مصر..مبارك

انا كنت من اكتر الناس اللى بتكره تتكلم فى السياسة

كنت من اكتر الناس اللى مضايقه من بعض الفساد الموجود فى نظام مبارك

لكن اللى انا كتبته ده مش محتاج انى افهم سياسه بس
محتاج بس تحكيم عقل واعتراف بالحق

ماهو مش معقوله انى اتولد واعيش واموت تحت ولاية رئيس واحد

ويجى الحزب الوطنى باغلبيه ساحقة ومفيش معارضه فى البرلمان

واحمد عز يحط مين ينجح ومين يسقط و مين ياخد كام والكوسة شغاله

كل اللى حصل ده كوم وممكن اصدقه واعقله

اتولد واعيش واموت تحت رئيس واحد ماشى

خلاص دلوقتى انا اصدقها

واعقلها وموافق عليها

يحصل تزوير والحزب يبقى اغلبيه ب 97 فى الميه ماشى

دلوقتى انا اصدقها

دلوقتى انا موافق على الكلام ده

بس مصدقش بعد 30 سنه حكم وقبلهم 30 سنه خدمه فى طيران وجوية وحرب
يمشى الراجل بالطريقة دى

60 سنه يا جماعه بخ كده

تــــــــــــــــــــــار يـــــخ طويــــــــــــــــــــــ ـــــــــــــــــــــــــ ـل

بحلوه وبمره يضيع كده

يختفى و ينتهى كده بالطريقة البذيئة دى


منكم لله يا كفرة ياللى وديتو الراجل فى داهية


منك لله يا جمال يا مبارك
منك لله يا احمد يا عز
منك لله يا صفوت يا شريف
منك لله يا زكريا يا عزمى
منك لله يا بطرس يا غالى
منك لله يا حبيب يا عادلى
منك لله يا عاطف يا عبيد
منك لله يا برادعى

60 سنه يروحو كده اونطه


عمر بحاله يا عالم يا جاحده ينتهى كده

فى نكران للجميل اكتر من كده

http://img811.imageshack.us/img811/3...pshot02082.jpg

ده انت يا عميل معملتش حساب ليوم وقفت فيه وهو بيسلمك الجايزة دى
ولكن انت لما تبقى شغال فى شركة 6 سنين مش 60 سنه
وتلاقى المدير تانى يوم يقولك امشى سواء غلطت او ماغلطتش
وانت تقول للمدير ادينى فرصه وانا كده كده ماشى ماشى
وهو يقولك لا بره و حالا ودلوقتى و يهينك وينسى كل اللى عملته سواء حلو او وحش

ساعتها هاتحس انك انت فعلا عمرك ضاع اونطه فى اونطه

رغم انهم 6 سنين مش 60 سنه

وينفع تقولى لابوكى اخرج بره يا خنزير
وينفع وائل غنيم يقول ارحل يعنى امشى - ياللى مابتفهمشى
ينفع شاب يهزق واحد عنده 83 سنه بالطريقه دى

مين يا جماعه يرضى يتعمل كده فى والده

يرضى مين بس


يبقى هو ده الغباء والهبل و نكران الجميل

يبقى هو ده اللى يستحق انى اكتب له كلمة حق لواحد حرام يضيع تاريخه كده

رغم كرهى الشديد لنظامه الفاسد ولكن كلمة حق تقال

يعيش حسنى مبارك .... يعيش ..يعيش..يعيش

وتحياتى لكل الشهداء اللى ضحوا عشان احنا نعيش

الأب ما يعملش كده في أولاده الاب المفروض يحب وطنه وبلاده المفروض يحميها ويحافظ عليها مش يسرقها وينهبها ويأكل فلوسها وخيرها ويبهدل ولاده ...
وبعدين أنا مش بنكر أنه كان له دور في الحرب ...
وبعدين هو اللى ذل نفسه بنفسه ....
وبعدين يعني هو لو كان أقعد الست شهور دي هيفكر يمشي؟
بالعكس هيفضل ويكمل الحكم والشرطة هتزيد في إهانة الشعب وذله ....
وبعدين مصر أم البلاد مصر المفروض تبقى أحسن من كده بكتيييييييير ...
هو اللى ضيع البلد ... هو اللى خلى المصريين يسافروا بره ... ويتغربوا .. ويشتغلوا .. ويتهانوا ... ويتذلوا بره ..
عشان معرفش قيمة مصر ومكانتها ....
وبعدين انت لو عارف اللى عمله عمرك ما هتدافع عنه خلينا أقولك اللى عمله باختصار وفي قسم السياسة في مواضيع فيها اللى عمله
أنصح تدخل وتقرأ...
باختصار:

1/لقد صدر الغاز لإسرائيل لمدة عشرين عاما بسعر بخس أقل من دولار بينما المصريون لا يجدون أنبوبة الغاز
2/ألم تسمع عن المصريين الذين ماتوا في العبارة غرقا ولم يعلن الحداد على ارواحهم وبعث الامن المركزي ليضرب أهاليهم في ميناء نوبيع وذهب ليشاهد مبارة لكره القدم وكانه لم يمت أحد من أبنائه
3/ألم تسمع أن هناك 40% من المصريين تحت خط الفقر ولا يجدون قوت يومهم
4/هل تعلم أن هناك 8 مليون مصري يعملون في الخارج يذلون ويهانون في دول الخليج وفي لبنان والاردن وحتى في إسرائيل
..............
وفي الكثير والكثير بس ده للاختصار والباقي في قسم السياسة ممكن تدخل وتقرأ وتعرف ...
أخيرا مصر هي الباقية وكلنا إلى زوال ...
وأسأل نفسك دلوقتي انت بتحب مصر ؟ ولا حسني مبارك؟
وهل نضحي بوطن كامل من أجل شخص واحد؟؟
ونصيحة بما أن الموضوع انتهى ورحل وخلصنا منه تشيل صورته من توقيعك لان صورته لو نشرتها في كل مكان مستحيل يرجع لمصر خلاص الموضوع انتهى مصر دلوقتي لازم تعوض اللى فات واللى خسرناه خلال 30 سنة ...
موفق بحفظ الرحمن وأحثك على القراءة فالقراءة مفتاح للعلم والحياه ...

لو سمحت ياأستاذ محمود مبارك راح هو واللي معاه في ستين داهية .. دا ايام راحت خلاص مش عايزين نجيب سيرته في الكافيه لان الكافيه اشرف من كدة بكتير .. ووائل غنيم عند حق في كل كلمة بيقولها لان واحد شريف وعقله يوزن بلد وما بيقلش كلام الا وهو عارف هو بيقول ايه .. ويستاهل على كل الاهانة دي واكتر لان ماعملش فينا خير .. كل حكمه كان فساد في فساد وهو احنا شفنا ثروته كام 70 مليار دولار .. تقدر تقولي جاب الفلوس دي من فين غير ان سرقها من البلد .. والناس الغلابة بتشتغل ليل نهار مامعهاش ربعهم حتى ..:(

ماشي ..

برغم اني اتكلمت في الموضوع ده حوالي 74565435465 مرة قبل كده ..

و مع اني كنت واخد قرار اني اتعامل مع اي حد بيقول" آسف يا ريس " و " شكراً يا ريس " و " ده ابونا برده يا جماعة " من منطلق زي بعضة ..

او بالبلدي كده " آخده على أد عقله " ..

بس مش مشكلة نخليهم 74565435465 و 1 ..

بص يا كابتن ..

ما هو يا عارف كل حاجة و كل شئ ماشي تحت ترتيبه .. و دي تبقى نصيبة "بالنون" ..

يا مش عارف اي حاجة يا حبة عيني و كل اللي بيحصل بيحصل من وراه .. و دي تبقى نصيبة أكبر " بالنون برده " ..

و عشان نكمل كلامنا هنفترض جدلاً النصيبة التانية ..

انه مكانش عارف حاجة يا عيني ده كان بس حيالله رئيس جمهورية مالوش دعوة باللي بيحصل في البلد ..

و ان الحاشية اللي حولية هم السبب اللي هم العصابة الشريرة اللي شوهت صورة الزعيم و القائد حفظه الله و رعاه ..

يبقى الرد الطبيعي و البديهي .. طب و مين اللي جايب الناس الشريرة دي ..

و اللي خلي الاشكال دي 20 و 15 و 14 و 10 سنين في مناصبهم مخليهم ليه ؟؟ .. ونس ؟

لاء ماهي مش عزبة وارثها عن دادي ..

مش عارف حاجة .. ريح في بيتك يا حبيبي ..

و بعدين معلش يعني ..

هو كل اللي اتنيل حارب في 73 من حقه يسرق مصر 30 سنة ؟

و اللي زاد و غطى انهم مصرين انه صحي من النوم الصبح فتح الجراج و دور الطيارة و طلع على تل ابيب ضربها و رجع .. يعني كان ممكن يموت يا اخوانا ..

مع انه كان مرزوع في القيادة .. قائد القوات الجوية ..

شارك في حروب كتير .. ماشي برافو يا ريس ..

هاه ؟ و بعدين ؟ نعمل ايه يعني ؟

ايه المطلوب مننا يعني مش فاهم ؟

نتسرق و نتذل و نتبهدل و نقول حقك يا ريس ؟

يموت اكتر من 400 شاب و هو يقول " ولقد إلتزمت قوات الشرطة و بدارت إلى حمايتهم " ..

لمجرد انه بيدور على طريقة ظريفة يمشي بيها .. و نقوله احنا آسفين يا ريس ..

بأعتبار ان المتظاهرين ماتوا من ضربة شمس .. و عربيات الامن المركزي اللي كان بتدوس علينا زي الكتاكيت كانت تبع وزارة داخلية ترنداد و توباجو ..

ملايين في الشارع بيقولوها صريحة .. "إرحل" يعني غور ..

و هو طالع يقول الاغلبية الكاسحة يعلمون من هو حسني مبارك .. و يحز في نفسي بعض ما يقوله بني وطني .. يابن الايه يا ظريف .. :D

كلمة اخيرة يا كابتن عشان دي امانة في رقبتي ..

محمد سيد طرخان .. مهندس .. عنده 30 سنة ..

و ده مواليد 29/10/1981 .. يوم تولي ننوس عين مامته رئاسة الجمهورية .. يعني راجل واخد العز من اول يوم ..

كان قاعد جنبي و انا بقرأ التوبيك ..

لما شاف الموضوع قال .. انا مال اهلي .. هو بأف اعتذرله ليه

بجد مش لاقيه رد .. يعني بجد انت ياأستاذ مصراوي كافيه عبرت عن كل اللي كان نفسي اقوله وكل مصري كان نفسه يقوله .. بجد لساني يعجز عن شكرك .. واحنا مانقدرش نقول في الاخير غير حسبي الله ونعم الوكيل هو وكل عائلته وحكومته وربنا يسكنهم .............. ؟ وان شاء الله مصر هاتفضل حرة وشريفة طول ما انتو شبابها .. وان شاء الله الحكومة الجاية تبقى حكومة كويسة .. وان شاء الله نشوف حبل الاعدام في رقبة ................؟ اظن كلنا عارفينهم . ولي مش عارفهم يجي يسألني . وبقولك تاني تسلم على الكلام دا .. :x

هو ليه الناس بتاخد من التوبك اللي هي عايزة ترد عليه
وتسيب باقي التوبك
الراجل صاحب الموضوع قال انه مش عايز يعيش عمره تحت رئاسة شخص واحد
الراجل صاحب الموضوع عارف وفاهم ومجرب انه فيه فساد
الراجل صاحب الموضوع ممكن يكون طلع عينه في اي قسم من امين شرطة مرتشي مالوش صنف اللزوم
كل اللي الراجل عايز يقوله- واظن انه واضح وصريح- حاسب مبارك
بس زي ما ها تحابسه علي خطايه
كرمه علي الانجازات اللي عملها او اتعملت في عهده
اليوزر اهلاوية وافتخر ربما نسيت او تناست انه نص ماليزيا بتشتغل برة ماليزيا
تركيا ليها 100الف واحد في مصر
ودي دول اقل منا عددا واحسن منا اقتصاداً
واظن انه مفيش حد بيحب مصر اكتر من حد
ولو حد بيحب مصر اكتر من اي حد
يبقي انا اخد جايزة نوبل في حب بلدي
اليوزر حساسة ودمعتي الماسة
ايام عهد الرئيس مبارك كان القسم السياسي بيتقال فيه اي حاجة ضد مبارك ومحدش كان بيقول ان الكافيه اشرف من كدة
كلنا عارفين ان الكافيه اشرف من كدة
مش من اهم مطالب الثورة هي الديمقراطية
خلاص كل واحد يقول اللي عايزوه بدون تجريح في اي حد
مفيش هنا رقيب علي حد............كلنا الحمد لله متعلمين ومعانا دبلونات:D
الاخ مصراوي كافيه انا مش ها ارد عليه
لسبب بسيط جداً
ان انا مش متابع الكافيه ولا الموضوع
وانا عارفه دماغه ناشفة
وبعدين هو كان التزم انه مش ها يتكلم في الموضوع ده من اساسه
الرجاء محدش يزعل مني
بس اتضايقت من طريقة بعض الردود

انا صراحة مش عارفة انتو بدافعوا عنه بالطريقة دي كدة ليه وحاطين صوره شوية وهاتسجدله ..
كل اللي عمله فيكم ده ولسه بتحبوه انا صراحة مش فاهمة حاجة خالص .. وخصوصا انتو ياشباب نسيتوا كل اللي عمله فيكم .. نسيتوا البطالة اللي انتو فيها .. نسيتوا انكم مش عارفين تشوفو شريكة حياتكم وتعيشو حياتكم زي بقية الشباب الاغنياء .. سرق فلوسكم اللي هي من حقكم انتو ولسه بدافعوا عنه .. حرام عليكم لو انتو مش حاسين بنفسكم حسو بالناس اللي حوليكم .. لو انتو اغنياء حسو بالناس اللي مش لاقين ياكلوا .. فكروا شوية دا انتو مستقبل مصر .. فكروا في الايام اللي جاية ان شاء الله هاتبقى احسن من اول ..

ل

كل منا رايه بالطبع
ونحن نحترم جميع الاراء دون ان نخطا فى احد
شكرا للجميع

ازيك يا محمود
عامل ايه ؟
لك وحشه والله
انت لسه بردوا بتفكر في الرئيس المخلوع
علي العموم الاخ مصراوي كافيه رد عليك
وقام بالواجب

لو سمحت ليه هرد علي الاخ سراج
الاخ سراج والله من الناس اللي خلاني اشترك في المنتدي
وشد انتباهي جدا للمنتدي
من اول المواضيع اللي قراته في المنتدي كان
( محادثه بينه وبين عمرو شومان )
علي الياهو ميل ونزلت في المنتدي
ولسه فاكر الموضوع الي الوقت الحالي
موضوع محترم جدا جدا جدا

بس اختلف معاك يا سراج في النقاط دي

كرمه علي الانجازات اللي عملها او اتعملت في عهده
اليوزر اهلاوية وافتخر ربما نسيت او تناست انه نص ماليزيا بتشتغل برة ماليزيا
تركيا ليها 100الف واحد في مصر


ايه هي انجازات مبارك للشعب المصري خلال فتره حكمه
( قبل الحكم شئ ميخصنيش )
اوعي تقولي مدخلش مصر في حرب
اعترض واحتج
الشعب بيحارب بعض لو انت مش حاسس
الشرطه بتحارب الشعب في اكل العيش والارزاق
الناس بتحارب في بعض علشان لقمه العيش
الواحد لما بيمشي في الشارع وخبطت في كتف اللي جنبه يبقي
لقاتل لمقتول بتبقي حرب
غير الفتن الطائفيه اللي كترت في عهده بسبب حكومته وتدابير حكومته في ادله كتير تدين الحكومه بكده


ام بالنسبه اللي من ماليزيا نصهم شغالين بره
بردوا اعترض معاك
الشغالين بره دول شركتهم شركات تابعه ليهم واخدين شغال مقاولات في هذه الدول
يعني مش شغالين عند حد غريب شغالين في شركتهم

وبالتاكيد انت عارف ازاي المصري بيتعامل ازاي بره
يعني مفيش اي واجه مقارنه بين تعامل المصري والماليزي والتركي واي جنسيه اوربيه

ممكن تواجه المقارنه فعلا مابين المصري والسوداني والباكستاني والهندي والبنجلاديش

احنا بره وعارفين

ام تركيا كان في خطاب من قريب لرجب اردوغان
كان بيشجع الشعب التركي علي كثره الانجاب واعترف وقال
المواطن ثروه بشريه

واحنا الرئيس المخلوع حسني
في اكتر من 50 خطاب ليه وسياسته واعلامه
بيعاتب ويأنب ضمير الشعب من كثره الانجاب


حسني مبارك لا يقم باي انجازات
وكمان للاسف حتي واجباته لم يقم به علي الوجه الاصح

انت عارف يعني تحكم بلد 30 سنه
فيها كل الامكانيات اللي تخلي بلدك دوله متقدمه لا تقل عن الدول الاوربيه وامريكا
من ثروه بشريه وثروات طبيعيه
نحمد الله علي هذه الثروات
وتوصل بالبلد دي لدول العالم التالت والدول اللي تحت خط الفقر
يبقي
حسبي الله ونعم الوكيل في حسني مبارك وعصابته

واسف علي الاطاله
بارك الله فيكم وحفظكم ورعاكم
ودمتم بخير وسعاده وصحه وراحه بال

ياااااااااااااااااة فعلا مبارك يتسحق الاحترام والتقدير
لانة صدر الغاز لليهود الي بيقتلو اخوتنا واهالينا ف فلسطين
فعلا مبارك ان ننحني له ونقدرة علي ما سرقة من اموال العشب من مليارات نتعجب عندما نسمعها الان
يجب ان نشكر مبارك علي انة جوع الشعب المصري وسرق ونهب اموالة هو ووزرائة
يجب ان نشكر مبارك لما قدمة للبلد من خدمات جليلة اهما المبيدات المسرطنة التي قتلت الملاين من الشعب المصري
يجب ان نشكر مبارك علي نسبة الامية والجهل التي انتشرت في ربوع الشعب المصري
وبكل فخر وتقديم واعتزاز شكرا للقائد حسني مبارك لما قدمة لمصر من خدمات جليلة قد ذكرت معظمها

ازايك يا حساسه ودمعتى الماسة بصرحة انت عندك حق فى كل كلمة قولتها وممكن لو سمحتى تقبلنى صدقة ليكى:x:)

شكرا لمبارك...اللي ازمه العيش في عهده كانت بتخلي الناس تقتل في بعضها
..اللي كانوا بيفصلوا الكهربا عننا بحجه تخفيف الاعباء وهما بيصدروها لاسرائيل
شكرا اوووي لمبارك ..اللي خلاني اخاف من نقابي واخويا يخاف من لحيته
شكراا اوووي ..للراجل اللي قتل حلم كل مصري قبل ما يوصل لاخره ...معاك واسطه شغاله يبقي كله تمام لو مفيش يبقي خساره عمرك واحلامك يامصري.
شكرا لمبارك ...اللي المهندس في عهده كان بيشتغل حاس امن والدكتور يقضي عمره يذاكر وطالع عينه وفي الاخر 20 جنيه في اليوم في بلد وصل سعر اللحمه فيه 75 جنيه .
شكرا لمبارك ...اللي فرض ضرايب علي كل حاجه ناقص الهوا اللي بنشمه يدفعونا عليه ضرايب .
شكرا لمبارك ..اللي هرب كل شاب بيحلم بشغل محترم ونفسه يعيش زي باقي شباب العالم.
شكراا لمبارك ...اللي سرق اموال الشعب عشان العادلي يعمل سجون سريه بتكلفه 2 مليار جنيه ...دا لو كان عمل بيهم مساكن للشباب كان حفظ لنفسه ماء الوجه.

وبالنسبه لنقطه ان خروجه غير لائق ..فكان جدير برجل بلغ ال80 من عمره ان يعرف ان الثوره لم تقد الا لاسقاط نظامه ...كان لابد عليه ان يتنحي يوم 27 يناير ولا ينتظر الا ان يسمع كلمات مثل ارحل وامشي ...

ودا بجد رأيي ......ولكل واحد رايه فينا
وانا بحترم كل الاعضاء اللي اتكلموا .....وبحترم اراءهم جداا

اقتباس:

---

كرمه علي الانجازات اللي عملها او اتعملت في عهده

---

و دينك ؟؟ >:)

انت بتتكلم بجد يعني مش بتئلش ؟

والله يا عمدة و ما ليك عليا حلفان

انا بحاول ادورله على اي حاجة تشفعله مش لاقي

تكونشي الانجازات دي عملها في اول 8 سنين قبل ما اتولد ؟

اقتباس:

---

المشاركة الأصلية كتبت بواسطة محمود سمير

ا

60 سنه يا جماعه بخ كده

تــــــــــــــــــــــار يـــــخ طويــــــــــــــــــــــ ـــــــــــــــــــــــــ ـل

بحلوه وبمره يضيع كده

---

تاريخ طوووووووووووووووووووووووو وووويــــــــــــــــــــ ـــل من السرقة والقتل والظلم وبيع ثروات البلد وبترولها ومياهها وكل ما فيها حتى ناسها اتباعت

تاريخ اسود ومهبب وعاوز يتحرق التاريخ وصاحب التاريخ ... اسوأ حاكم حكم مصر على مر العصور ... يمكن حتى ايام الإحتلال كان أكرم من كدا

اقتباس:

---

المشاركة الأصلية كتبت بواسطة محمود سمير

يختفى و ينتهى كده بالطريقة البذيئة دى

---

الطريقة البذيئة اللي مش عاجباك ... هي نفس الطريقة البذيئه اللي كان اهلك وناسك في انحاء البلد بيتعاملوا بيها منه ومن نظامه المنيل بنيلة

هو مشي بالطريقة الأمثل .... يحمد ربنا هو وكل اشباه الكائنات اللي بتقول انه مظلوم انه متقتلش

اقتباس:

---

المشاركة الأصلية كتبت بواسطة محمود سمير

ا

منكم لله يا كفرة ياللى وديتو الراجل فى داهية


منك لله يا جمال يا مبارك
منك لله يا احمد يا عز
منك لله يا صفوت يا شريف
منك لله يا زكريا يا عزمى
منك لله يا بطرس يا غالى
منك لله يا حبيب يا عادلى
منك لله يا عاطف يا عبيد
منك لله يا برادعى

---

كفرة ؟؟؟؟:-O

انت فاهم انت بتقول ايه يا كابتشن ؟؟؟

يا ابو الكباتشين ؟؟؟ انت فاهم يعني ايه تقول على واحد كافر

دا انت معدّي بقا واحنا مش واخدين بالنا

راجع نفسك في كلامك لإنك بتركب نفسك بدل الذنب ذنووووب

اقتباس:

---

المشاركة الأصلية كتبت بواسطة محمود سمير

ا

وتلاقى المدير تانى يوم يقولك امشى سواء غلطت او ماغلطتش
وانت تقول للمدير ادينى فرصه وانا كده كده ماشى ماشى
وهو يقولك لا بره و حالا ودلوقتى و يهينك وينسى كل اللى عملته سواء حلو او وحش

ساعتها هاتحس انك انت فعلا عمرك ضاع اونطه فى اونطه

---

على اساس ان مصر بقت مجموعة شركات حسني واولاده
وبقينا بنتعامل مع البلد على انها شركة ومدير وبيقولك امشي
وتهجيص عالي المستوى
نفس المنطق الأبدي اللي احنا عايشين فيه بقالنا 30 سنه
منطق التجهيل والتجاهل

اقتباس:

---

المشاركة الأصلية كتبت بواسطة محمود سمير

وينفع تقولى لابوكى اخرج بره يا خنزير
وينفع وائل غنيم يقول ارحل يعنى امشى - ياللى مابتفهمشى
ينفع شاب يهزق واحد عنده 83 سنه بالطريقه دى

مين يا جماعه يرضى يتعمل كده فى والده

يرضى مين بس


يبقى هو ده الغباء والهبل و نكران الجميل

---

اولا رئيس الجمهورية مش ابويا
ثانيا هو يستحق كل كلمة قيلت ليه وأكثر بكثير طبعا

الغباء والهبل = انك تدافع عن الخسيس دا بعد كل اللي جرا

الغباء والهبل = انك متعرفش تفرق بين الصح والغلط رغم ان الفروق بينهم اوضح من الشمس في السما

نكران الجميل دا يتكلم عنه حد من اسرائيل ... يمكن يلاقي جمايل حسني عملهالو في حياتو
انما في مصر ......:-/ أ ش كـ

اقتباس:

---

المشاركة الأصلية كتبت بواسطة محمود سمير

يعيش حسنى مبارك .... يعيش ..يعيش..يعيش

---

قال رسول الله صلى الله عليه وسلم ( المرء مع من أحب يوم القيامه ) صدق رسول الله صلى الله عليه

انت تحب قاتل شهداء الثورة
سارق ثروات البلد
ظالم 80 مليون مصري
مزور الانتخابات على مر العصور
مورث الحكم لإبنه الجاهل مثله
مغرور بنفسه رغم غبائة السياسي والاجتماعي

بائع الغاز لإسرائيل
باني حائط العزل بين مصر وغزّه

انت تحب إنسان أقل ما يوصف به انه من ذوات الأربع


تحيــــاتي.

ملخص الموضوع

حاسب مبارك
بس زي ما ها تحابسه علي خطايه
كرمه علي الانجازات اللي عملها او اتعملت في عهده

اقتباس:

---

المشاركة الأصلية كتبت بواسطة Serag Magdy

هو ليه الناس بتاخد من التوبك اللي هي عايزة ترد عليه
وتسيب باقي التوبك
الراجل صاحب الموضوع قال انه مش عايز يعيش عمره تحت رئاسة شخص واحد
الراجل صاحب الموضوع عارف وفاهم ومجرب انه فيه فساد
الراجل صاحب الموضوع ممكن يكون طلع عينه في اي قسم من امين شرطة مرتشي مالوش صنف اللزوم
كل اللي الراجل عايز يقوله- واظن انه واضح وصريح- حاسب مبارك
بس زي ما ها تحابسه علي خطايه
كرمه علي الانجازات اللي عملها او اتعملت في عهده
اليوزر اهلاوية وافتخر ربما نسيت او تناست انه نص ماليزيا بتشتغل برة ماليزيا
تركيا ليها 100الف واحد في مصر
ودي دول اقل منا عددا واحسن منا اقتصاداً
واظن انه مفيش حد بيحب مصر اكتر من حد
ولو حد بيحب مصر اكتر من اي حد
يبقي انا اخد جايزة نوبل في حب بلدي
اليوزر حساسة ودمعتي الماسة
ايام عهد الرئيس مبارك كان القسم السياسي بيتقال فيه اي حاجة ضد مبارك ومحدش كان بيقول ان الكافيه اشرف من كدة
كلنا عارفين ان الكافيه اشرف من كدة
مش من اهم مطالب الثورة هي الديمقراطية
خلاص كل واحد يقول اللي عايزوه بدون تجريح في اي حد
مفيش هنا رقيب علي حد............كلنا الحمد لله متعلمين ومعانا دبلونات:D
الاخ مصراوي كافيه انا مش ها ارد عليه
لسبب بسيط جداً
ان انا مش متابع الكافيه ولا الموضوع
وانا عارفه دماغه ناشفة
وبعدين هو كان التزم انه مش ها يتكلم في الموضوع ده من اساسه
الرجاء محدش يزعل مني
بس اتضايقت من طريقة بعض الردود

---

هو أنا اتكلمت عن ماليزيا أصلا هنا ؟

شكراااااااااااااااااااا ياأستاذ محمد راغب وبجد ياريت الكل يفتكر مبارك عمل فينا إيه .. وياريت كمان نفتكر شهداؤنا اللي ضحوا بنفسهم عشان مصر .. ياريت اللي بيدافع عن مبارك يفتكر الشهداء اللي بسببهم مصر ان شاء الله بدأت تتغير وجه فيهم ناس اشرف من بتوع اول .. ياريت تفكروا شوية ..

اقتباس:

---

المشاركة الأصلية كتبت بواسطة أهلاوية وأفتخر

هو أنا اتكلمت عن ماليزيا أصلا هنا ؟

---

انا مش عارف اسمك ايه بس ماعلينا هو قصده انه يديكى مثال فقط لاغير

اقتباس:

---

المشاركة الأصلية كتبت بواسطة * حساسة ودمعتي الماسة *

شكراااااااااااااااااااا ياأستاذ محمد راغب وبجد ياريت الكل يفتكر مبارك عمل فينا إيه .. وياريت كمان نفتكر شهداؤنا اللي ضحوا بنفسهم عشان مصر .. ياريت اللي بيدافع عن مبارك يفتكر الشهداء اللي بسببهم مصر ان شاء الله بدأت تتغير وجه فيهم ناس اشرف من بتوع اول .. ياريت تفكروا شوية ..

---

اولا: انتى بتنظرى للموضوع نظرة ......سورى قصدى احادية الجانب بمعنى ازاى حضرتك عيزانى افتكر اللى عمله مبارك فينا بس وانسى كل اللى عمل مبارك لينا ده اسمه عدم انصاف للحق ثانيا: مش معنى انى بحب الريس وبدافع عن الحق يبقى انا ناسى الشهداء اللى ضحوا عشان احنا نعيش اطلاقا انا بقدرهم جدا وكمان منسيتش ده فى موضوعى وقولت انحنا لازم نفتكرهم على طول لانهم ضوء الشمس
ثالثا : معتقدتش انه هيجى احسن من مبارك وعلى العموم يارب كل اللى يجى يكون خير لمصر

ميرسى لمرورك العطر

تكونشي الانجازات دي عملها في اول 8 سنين قبل ما اتولد ؟
[/CENTER][/QUOTE]

اكيد اتعملت قبل متتولد

اقتباس:

---

المشاركة الأصلية كتبت بواسطة مصراوي كافيه

و دينك ؟؟ >:)

انت بتتكلم بجد يعني مش بتئلش ؟

والله يا عمدة و ما ليك عليا حلفان

انا بحاول ادورله على اي حاجة تشفعله مش لاقي

تكونشي الانجازات دي عملها في اول 8 سنين قبل ما اتولد ؟

---

اكيد اتعملت قبل متتولد

اخى الفاضل محمود احترم مشاعرك تجاه الرئيس السابق ولكن اذا كنا سننظر له بعين العطف تجاه ماضيه فان واجباته كضابط طيران كانت تحتم عليه فعل ذلك واى احد مكانه كان سيقوم بواجبه كضابط مصرى حر أمام العدو الصهيونى ورحم الله الرئيس الشهيد((محمد أنور السادات))الذى عشق هذا الوطن ولكنه لم يزرع الفساد بهذا الم الرهيييييييييب الذى نحصد ثماره الان ثم انك تدعوا على حاشية مبارك وتتهمهم بانهم السبب متناسيا ان مبارك هو الذى صنعهم وكان طوال السنوات الماضية يحصد ثمار نهبهم وفسادهم ثم بعد ذلك تقول انهم السبب ......ثم ان الراعى مسئول عن رعيته فما ذنب المواطن البسيط الذى يكدح ويكد من اجل مالا يكفى قوت رعاياه فمن المسئول الراعى ام الحاشية .....ثم ان الخونة الذين اغتا لو الرئيس السادات رحمه الله كان سبب ذلك بعض الاخطاء السياسية ولم يسرق ولم ينهب ولم يبيع البلد كما فعل الخونة من اتباع مبارك ويشهد له التاريخ بذلك ومع هذا قتلوه قاتلهم الله ولعنهم الى يوم الدين بما استحلوا دمائه الطاهرة رحمه الله وادرجه مدارج الشهداء اما الخائن المعربد الذى استحل هو وابناؤه ومنافقيه اموال الشعب ودماؤه واعراضه فقد ارانا الله فيهم يوما ((وسيعلم الذين ظلموا أى منقلب ينقلبون )):-O:-*:-/:-/

انا مش لاقيه كلام اقوله استاذ(مصراوي كافيه/هشام اللول/مسلم/رمضان مبروك/حساسه/اهلاويه)كلكم قولتوا كل الي انا عايزه اقوله واكتر

مبـــــــــــــــــــــــ ـــــــــــــــــــــــــ ـــــــــــــــــــــــــ ــــارك

والتاريخ سيثبت من هو مبارك بكل تأكيد
والتاريخ هو ايضا الذي سيحكم على الثورة اذا نجحت او فشلت

المهم نصحى ونفوق ونشوف حالتنا الاقتصادية رايحة لفين نضع البلد على الطريق الصحيح اولا ونترك الماضي جانبا ( مؤقتا )

تسلم حودة على الموضوع

اشكرك على كلامك وحقيقى انا معاك فى كل كلامك محدش يقدر يقول ان مكنش فيه فساد لكن لابد ان نتعلم الموضوعية ونتعلم ان ادا دكرنا الاخطاء لابد من دكر المحاسن فادا حاسبنا مبارك على اخطائه لا بد من دكر انجازاته

اقتباس:

---

المشاركة الأصلية كتبت بواسطة mona_elbaz

اشكرك على كلامك وحقيقى انا معاك فى كل كلامك محدش يقدر يقول ان مكنش فيه فساد لكن لابد ان نتعلم الموضوعية ونتعلم ان ادا دكرنا الاخطاء لابد من دكر المحاسن فادا حاسبنا مبارك على اخطائه لا بد من دكر انجازاته

---

اشكرك اختى العزيز وبارك الله فيكى

الشىء الوحيد الذى يحترم لاجله هو سنه فقط
لكن انجازات و مشروعات فهذا واجب عليه لانه مسئول ان قصر حاسبه الله
وان عمل واجتهد فله الأجر
ولكن لننظر ماذا سيكتب فى تاريخ مصر الحديث ؟
هل سيكتب الإنجازات ؟
بالطبع لااااااااااا
لأنهم سيعددوا مساوىء وأخطاء نظامه وهى اكثر من ان تعد
اما نلقى اللوم على جمال او احمد او علان فهذا خطاء
لأنه هو المسئول والقائد وهو من اختارهم
فيختار من يشاء ويعزل من يشاء
واخيرا فإن أمره الى الله فبين يديه حساب شديد

نجانا الله واياكم من الحساب وجعلنا الله من اهل الفردوس الأعلى أمييييييييييييييييييين

السلام عليكم انا جديد وعايز اتاقلم معاكم يلريت تساعدوني

[QUOTE=mgmkh;828892]السلام عليكم انا جديد وعايز اتاقلم معاكم يلريت تساعدوني[/Q

نورت المنتدى وبمجرد انك رديت على موضوع او شاركت بموضوع يبقى انت اكيد تاقلمت معنا

استاذ محمود ،،، اسمحلي يعني

انت لو عايش في وسط الفقرا والغلابا مكنتش هتقول كدا

انت لو دخلت قسم شرطة واتبهدلت فيه واتهانت كرامتك مكنتش هتقول كدا

انت لو وقفوك في لجنة وحتة ظابط ابن كلب يمد ايدو عليك قدام مراتك وولادك مكنتش هتقول كدا

انت لو معاك شهادة جامعية كبيرة وتعبت في الدراسة عشان توصل للدرجة دي وفي الاخر تاخد 300 ولا 400 جنيه مكنتش هتقول كدا

لو بتدفع ايجار اكتر من راتبك مكنتش هتقول كدا

لو مكنتش عارف تتجوز مكنتش هتقول كدا

لو مضطر تتغرب عن بلدك عشان مش عارف تعيش فيها مكنتش هتقول كدا

لو راحت عينيك في مظاهرة سلمية بتطالب فيها بأقل حق من حقوقك مكنتش هتقول كدا

لو ليك حد قريبك او اخوك او عمك او خالك او ... او ..... مكنتش هتقول كدا

لو واحد زي خالد سعيد كان قريبك او حتى صاحبك مكنتش هتقول كدا


لو اتخرجت من الكلية بتقدير امتياز وانت مش عارف حاجة من اللي درستها مجرد بتحفظ مكنتش هتقول كدا

..................................

وغير كده كتييييييييييييييييييييييي ييييييييييييييييييييييييي ر اوي

..................................

وبالنسبة للي حضرتك كاتبه ان الناس اللي حوالين مبارك هما اللي ضيعوه

فده عذر اقبح من ذنب

مبارك كان عارف كل اللي بيحصل حواليه كويس اوي

وهو اللي امر بضرب المتظاهرين بالرصاص الحي ،،،

وهو اللي كان سايب الحبل عالغارب لكل الوزراء

وهو اللي خرب البلد ودمر التعليم والصحة و ... و ....

وهو لو كان قلبه على مصر مكنش فرط فيها وصدر الغاز لليهود وشعبه مش لاقي انبوبه البوتاجاز

مكنش خلا كرامة المصري في الارض

وطالع بشكله الغبي في مؤتمر عالمي ويقول : اجيبلهم منيين يعني

وانت جبت منين المليارات دي يا حراااااااااااااامي

انا بس مستعجل والله وتعبان ومش قادر اجيبلك كل حاجة

بس اتمنى ان حضرتك تفهم كويس الناس دي ومتتخدعش زي ما بعض الناس مخدوعة

وياريت حضرتك تسمع الاغنية دي وتركز فيها اويييييييي :x


http://www.youtube.com/watch?v=QJZamFt9r1o

مستر http://www.masrawycafe.com/files/cus...tar18974_3.gif Khalid

انا بحترم رايك ولكنى اختلف معك كثيرا اما بالنسبة للاغنية فهذا غير مقبول شكرا لمرورك العطر