السلام عليكم ورحمه الله وبركاته
شارك وقول رايك في الاستفتاء الخاص بتعديل بعض مواد الدستور
نرجو مشاركه الجميع في الاستطلاع والتصويت حتي تتضح الرؤيه
ملحوظه
سيتم غلق الموضوع يوم الجمعه 18/3/2011
عرض للطباعة
السلام عليكم ورحمه الله وبركاته
شارك وقول رايك في الاستفتاء الخاص بتعديل بعض مواد الدستور
نرجو مشاركه الجميع في الاستطلاع والتصويت حتي تتضح الرؤيه
ملحوظه
سيتم غلق الموضوع يوم الجمعه 18/3/2011
الدستور مات بالثورة الشعبية إللي أسقطت رأس النظام وبرلمانه وحزبه وأمن دولته وأمنه المركزي وجميع متعلقاته!
الدستور مات ولا معنى لترقيعه ومحاولة إنقاذه في الإنعاش!
عاوزين دستور جديد يتعمل بالطريقة الديمقراطية المعروفة: انتخاب جمعية تأسيسية.
شكرا ياكريم علي الموضوع
وبارك الله فيك وحفظك ورعاك
الف شكر ليك يااتش
ان شاء الله ربنا يكتب الخير لمصر
نتمني مشاركه اكتر من الاعضاء عشان الرؤيه تتضح
نورت ياحاج
شكرا ليك على الموضوع يا كريم
انا عايزة اقول ان اكيد فى مواد كتير فى الدستور احنا متفقين عليها ومش هتتغير يبقى ليه دستور جديد
هو بالفعل سقط الدستور مع سقوط النظام الحاكم
ولكن يمكن الان ان نشارك فى تعديلات دستورية ثم نتقدم بطلبات لتغيير باقى المواد التى لا تصلح ولكن لا يمكن ان نقول سقط الدستور وخلاص يعنى ومش هاممنا العواقب
وبعدين ممكن وضع دستور جديد بس لما ييجى رئيس جديد يبقى هو يعمله
للاسف يا هشام انا بختلف معاك
شكرا لمشاركتك ورايك
ورجاء من الجميع اذا كان مع او ضد الموضوع مفتوح للتصويت وايضا للنقاش نرجو احترام اراء الاخرين
بس في استطلاع فوق ياريت تصوتي عليه عشان النسبه :|
الف شكر لمرورك الجميل نورتي
طبعا لا اوافق لان الدستور شرعيتة انتهت بثورة الشعب المصري وبشرعية ثورة التحرير
تاني نقطة مازالت السلطات المطلقة لرئيس الجمهورية مازالت قائمة ونحن بصدد صناعة ديكتاتور جديد مع تغير الالقاب
فيجب عمل دستور جديد تتفق شرعيتة مع شرعية الثورة المصرية
جزاك الله خيراً .. تم ارسال الموضوع للمجموعه البريده للتصويت وتثبيت الموضوع
البداية موفقة وبعد كدة يجى رئيس ونعمل دستور جديد
السلام عليكم , معكم الله...........
لابد من انهاء الحالة الحالية ورجوع الجيش الى مكانة وانتخاب رئيس جديد
اما لو عايزين دستور جديد فهذا يتطلب اكثر من سنة ولا اعتقد الوضع فى مصر يتحمل هذا
فمبدئيا الموافقة على الوضع الحالى ثم انتخاب رئيس --مع العلم ان ميدان التحرير موجود
اقتباس:
المشاركة الأصلية كتبت بواسطة محمد مدحت راغب
الف شكر يامحمد ولكن مختلف معاك ف نقطه انك تسميها ثوره التحرير افضل ثوره الشعب احسن
الف شكر لمرورك نورت ياحاج
اقتباس:
المشاركة الأصلية كتبت بواسطة علي مدكور
الف شكر لحضرتك استاذ علي وشكرا عالتثبيت
اقتباس:
المشاركة الأصلية كتبت بواسطة mona roshdi
الف شكر لحضرتك منوره الموضوع
وشكرا لطرح وجهه نظرك
اقتباس:
المشاركة الأصلية كتبت بواسطة nabilabd
الف شكر لمرورك ياحاج بالتوفيق ان شاء الله
اقتباس:
المشاركة الأصلية كتبت بواسطة djaaroun77
وعليكم السلام ورحمه الله وبركاته ربنا مع الجميع
نورت
اقتباس:
المشاركة الأصلية كتبت بواسطة hhmm6
ان شاء الله ربنا يكتب الخير والصالح للبلد
الف شكر لمرورك الجميل نورت
بجد ما ينفعش تعديلات
كل شوية حنلاقي حاجة عايزة تعديل
ليه ما يبقاش دستور جديد على نظافة بعد ثورة 25 يناير؟؟؟؟؟
ليه ما يبقاش الدستور الجديد متوافق مع تطورات القرن الـ 21
ليه خايفين من دستور جديد رغم أن المفروض ان ده من ضمن طلبات الثورة
اقتباس:
المشاركة الأصلية كتبت بواسطة ororniny
كل واحد له راييه ومعتقده وطريقته ف التفكير ومن حق كل واحد يعبر عن رايه وصندوق الانتخاب هيحدد بالتوفيق لما فيه صالح مصر
الف شكر لمرورك الجميل واهلا بيكي ف بيتك التاني مصراوي كافيه واول مشاركه ف موضوعي
الف شكر لمرورك
وجهة نظرى المتواضعة نوافق على التعديل حاليا حتى يتم الأستقرار للبلد و بعدين نعمل دستور جديد يعنى نلحق المريض بدواء م}قت حتى يسترد عافيته ولا نعمل عملية يموت فيها أو بمعنى آخر و تشبيه لآخر مركب فى وسط البحر وفيها خرم فى القاع نصلحه حتى نصل لشاطىء الأمان و بعدين نصلح المركب كله و لا نصلح المركب فى وسط البحر و نسيب الخرم يغرقه نفسى تكون المعلومة وصلت للكل و شكرا للجمييييع
اقتباس:
المشاركة الأصلية كتبت بواسطة ayman badawy
تشبيه حلو جدا ياا ايمن ووجهه نظرك وصلت
الف شكر لمرورك الجميل نورت
اوافق على التعديلات الدوستورية لفترة انتقالية ثم رئيس جديد ثم دستور جديد
اقتباس:
المشاركة الأصلية كتبت بواسطة حسين الترماس
الف شكر ليك حسين واهلا بيك ف مصراوي كافيه واول مشاركه ليك
احنا كده مش هنخلص ياعم هو كل واحد عنده مشكلة دلوقتى فى مصر ينزل على ميدان التحرير ايه ياعم ده
قعدوا يقولوا عيزين نائب للرئيس عيزين تحديد مده الرئاسة فترتين عيزين كل فترة 4 سنيين عيزين وعيزين وعيزين مش كده والله واحده واحده وفى الاخر كل ده اتحقق والاقى ناس مش موافقة على التعديلات ودى طبعا حرية ماعلينا
نعم للتعديلات الدستورية
نعم اوافق على التعديلات الدستورية للخروج من الازمة الحالية والنهوض بمستوى مصرنا الحبيبة لأن الوقت ديق وحرج وعمل دستور جديد يتفق علية كل الاراء يحتاج الى وقت كبير
1-نعم للتعديل 2- اختيار رئيس جمهورية صح 3- اختيار اعضاء مجلسى الشعب والشورى 4 - اختيار رؤساء واعضاء المجالس المحلية لو تم الاختيار المناسب لهؤلاء سنكون قمنا بعمل بلد جديد بدلا من الدستور فقط
اقتباس:
المشاركة الأصلية كتبت بواسطة محمود سمير
منور ياحوده وفي الاول والاخر هيا وجهات نظر وكله بيصب ف مصلحه مصر
ميبقاش خلقك ضيق كده ياحاج
الف شكر لمرورك الجميل نورت
اقتباس:
المشاركة الأصلية كتبت بواسطة علاء الشحات
اهلا وسهلا بيك في مصراوي كافيه علاء واول مشاركه ليك
الف شكر لمرورك وطرح وجهه نظرك نورت
السلام عليكم
يا جماعة فيه مادة في الدستور الجديد بتلزم رئيس الجمهورية والبرلمان انهم يختاروا 100شخصية تقوم بعمل دستور جديد في ظرف مدة معينة
ولا احنا لنرفض الدستور علشان شوفنا ناس في التليفزيون بتقول لا:D
تسلم يا معلم ع الموضوع
اقتباس:
المشاركة الأصلية كتبت بواسطة Serag Magdy
لا يا حاج زمن التلفزيون ده خلاص راحت عليه الناس دلوقتي الحمد لله بقي عندها وعي وعارفه هيا عايزه ايه وكل واحد شايف البلد بطريقته اختلفنا او اتفقنا ف ده ف الاول والاخر عشان مصر
الف شكر لمرورك الجميل ووجهه نظرك نورت ياحاج
السلام عليكم
معلش انا أحكي رأي ولو اني مش من مصر وأتمني أقول حاجة مفيدة
انا الدستور عندي زي
الدماغ في جسم الإنسان اذا هو كان سليم كان كل الجسم سليم وانتو ماشاء الله عليكم عملتو اللي في ناس مش عارفة تعمله ياريت نقدر نعمل زيكم ونحمي بلدنا فلسطين
وتقبلو فائق احترامي ودمتم لمصر
اقتباس:
المشاركة الأصلية كتبت بواسطة نسيم الذكريات
اهلا وسهلا بيك وبكل اهل فلسطين اخواتنا
وتشبيهك الدستور بجسم الانسان تشبيه جميل بس
نتمني توحيد الجسم العربي كمان ان شاء
الف شكر لمرورك الجميل نورت
السلام عليكم اشكرك على هذا الموضوع وانا مع التغيير في الوقت الحالي لنتمكن من الحفاظ على بلدنا الحبيبة وبعد استقرار الاوضاع ووضوح الرؤية وعودة الامن والامان للشعب نبقي ننسف الدستور القديم ونعمل دستور جديد مبني على اساس صحيح وواضح للجميع ولكن هذا الوقت غير مناسب ابدا وعيون الحاقدين والطامعين فينا يلعبوا علينا ومنتظرين انتبهوا ياشباب لان في ناس مترصدة الوقت المناسب ليفاجأوا الجميع بشيء لايحمد عقباه يارب احمي مصر وشعب مصر من كل الحاقدين والمندسين والخونة=((
اقتباس:
المشاركة الأصلية كتبت بواسطة iman badr
الشكر لله
وجهه نظرك وصلت وان شاء الله مصر ربنا يحميها ويحفظها
الف شكر لمرورك الجميل نورتي
السلام عليكم ورحمة الله وبركاته************************************************** ********************************
جزاك الله خيرا وبارك الله وماشاء الله
عامل الناس كما تحب ان يعاملوك به
لايؤمن احدكم حتّى يحب لأخيه ما يحبه لنفسه
لايدخل الجنّة من كان في قلبه ذرّةٌ من كبر
اقتباس:
المشاركة الأصلية كتبت بواسطة ايهاب ماهر
وعليكم السلام ورحمه الله وبركاته
الله يخليك بس كنت اتمني تقول رايك
نورت
انل عايز أقول
استفتاء علي المواد المتغيرة بالموافقة يعني موافقة علي جميع مواد الدستور الأخري
لازم ينشر كل الدستور عشان كل واحد يعرف هو بيمضي علي اية
ثانيا مفيش مادة تلزم الرئيس القادم انة يتقدم بتعديل الدستور
ثالثا احنا عايزين نقلص اختصاصات الرئيس يعني دولة برلمانية يعني دستور جديد وزي ما قال الأخوة طالما اعترفنا انها ثورة يبقي ماقبلها يجب
النظام السابق لسة متغلغل علي جميع المستويات ويريد الإنتهاء بسرعة قبل ما القوي الجديدة ترتب نفسها
انا يا جماعة عايز ة اسأل على حاجة ؟
هو لو الشعب لم يوافق على التعديلات الدستورية ,حيستمر العمل بالدستور القديم
ولا سيتم وقف العمل بالدستورهذا الى ان يتم وضع دستور جديد بالكامل.
اقتباس:
المشاركة الأصلية كتبت بواسطة osamin16
اهلا بيك ف مصراوي كافيه نورت
ومشكور علي طرح وجهه نظرك والمناقشه
نورت
اقتباس:
المشاركة الأصلية كتبت بواسطة مودى الجديد
متهيالي لا هيبقي في اعلان دستوري لحين عمل دستور جديد للبلاد
ربنا يكتب لمصر الخير
نعم والف نعم للتغيرررررررررررررر
يسلموا الايادى خيوو