده شريانى
اتربى جوايا وهوانى
سكن بين ضلوعى وروانى
وقلبك العاشق الحانى
زرع بساتين الغرام فيا
ملانى عشق وهيام وحنية
كتب ليا كام موال واغنية
وحبى ليك كان جدا انانى
حبى ليك ساوى بحور وانهار
جنى بساتينك ورود وازهار
لمع نجومك ليل ونهار
وقلبى فيه حاجه مسانى
قلبى مسكين على بابك
ملكك وحدك واخده لحسابك
خليته اسم اغانيك وفهرس لكتابك
الشيماءاقتباس:
المشاركة الأصلية كتبت بواسطة حرف مشتعل
هنيئا لي تواجدك بعبق الحروف المكللة بالورد والياسمين وهنيئا لي تواجدك الدائم والمتابعة المستمر فأشكر لك حرفك المميز وحضورك الطيب
دمت بكامل الألق ودام لنا قلمك المميز
وافر تحياتي وجل احترامي
إكــــــــــــــــرام
و أخيرا بعد طول غياب
سلمت يداكم
اقتباس:
المشاركة الأصلية كتبت بواسطة لبنى مصر
مادام الحب عنوانك
محل ميلاده شريانك
فمن قلبي باقولهالك
انا اللي دبت ف عنيكي
وسهّرت النجوم تضوي
وتفرش نور حواليكي
يا نور زاين جمال الخد
ولون حبك بلون الورد
أكيد طبعا
دا حب ماله عندي حد
ولا موجود في قلب حد
انتي كياني وحدودي
وانتي السر ف وجودي
وانتي لي الدفا ف البرد
وانتي لي السما والأرض
ف حبك باشكر المولى
واقوم واقف اصلي الفرض
دا حبك انتي عنواني
مسار حبك هنا ف قلبي
شموع بتضوي وجداني
ونبضك يسري ف وريدي
وصوت قلبك ف تغريدي
واضمك جوا قلب القلب
انا حبيت
وحبك ليا قواني
مافيش بعدك ولا قبلك
ولا هيمس يوم غيرك
مشاعري وكل وجداني
اخى اكرام مجاور شكرا جزيلا على استضافتك ليا فى صفحاتك استمتعت كثيرا وحلقت فى سماء سطورك باجنحتك وكتبت حروفى بقلمك وزرعت كلماتى فى بستانك
دائما متالق ورائع والى الامام وفقك الله وزادك ابداع
لك وافر تحياتى وتقديرى
تقبل مرورى
اختك لبنى
كونى لى
حبا ودلاالا
وتلألئي بوجهك
الذى
فاق البدر
جمالا
ليشتعل قلبى
بنار حبك
اشتعالا
اكرم مجاور
كنت هما
نجما يلمع
كم اشتقنا لحديثك
فجئناننصت لك
ونستمتع
فمازال
لكلامك نكهة
ومازال
حديثك ممتع
فلابداعك بقيـة
فقط
جئت لكى
القى عليك
السلام والتحية
ف حروفك
تضفى املا
فباتت صفحاتك
للحب
احلام وردية
يارائع
ونبض متجدد
يحمل
نفس الجمال
ونفس العطاء
دمت برقي
قلمك
بمشاعرك
المفعمه بالصفاء
اخى الرائع
مودتى وحتما
تعلمها
أخي الفاضل فارس اللغة في مشواري مع الشعر كنت لي نكهه بطعم الإحساس فدائما كنت لي دافع للأمام بقوه وإن كنت في نظر المحبين لي هنا شاعرا فهذا يرجع لفضلكم وتشجيعكم فلولاكم ما رجعت لمركب الشعر ثانية ولا تشبثت بقوارب النجاه في بحر الحياه فقد أخذتني الدنيا فعلا فهجرت الشعر خمس سنوات متصله وبوجودي بينكم وخاصة في حواري بين أميرة بلا وطن في مناظرة عن مكر الستات كانت بداية رجوعي من سلم اللاعودة فبفضلكم رجعت ولكم كتبت ولأجلكم تغنيت بالشعر فإن كان هناك فضل يُنحنى له إجلالا فهو فضلكم وكنت أنت يا فارس من دواعي تقدمي في الشعر فقد سجلت في منتديات كبار الشعراء وما اعجبكم أعجبهم وما لم يعجبكم لم يعجبهم دليل على صدق في النفس حين النقد فلي عظيم الشرف أن أكون عضوا هنا في بيتي الثاني وأن أكون أخا لكل الموجودين وأن أكون صديقا لكل أعضاء المنتدى فهنيئا لي تواجدي بينكم وهنيئا لي وجودكم معياقتباس:
المشاركة الأصلية كتبت بواسطة فارس الكلمه
دمت بكامل الألق فارسنا المبجل ودام لنا قلمك المميز
وافر تحياتي وجل احترامي
إكرام مجاور