مين ده يا امى؟؟

بسم الله الرحمن الرحيم

انا انهرده بمناسبة عيد الام صحيت الصبح شغلت اغنية الرائعه العظيمه فايزه احمد ست الحبايب اجمل ما كتب وما لحن وما تغنى به عن الام فقررت اكتب عنها كتبت عن عظمتها اكتب عن ست الحبايب بس عشان اسرعت فى الكتابه ومكتبتش فى ورقه وارتجلت وانا بكتب ع الجهاز فاعذرونى لو كلماتى كانت متواضعه وبسيطه اتمنى ان تنال اعجابكم

مين ده يا امى؟؟؟
مين غيرك صدر حنين
مين لعيوبى يجمل ويزين
مين فى غيابى عمره مايطّمن
مين فى عيايا بيتعب زيى وتلاقيه هيتجنن
مين فى سعادتى يسعد ويايا تلاقيه ماشى يغنى ويدندن
مين دعواته بتحرسنى بتخلينى اتحصن واتامن
.....................

مين ده يا امى؟؟؟
مين غيرك هيحس بهمى
مين لو وقعت عليا يسمى
مين بيدمع لو ايده اتمدت مره عليا
وقلبه يدّمى
مين بيدادى مين بياءكل مين بيحمى
مين ده يا امى؟؟؟
.................

مين على كتفى دايما بيطبطب
مين يحدفنى لو غلطان بالشبشب
مين من خوفه عليا بيقسى ويضرب
مين بيلّبس مين بيسرح مين بيسبسب
مين ده يا امى؟؟؟
.....................

مين يراعينى
مين يداوينى
وف اخر الليل وف عز البرد ييجى يغطينى
مين يدعيلى
مين يواسينى
مين فى تعبى والمى يسهر يداوينى
مين يحرسنى
مين يحمينى
مين فى حزنى وهمى يحضنى ويرقينى
مين ده يا امى؟؟؟
....................

وفى ليلة عمرى مين يفرحلى
مين يرقصلى
ومين يتغنى
مين يشقى عشان اتهنى
مين يستنى
لما اتاخر
مين يقلق ومين لرجوعى يتمنى
مين قرانى كرّمه والسنه
مين ربنا وهب له الجنه
مين ده يا امى؟؟؟
.......................

مين بيقولى يكتبلك فى كل خطوه سلامه
يحبب فيك خلقه ويخلى طريقك مليان ابتسامه
مين مياكلش لو ماكلتش ولا يشرب لو مشربتش
وان متنفستش يكتم نفسه ويلبس كمامه
مين ده يا امى؟؟؟
...................

مين يدعيلى يشفيك ياضنايا
مين بيقول سعادتك هى هنايا
مين بيكبر مين بيربى
مين بيقولى انتى منايا
مين بيصبر مين بيلبى
ولا يزهق ابدا وبيستحمل كل عنايا
مين اللى جواه جوايا
مين قلبه معايا
مين يا امايا
مين ده يا امى؟؟؟

عذرا لو كانت الكلمات غير متناسقه بعض الشىء فانا كتبت ما باحساسى وحاولت بقدر الامكان ان اصيغه كقصيده ولكن على وجه السرعه
كل سنه وكل ام طيبه
كل سنه وكل ام بخير
كل سنه وكل اسره سعيده
وكل سنه ومصر امنه وبسلام
وكل سنه وانتى طيبه يا امى

(بقلمى)

كل سنه وانتى طيبه يا ماما

http://www.mriraq.com/vb/imagehostin...05e073c514.jpg
عيدكِ ياأمى
تتزين له
السطور بالكلمات
فقد دقت له
الاجراس
فتتلون الحروف
وتتراقص
وكأنه حفل
اعراس
فهو عيدكِ امي
الحبيبه
ياأغلى وأحب
الناس
يا دفىء ايامي
ونبض قلبي
ياكل الخير والطيبه
والاحساس
http://pms.panet.co.il/online/images...nd_20baby1.JPG
الرائعه لبنى}
نرحب اليوم بكلمات
استثنائيه
فيها الهدوء
وفيها التلقائيه
بنسمات تستنشقها
العيون
لقلب أم تغفو عليه
الجفون
زرعتى من
الحروف
عناقيد وفاء
لما
قدمته الام من
عطاء
فأتصفت الكلمات
بعبق المعانى
فأعتمدنا سطوركِ
بخاتم النقاء
http://pic.jro7i.com/data/media/14/p16-a_copy1.jpg
كل عام وانتِ وجميع
الامهات
بالف خير
لن ننسى ابدا تلك
الكلمات
وانما سنزيد عليها
ابياتا وابيات
لاننا مهما
قدمنا للام
لن نوفيها ولو
جزءا يسيرا
من عظيم تلك
التضحيات
وما اجملها من
مساحه
وما اطيبها من
صفحات
فللأم مكانه في
نفوسنا
تعجز بوصفها
الكلمات
دُمت باعيادكِ
ومسراتكِ
حفظ الله لك
والدتك
وامهات جميع المسلمين
يارائعه
اضفتِ لنا
مزيجا من
الهمسات
حنان الأم
بتنهدات
فكانت حروفك
تسبح
في كل الاتجاهات
فتحية نقولها
لك
على نقاء الصفحات

جزاكى الله كل خير اختى لبنى ماشاء الله كلمات معبره وفيها احساس صادق وبعدين انتى قلتنى انك كتبتيها بسرعه يعنى بعفويه وحسيت منك وكانك طفله جميله بتكلم مامتها بالتوفيق ان شاء الله اختك ام عمر

اقتباس:

---

المشاركة الأصلية كتبت بواسطة فارس الكلمه

http://www.mriraq.com/vb/imagehostin...05e073c514.jpg
عيدكِ ياأمى
تتزين له
السطور بالكلمات
فقد دقت له
الاجراس
فتتلون الحروف
وتتراقص
وكأنه حفل
اعراس
فهو عيدكِ امي
الحبيبه
ياأغلى وأحب
الناس
يا دفىء ايامي
ونبض قلبي
ياكل الخير والطيبه
والاحساس
http://pms.panet.co.il/online/images...nd_20baby1.JPG
الرائعه لبنى}
نرحب اليوم بكلمات
استثنائيه
فيها الهدوء
وفيها التلقائيه
بنسمات تستنشقها
العيون
لقلب أم تغفو عليه
الجفون
زرعتى من
الحروف
عناقيد وفاء
لما
قدمته الام من
عطاء
فأتصفت الكلمات
بعبق المعانى
فأعتمدنا سطوركِ
بخاتم النقاء
http://pic.jro7i.com/data/media/14/p16-a_copy1.jpg
كل عام وانتِ وجميع
الامهات
بالف خير
لن ننسى ابدا تلك
الكلمات
وانما سنزيد عليها
ابياتا وابيات
لاننا مهما
قدمنا للام
لن نوفيها ولو
جزءا يسيرا
من عظيم تلك
التضحيات
وما اجملها من
مساحه
وما اطيبها من
صفحات
فللأم مكانه في
نفوسنا
تعجز بوصفها
الكلمات
دُمت باعيادكِ
ومسراتكِ
حفظ الله لك
والدتك
وامهات جميع المسلمين
يارائعه
اضفتِ لنا
مزيجا من
الهمسات
حنان الأم
بتنهدات
فكانت حروفك
تسبح
في كل الاتجاهات
فتحية نقولها
لك
على نقاء الصفحات

---

شكرا جزيلا فارس الكلمه لمرورك الجميل وكلماتك الرقيقه
وكل سنه ووالدة حضرتك طيبه وكل الامهات طيبه
نورت صفحاتى
دمت بكل الود

اقتباس:

---

المشاركة الأصلية كتبت بواسطة omar_yasser59

جزاكى الله كل خير اختى لبنى ماشاء الله كلمات معبره وفيها احساس صادق وبعدين انتى قلتنى انك كتبتيها بسرعه يعنى بعفويه وحسيت منك وكانك طفله جميله بتكلم مامتها بالتوفيق ان شاء الله اختك ام عمر

---

مرسى ام عمر على مرورك الجميل شرفتينى بجد ومرسى لكلامك وردك الجميل
دمتى بكل الود

انا ماعندي بنات يالبنى بس تخيلتك أحلى بنت بهالدنيا بتحب امها بطريقة فوق الخيال
يابخت مامتك بيكي
سلمت الأيآااادي

اتبسطت جدا من كلامك مرسى اوى

ارجو من الجميع
الالتزام
بان تكون الردود فى حدود
نطاق الموضوع
وعدم التفوه بالفاظ
خارجه
ولنعلم جميعا
باننا هنا
فى القسم الادبى

على فكره الالفاظ الخارجه متصدرش منى استاذ محمد انا فى حياتى ما صدرتش منى الفاظ خارجه فاكيد مش هتصدر فى رد ليا ولو حضرتك بتعتبر السؤال على الناس والسلام عليهم الفاظ خارجه يبقى انا اسفه
وبما ان هى وصلت لكده فانا بعلن انسحابى من قسم الابداعات ويعذرنى الجميع
ولو حضرتك هتمسح حاجه يبقى تمسح كتاباتى بالمره عشان ممكن يعتبرها الناس الفاظ خارجه
وانا اسفه لو اى لفظ كويس صدر منى واعتبرتوه خارج
اتمنى الرد ده كمان ميتحذفش عشان اعتقد ان مفهموش الفاظ خارجه

الاخت لبنى
لطالما لم تصلك الرساله بعد
اعيد وازيد
نحن هنا فى حرم القسم الادبى
اى انه موضوع ورد
ويكون الرد فى سياق الموضوع فقط
اما ان تذكر العضوه الفاضله
التى سبقتك
بذكر الشبشب وخلافه
فهذا امر مرفوض
واما انتى ان تتسالئى انها متزوجه من عدمه
والاستفسار عن اسمها
والتعرف بها
اعتقد انه شئ زائد عن حده
انبهكِ
بانى استقبلتك هنا
افضل استقبال
واحيط لشخصك رعايه واهتمام خاص
ولكن
ان تهددى بالانسحاب
فهذا لا يليق
ونحن هنا
للابداع
وليس لتبادل الرسائل الخاصه
وان تفهمتى
مقصدى
ساكون لكى
شاكر
واتمنى لكى التوفيق
واتمنى
ان يتسع لنا صدرك
اتمنى ان اكون قد اوضحت مقصدى
والامر لكِ
دمت

اسمحولي اقدم إعتذاري انابعتذر عالكلمات واستاذي فارس الكلمة يقصدني انا مش انتي يالبنى بس والله كانت عفوية وماقصدتش فيها حاجة خارج الموضوع
إقبلو اعتذاري

انا بعتذر مرة تانية من استاذي فارس الكلمة ومنك يالبنى لأنه اعتذاري ماوصلكم وهو كان يقصدني انا وانا ماقصدتش حاجة كانت عفوية والله
تقبلو اعتذاري

فارس الكلمه
اليك بعض الكلمات ارجو ان تستمع اليهم
اولا انا لم اهدد ابدا بالانسحاب التهديد بيكون انى هضر حد ماديا او معنويا وانا بانسحابى مش هضر حد ده قرار شخصى ليا متسرع اولا ميهمش بس هو قرار ويارب متراجعش عنه


ثانيا حضرتك قولت انك استقبلتنى افضل استقبال واحطتنى باهتمام ورعايه خاص فده من كرم اخلاق حضرتك اشكرك عليه طبعا وده شرف ليا اما انا بقى اعتبرتك استاذى ومعلمى لان من علمنى حرفا صرت له عبدا وحضرتك علمتنى كتير واستفدت منك جدا وكنت ببقى فى غاية السعاده والفرح لما بشوف ردود حضرتك كنت بجد بحس ان موضوعى قيمته بوجودك وردك واطرائك عليا اللى كنت مستحقهوش واتشرفت جدا بمعرفتك وكنت فخوره جدا بكلامك عنى ودعنى افشى لك سرا ان هناك العديد من الكتابات كتبتها بفضلك بعد فضل الله لان ردودك وسعادتى بيها واقسم بالله كانت بتشجعنى وتحملنى المسئوليه انى اكتب الاحسن
سعدت بك كثيرا وتشرفت بمعرفتك اكثر وفخرت بردودك اكثر وساظل عند شعورى هذا ولن اغير رايى فى شخص حضرتك وهذا لم يكن من كرم اخلاقى زى ما كان اهتمام حضرتك وترحيبك ليا من كرم اخلاقك ولكن ده لاعجابى بقلم حضرتك وشخصك الجميل وابداعك الدائم


ثالثا اسفه اذا كنت اخترقت قوانين المنتدى او تجاوزت هذا لم يكن ابدا بقصد فانا من طبعى العفويه والتلقائيه ولا استطيع ان اغير طبعى واتناسى احيانا القانون فانا عايشه بفطرتى مفيش حاجه تحكمنى الا حدود ربنا واحكامه والحمد لله متجاوزتهاش هنا على قدر المستطاع واسفه ايضا اذا كنت اغضبتك وازعجتك واغضبت الاعضاء منى او ازعجتهم فاعذرونى فانا فى حاله يرثى لها منذ يومين ولا استطيع التحكم فى اعصابى واسفه مره اخرى لوقف موضوع ملك الابداع اسفه جدا
وقرار الانسحاب لم يكن تهديدا اخى فارس الكلمه فانا لا استطيع ان اهدد استاذى ومن هو اكبر منى سنا وعقلا واحتراما وهدوئا وابداعا اهلى علمونى الاحترام ووصونى عليه احفظه امانه وانا لا اخون الامانه
واخيرا شكرا لك ولاستضافتك لى فى الركن الادبى لشهور كانت من اجمل شهور حياتى
وشكرا لكل الاعضاء الذين احببتهم فى الله حقا

لبنى يا أختى
حضرتى وحضرتكِ
هنا
اخوه
لنتعلم من بعضنا البعض ونستفيد من بعضنا البعض
وتاكدى اننى لا احمل اى
ضغينه ضدك
وانكى تتمتعى معنا بكل
حب واحترام
ولكن
القسم الادبى
له طقوس خاصه
له هيبه
له اقلام مبدعه له
فكرخاص
تاكدى اختى الفاضله
اننى اجتهد
لانجاح القسم
بالرغم من ضيق الوقت لدى
الا اننى احاول
وانا وانتى والجميع
هنا لاجل ذلك
واذا كنت اثنيت عليكى
برد اعجبك واسعدك
فهذا لانك ابدعتى
وأقنعتى كل من دخل صفحاتك
بانك تمتلكى قلم
يحترم
حقا انا فخور بك
وما حدث يعتبر خرق
لقوانين القسم
واعلمى اختى ان القسم يناظر ويحلل
من قبل مبدعين من خارج المنتدى
وبالتاكيد
يناظرون الموضوع والردود
فكيف يرى شاعر مثلك
ابداعك وثمره جهدك
تتلاشى من خلال
بعض الردود
واعلمى اختى الفاضله
ان الردود هى زينه الموضوع
وليس بكثره الردود تحيا
المواضيع
وانما بالردود الايجابيه
كالنقاط على الحروف
وما جدوى الموضوع ان لم
تجد من يقرؤها
ويقدر صاحبها
لانه ابدع
لانه اجتهد
لانه استطاع ان يصل الفكره
ومن غير المعقول
ان ناتى بردود فى غير سياق لب الموضوع
لذا تم اتخاذ الاجراء
وهنيئا لنا عودتك اختى
نعم اقول اختى
لانك هكذا
سعدت بعودتك
يغلق الموضوع لحين عودتك
اختى
ونحن سنكون فى انتظار جديدك دائما
دمتِ

http://j4.tagstat.com/image04/9/ae48/001u053yqV8.jpg



لبنى مشاعر طيبة وبها فطرية وعفوية رائعة
دمتى متميزة
وكل سنة وكل ام بمصر بخير
كل سنة وانتى طيبة
جينا

كلمات جميلة جدا تسلم ايديكى يالبنى
وكفاية انها خارجة من احساسك الصافى
ده الحب اللى عمره مايكل ولا يمل
ولا يكون كداب ربنا يخليهم لينا يارب
دمتى بكل الحب والود والتقدير والتميز

السلام عليكم

موضوعك رائع لبنى

كلماتك تفوق الجمال بحدوده

تحياتى وحبى وتقديرى وإعتزازى لكل أم مصرية وغير مصرية فى هذه الكون

بحييكى من كل قلبى بجد على موضوعك المميز

دمتى بكل الود والتقدير

تحياتى

المستشار محمد

السلام عليكم
الى لبنى مصر
واستاذي فارس الكلمة
انا اعتذرت مرتين وماحد رد عاإعتذاري انا اتسببت في سوء تفاهم حصل بينكم بدون قصد مني واذا لبنى ضلت زعلانة بسببي انا مش حاسامح نفسي ابدآ وانا اتشرفت بمعرفتكم وبعلن انسحابي من منتداكم

نسيم الذكريات
لو تسمحيلى انا سبتلك رساله فى بريد الكافيه فى قسم مصراوى كافيه عشان افهمك حاجه
منتظراكى

وتنت كلـــــماتك أركــان الفــــــــؤاد

وخرجت من الوتين منتشرة بجسدى

لان مايخرج من القلب يصل للقلب فمابال انه يخرج

فى وصف أطيب وأحن القلوب انها الام

دمت مبدعه لبنى مصر