يارب مصر بلدنا تعدي أزمتها كلمات عصام قمر
يارب مصر بلدنا
تعدي أزمتها
وتضرب اللي عايزين يخربوها
أقله بجزمتها
ثاروا الثوار
ودفعوا التمن أرواحهم
عشان يعلوا شأنها
من تاني ومكانتها
عايزين يجهضوا الثورة
ويقتلوا وليدها
عايزين يحرموا الشعب
فرحتهم بنتايجها
عشان فقدوا هما قيمتهم
يوم م رجعلها قيمتها
متخافيش يابلدي
مفيش رجوع للخلف
ثورتنا ناويه تدوس
اللي يقف ف سكتها
ديول .... أذناب
للي ما يتسموش
روس الفساد إنقطعت
والدور علي ديولها
فات الكتير يامصر
وباقي القليل
والدرس إتعلمناه
من بعد ليل طويل
جناحينك يابلدي في ثبات
مفيهومش جناح هيميل
وهيبنوا مجدك تاني
وحضارة وادي النيل
مصحيوش المسلمين من النوم
لقوا المسيحين
ولا المسيحين صحوا
إتفاجئوا بالمسلمين
مسلم ومسيحي نسيج واحد
إسمة المصريين
ياخونة إلعبوا غيرها
دي لعبة فاهمينها
بتلعبوها دايما
لما تبقوا مزنوقين
ده كان زمان وجبر
خلاص بقينا فاهمين
*******************
كلمات عصام قمر
