مصراوي كافية ... مالك ..؟!

السلام عليكم ورحمة الله وبركاته

اتمنى لكم دوام الصحة

نظرا لحبي الشديد للكافية

أحببت أن أتكلم بكل صراحة يشوبها القلق

ماذا يحدث للكافية ؟؟

لا أجد ما يجذبني إليه .. .. ..

فمن فترة ماضية كنت أنسى نفسي بين مواضيعه وأبداعاته

أجد موضوعا في السياسي يجذبني

لوليد ـ هشام ـ أيسل ـ براكودا ـ سكريم ......


وكذلك الأسلامي العام


محمد ـ أسماء ـ أمي منى ـ ........

وفي ركن الأبداعات يطير عقلي بما فيه مما كتب

فارس الكلمة ـ إكرام ـ أميرة بلا وطن ـ محيي زقزوق ـ آية ......

وركن الفرفشة

سهيلة ـ منار ـ أبو تريكة ـ ......

وركن مصراوي

مونة ـ وعلى ـ أبو أحمد رزق ـ ...

وجميع الأقسام لا أريد أن انسى قسم أو عضو


فهذا مصراوي الذي أحببته وقضيت فيه أسعد أيامي


والأن لا يعجبني حاله ...

لا أجد إلا قسم الألعاب ..... وما يحدث به مجاوزات

وباقي الأقسام في حالة ركود


هذا ما أردت أن أتحدث معكم به ... ويعلم الله أني تحدثت بذلك لأني أحب هذا المنتدى

وأريد أن أعرف آرائكم


واسأل الله أن يعود منتدانا .... كما أعتدنا عليه


جزاكم ربي خيرا

عندك حق ياكريم
مصراوي فعلا بقاش زي الاول
وانا بعترف فعلا ان قسم الالعاب
كان انشط الاقسام في الفتره الي قاتت
وللاسف كابيحصل فيه تجاوزات كتير
عشان كده انا بطلت اشارك فيه معني
كنت بشارك قبل كده وندمت والله اني شركت فيه
بجد انا مش عارفه ايه لي حصل مش ده مصراوي بتاع زمان
نفسي يرجع زي الاول تاني
بارك ربي فيك وجزاك الله خير الجزاك

http://www.islamswomen.net/vb/imgcac...1.imgcache.gif
والله كلامك فعلا صح يا كريم والله مش عارفة
السبب ويارب يرجع مصراوي زي الاول وأحسن كمان
وبارك الله فيك وشكرا على اهتمامك
دائما ما شاء الله سابق للخير

أكيد دا شعورنا كلنا

ربنا يخليكي

يا سلمى ـ نورهان

ويارب الكافية يرجع زي الأول

وأحسن في أقرب وقت

انا معاك كريم بس اكيد
فى ظروف ممنعة يعنى
فى ناس كتير دلوقتى
وراها مذكرة وامتحانات
يعنى مثلا انا بعمل موضيع
تهد الدنيا وفى كل الاقسام
مش عشان انا باه وريا
مذكرة والكلام الفاضى ده
محدش يعمل موضيع غيرى
ههههههههههههههه
بص من الاخر علشان المنتدى
كلنا نحبه لازم كل واحد يعمل
موضيع مفيده ومضحكة وهكذا
وبعدين انا بقالى فترة مبشوفلكش
موضيع او يمكن بسبب غيابى
فلازم كلنا نتعاون علشان نخلى
مصراوى كافيه احسن منتدى
بس خلاص كلامى خلص ومرسى
على الموضوع ده كريم

عندك حق والله يا كريم المنتدى فعلا بقى نايم اووووووى
ونص الاعضاء بقوا غايبين ومعتش زى زمان نفسى يرجع
بس مش هيرجع غير بأدينا احنا لازم ندور فى المواضيع القديمة المهم
ونشغلها تانى وننزل بحاجات جديدة والى يقدر يوصل فينا لحد
من الغايب يحاول يرجعة عايزين مصراوى بتاع زمان الى جمعنا كلنا
لو على اميرة بلا وطن هى راجعة قريب جدا ان شاء الله
انا على اتصال بيها وقالتى انها راجعة ووليد كان فى اجازة وراجع ان شاء الله
فارس الكلمة بأذن الله هيرجع ولازم يرجع لانة من اهم اعضاء المنتدى
ايسل هى مختفية بقالها فترة واسماء مش بتعقد نت كتير بس بأذن الله كل دول يرجعوا
واحنا لازم نقوم المنتدى من تانى مش لازم نسيبة ونهملة علشان مايضعش اكتر من كدة
وشكرا ليك يا كريم على اللمحة الجميلة دى الى كلنا شايفنها وواقفين نتفرج
جزاك الله خيرا وبارك فيك

بس ده علشان المذاكرة و الامتحانات و الازي منه

و المشاغل الكتير ال في الفترة دي

لكن ان شاء الله اول لما تخلص و تيجي الاجازة

كله هيرجع تاني و يرجع الكافيه تاني

:D:D:D

هذا فعلاً ما هو حادث الان ..
وبصراحه نأسف لكل ما يحدث فى المنتدى من تجاوزات
ومغادره الهام للاقل اهميه ..
لكى نتسلى .. لا لنستفيد ..

ويمكن كل ده .. بيودى بأننا بنجذب الاشخاص الى ما هو موجود
.. لما انت بتذهب لتحيك بنطال معين .. فكيف يحيكه لك ..
على حسب القماشه اللى اماه .. مهما ان كان غرضك من البنطال ومواصفاته
لكن هيا القماشه هى التى ستحدد
فلما نطالب بأن المنتدى بتاعنا يتطور الى الافضل .. وهو حاله كذلك بالتاكيد ..
لكن صاحبه بعض الخمول فلكى يفيق .. لابد وان هذه القماشه تجدد من خيوطها وانسجتها
لانها قابله للتجديد .. بعكس القماشه التى لدى الخياط ..
لكن الان انا اعيب على كل الموجودين بما فيهم شخصى ..
اننا ماحاولنااش اننا نغير الوجهه التى .. تهبط يوماً تلو الاخر ..

فاتمنى من الجميع بانهم يحاولوا يساهموا ..
مش هنقول اننا نمنع من الترفيهيات فى الكافيه .. لا بل طورها وزد منها لكن بحدود اكيد !
لكن فى نفس الاونه لابد وان تساهم بشىء مفيد .. ليس ان يكون مفروضاً يومياً ..
وان تشارك فى قراءه المواضيع الهادفه .. وابداء رأيك ورؤيتك بها ..
حتى نخرج من هذا المكان وان نكون افدنا واستفدنا .. وايضاً خرجنا من الجو الذى كنا به ..

سواء بتثقفنا فيما يفيد .. اضافه الى بعض الترفيهات الغير متجاوزه .. :)

شكراً كريم على هذا التنويه والتوجيهه
واتمنى ان الكل يكون استفاد من كلامك ومن توعيتك لهذا
وان نرى الافضل من الغد .. :)

يمكن الكافية دلوقت فعلا
ما فيه ناس كتير ويمكن ده سبب ان دلوقت ما فى حد لا بيشارك ولا بيحط مواضيع
ما هو طالما فتحنا باب النقاش يا جماعة يبقى ما نلوم الكافية ولا نلوم الى فيه
لو بنقول عايزين نحط مواضيع هادفة فى كل الاقسام اوكيه انا معاكم وهو ده الى المفروض يحصل
بس دلوقت انا واحدة احب احط المواضيع وباقسام كتييييييييير وفى الاخر لا الاقى رد ولا مشاركة الاقى 50 مشاهدة وما فى غير رد واحد ده ان وجد طيب فين التحميس ولا التقدير على المواضيع الى الانسان بيحطها
علشان يبقى حابب يحط غيرها
للاسف كل واحد فينا بيفكر بس انه عايز جديد والى بيحط جديد خلاص ما عنده استعداد
لان مواضيعه القديمة انطوى عليها الزمن رغم مشقتة فى وضعها وعيانته باختيار مواضيع
دى نقطة
النقطة التانية..
بقى ان الكافية اقسام صحيح انه بيكون على كل قسم الليدر او الناس الى موجودة فيه دايما انما احنا كل واحد فينا ما فكر انه يطلع من قسمه ويتوجه لبقية الاقسام علشان يعطى كل واحد حقه
يعنى تفتكروا لو حد حيحط موضوع فى السياسى لان هى دى الحاجة الى بيحبها وما يلاقى الى يرد عليه تفتكروا حيحط موضوع تانى
وغير السياسى مصراوى كافية كلام فى الحب ابداعات مصراوى
لما الناس تحط بكل ده وما تلاقى تقدير تفتكروا حد حيحط تانى
حتى لو بنتكلم على الالعاب لو تلاحظوا معايا حتى ده الناس ما بقت تحط فيه العاب وكله اكتفى بالموجود وخلاص
بس دلوقت بقى ايه الى بيحصل؟؟
الى بيحصل ان ممكن الناس الى موجودة دلوقت هى الناس الى بتحب تشارك بالالعاب ودى مش حاجة جديدة
لا ده موجود من زمان بس كان الفرق زمان عن دلوقت ان الناس كلها مش موجودة زى زمان
يمكن يرجع لانشغال البعض او الاكبر عدم اعطاء التعب الى اى حد بيعمله فى الكافية حقه
يمكن فى ناس كتير بداوا يطلعوا واحنا مش حاسين قيمتهم بالكافية او مدى تكلفة خسارتهم
و معنى ان الانسان يطلع وما بيرجع انه حس بعدم التقدير
يعنى ما ينفع مثلا ادعو حد فى نقاش هادف او حوار جاد ويدخل يهزر
ولا ينفع ادعو حد فى موضوع يستحق ان الناس تستفيد منه ويدخل يرد من غير ما يقرا بس اهو المهم رد
اصل الموضوع مش زيادة مشاركات لا الموضوع تفاعل وتقدير
يعنى مش معنى انى انا مثلا واحدة ما بشارك غير فى الالعاب اطلع الركن الادبى وما اديله حقه لا لكل ركن مقامة
الى لازم يحترم وكل مكان وزمان لازم ياخدوا حقهم
يعنى هى الحكاية مش اما انى ما اطلع من ركن معين او لما اطلع ما اعطى بقية الاركان حقها
علشان كده لا نلوم على الموجود دلوقت ولا الى طلع دلوقت ولا حتى زمان
لان الناس اصلا طلعت من زمان واحنا فى انتظارهم من جديد







تحياتى
DREAM

تحياتي لك
أخي الحبيب الغالي
كريم
والله اشتقت لك كثيرا
وأحيك علي روعة موضوعك
وهو موضوع واقعي وملموس
وواضح للجميع
ولكني التمس للجميع
العذر
ولا أجد رد واقعي أكثر
مما ردت به الاخت دريم
فقد ناقشت الموضوع كاملا
ولا بد أن نعود جميعا
كما كنا واكثر
رغم أني بعيد منذ فترة
ولا أطل هنا الا قليل
وربما هذا لظروف العمل
ولكن الاكثر هو
قلة المواضيع الهادفة
عموما جزاك الله كل خير
علي حرصك وحبك للمنتدي
وحبك لنا
وفقك الله لما يحب يرضي
وجزاك الله خيرا

بوووص يا سيدي انا هجيبلك التايهه

بداية -السلام عليكم ورحمة الله وبركاته -

تحيتي لكل اللي المنتدى وكل اللي يعرفني وكل اللي فاكرني وكل اللي ميعرفنيش برده او اللي يعرفني وعامل نفسو مش عارفني ..

انا قرأت عنوان الموضوع وكلمتين منه ودي مش عادتي طبعا لكني فهمت مضمون الموضوع وده مش بسبب ذكاء مفرط عندي ولا حاجه السبب في كده بس ان الموضوع ده اتعمل كذا مره على ايامي .. انا صحيح كنت موجود هنا من بتاع سنه كدا لكني قطعت .. طبعا مش عشان مذاكره ((( داكلام واي حد يقول كده هجااااااص ))) السبب الوحيد هو الفيس بوك وسنينه اللي مش فايته ... محدش بقا فيه دماغ يطرح موضوع هادف او يحط تعليقه على خبر ... ومن ناحية تانية معظم المشتركين في المنتديات شباب وطبعا مفيش شاب دلوقتي يطيق يقرا موضوع عشر اسطر على الاقل .. وده مش عيب على الشباب لأ عيب عالكلام التقليدي اللي بعيد نفسه او بالاحرى بيفرض علينا نفسه عشان مفيش غيرو ... السبب الاخير فيه حبة دكتاتورية من الاداره هههههههههه ((( طبعا دا غلط .... دي تحية لعلى مدكور )))

وسلامووو عليكووو

اولا انت عندك حق

وعلى فكرة انا كنت عاملة موضوع من فترة كبيرة

ان مصراوى مبقاش زى الاول فى نشاطه ومواضيعه وكل حاجة

بس الموضوع اتقفل وانا مش عارفة ليه ؟؟؟؟؟؟؟؟؟

بس غالبا عشان الامتحانات والناس مشغولة

على العموم ان شاء الله يرجع زى الاول

شكرا على اهتمامك :)

أحب أشكر الجميع

وبإذن الله الكافية

هيرجع زي زمان وأحسن

قريب

أعذروني مش هقدر أرد على تعليق كل واحد

لان الوقت قصير

ولكن وعد مني في أقرب وقت

اسألأكم الدعاء

والله عندك حق يا كريم بس معلش هو وقت الدراسه بيبقى كدا انا والله لما بلاقى نفسى فاضيه بدخل بس الثانويه العامه شغلانى بقى انتا اكيد عارف بس اكيد كلنا هنرجع تانى

اولا بحييك على الموضوع الجميل

وانا فعلا واحد من المقصرين في حق المنتدى

وانا بأذن الله هحاول ارجع من تاني وننهض بالمنتدى انشاء الله

واقترح اننا نعمل حملة قوية داخل المنتدى علشان يرجع زي الاول واحسن كمان

تسلم

اممممممممممم
خير ان شاء الله
بحسب مصراوى مزعلك ياكريم وبتقوله مالك
على العموم هى بتبقى ظروف اختفاء اعضاء معينه انت متعود تقرالهم مثلا
او غيابك انت وبعدين ترجع تلاقى اعضاء جديده لسه مش تعرفها
لكن على العموم اتمنى ان الكل يرجع تانى
ويرجع الكافيه احسن من الاول