خيروك بين خمس شخصيات فما هي ..

خيروك بين خمس شخصيات فما هي الشخصية التي تتمنى ان تكون


سأطرح لكم موضوع اخر للنقاش الجاد لنستفيد بنقاشنا ووجهات نظرنا ..

لو ..
خيروك بين خمس شخصيات فما هي الشخصية التي تتمنى

ان تكون وهذه الشخصيات هى :



1. ملك ومشهور جدا ؟

2. صاحب مال وغني جدا ؟

3. عالم كبير ومبدع فى مجالك ؟

4. شخصية بسيطة جدا وعادية ؟

5. شخصية فقيرة وتعيش الحياة براحة البال ؟

فماذا ستختار ؟؟


واذا اخترت ملك هل ستكون عادل بين الناس؟

واذا كنت صاحب مال وغني هل ستنفق على المحتاجين؟

اذا كنت عالم كبير هل ستبدع فى العلم وتكون صادق؟

واذا كنت شخصية بسيطة هل يكون طموحك فى حدود عملك وحياتك او سيكون اكبر؟

واذا كنت شخصية فقيرة هل سترضي بنصيبك؟

بصدق وبثقة اى من هولاء ستختار ؟؟؟ ولماذا ؟؟؟

ياريت كل واحد يكون واقعي ويختار الشخصيه اللي يحس انها تمثله

بعيدا عن المثاليات ..

انتظر ردودكم

4. شخصية بسيطة جدا وعادية ؟

أنا اختارت الشخصيه دي لأني بحسها في نفسي لأن البساطه في كل شئ تظهر جمالها
ولي عودة يا ملعم المعلمين :-*

اقتباس:

---

4. شخصية بسيطة جدا وعادية ؟

5. شخصية فقيرة وتعيش الحياة براحة البال ؟

---

أختار الاتنين بنفس الوقت ...

مفيش حاجة أحلى من راحة البال .. والحياة البسيطة الجميلة ...

تسلم يارب ..

البساطه في كل شئ تظهر جمالها ..

الجمله دى مش غريبه عليا .. اظن انا سمعتها قبل كده من حد اعرفوا .. ما علينا ..

هو فعلا مفيش احسن من البساطه .. فى اجمل منها ..
وانا مستنى اراء الاعضاء ..
لنرى الاحسن من الاجمل ..

وانا منتظر العوده يا عموووور .. مش فاهم ايه حكاية العوده النهارده معاكم ..

اقتباس:

---

اظن انا سمعتها قبل كده من حد اعرفوا

---

هيكون من غيري يا حبيبي

اقتباس:

---

مش فاهم ايه حكاية العوده النهارده معاكم

---

ان كان عليا انا بعمل محشي الله اعلم باقي الاعضاء بتعمل ايه:-*

احب ان اكون عالم بس ربنا يثبتنى على عقلى ودينى

أختار الاتنين بنفس الوقت ...
مفيش حاجة أحلى من راحة البال .. والحياة البسيطة الجميلة ...

ممكن فعلا يا روز ..
راحة البال والحياه البسيطه ..
هو عموماً المواطن المصرى .. بيبقى عايز الصحه والستر ..

بس فى ناس عندها مستقبل باهر وامال عايزا تحققها ..
وانا منتظر باقى الاراء ..

وشكراً ليكى روز على ردكـ الجميل .. واختياركـ الرائع ..

احب ان اكون عالم بس ربنا يثبتنى على عقلى ودينى


امين يا رب .. ويا رب يحققلكـ امنيتكـ .. وتكون عالم من العلماء الممتازون ..
اتمنى لكـ كل خير بيبو ..
وشكراً ليكـ على المشاركه الجميله اللى اعجبتنى بصراحه ..
تسلم ايدكـ حبيبي ..

هو لو يكون المال مع البساطة حلو انما لو حيغلب المال على صاحبو بلاش منو مفيش احلى من انك تعيش مرتاح البال وعادي في طبيعتك وتصرفاتك راحة البال مش ممكن تتباع ولا تشتري ولو بكنوز الدنيا كلها بالتوفيق يا عصام

مفيش احلى من انك تعيش مرتاح البال وعادي في طبيعتك وتصرفاتك راحة البال

بس صدقينى والله يا شمس النفس طماعه .. كل ماتكون فى منصب بتبقى عايزا المنصب اللى فوقيها ..
وكل واحد مش عجبوا حالوا .. على كل حال .. راحة البال اجمل من كل شيئ ..
تسلمى يا شمس .. رد جميل

أنا لى نفس طواقه كما قال سيدنا عمر بن عبد العزيز الخليفه الصالح والعابد الزاهد والعالم الورع والغنى المستكفى والفقير المستعفف ..
كل دول انتمى اكون انا ..
تسلم اخى:)

1. ملك ومشهور جدا ؟

اتمنى لكن ما اظن اني راح اتمكن من العدل والانصاف مع الشعب
2. صاحب مال وغني جدا ؟
اكيد ان المال هيغريني وينسيني كل شيء
3. عالم كبير ومبدع فى مجالك ؟
يارب اتمنى
4. شخصية بسيطة جدا وعادية ؟
مافي اروع من هذه الشخصيه بحيث تحتل الوسط
5. شخصية فقيرة وتعيش الحياة براحة البال ؟
اكيد ان الفقر راح يتغلب عليا وما افتكر انو في تجانس بين الفقر وراحة البال
فماذا ستختار ؟؟
طبعا الشخصيه 4
مرسي عصام برافووووو

اقتباس:

---

وكل واحد مش عجبوا حالوا

---

مين اللى قال كدة يا عصام
الانسان اللى قريب من ربنا
بيشكر ربه على النعمه اللى هو فيها
وبيقول الحمد لله يعنى مش كل الناس

---------------

بس انا ممكن اختار
4. شخصية بسيطة جدا وعادية ؟

لان زى ما اختى قالت كدة مفيش احسن من راحة البال
وطول ما الواحد باله مرتاح هيكون سعيد طول عمره
ومفيش حاجة تقدر تضياقه طول ما الواحد باله مرتاح
تسلملى عصوم عالتوبيك الرائع ده بارك الله فيك

اقتباس:

---

أنا لى نفس طواقه كما قال سيدنا عمر بن عبد العزيز الخليفه الصالح والعابد الزاهد والعالم الورع والغنى المستكفى والفقير المستعفف ..
كل دول انتمى اكون انا ..
تسلم اخى:)

---

وانا اتمنى لكـ كل خير احمد .. واتمنى انكـ تكون كما قال سيدنا عمر بن عبد العزيز

تسلم احمد على ردكـ االجميل .. وربنا يزيد من إيمانه ..

طبعا الشخصيه 4
مرسي عصام برافووووو



مرسي ليكى انتى يا سحر ..
على ردكـ وتواضعكـ الكريم .. لاختياركـ الشخصيه الرابعه ..

وتسلم ايدكـ يا رب ونشوف منكـ الاحسن يا سحر ..

مين اللى قال كدة يا عصام
الانسان اللى قريب من ربنا
بيشكر ربه على النعمه اللى هو فيها
وبيقول الحمد لله يعنى مش كل الناس


اكيـــد طبعاً يا تريكه .. وجزاكـ الله كل خير ..

لان زى ما اختى قالت كدة مفيش احسن من راحة البال
وطول ما الواحد باله مرتاح هيكون سعيد طول عمره
ومفيش حاجة تقدر تضياقه طول ما الواحد باله مرتاح
تسلملى عصوم عالتوبيك الرائع ده بارك الله فيك

جميعنا يتمنى راحة البال وما احسنها من راحه ..
تسلملى تريكه .. على اختياركـ للشخصيه المناسبه ليكـ ..
لانى لو شوفت منكـ غير كده كنت هفضحكـ فى المنتدى ..
تسلملى حبيبي على ردكـ الجميل ..

طيب ممكن شوية فلسفه :D

ليش ما اكون ---بما انها امنيات يعني ورح تنحسب عليا اني تمنيت شيء --

اتمنى اجمعهم سوا واكون متلا

ملكة واحاول اكون عادله واخاف الله في الناس

غنيه وانفق المال في ما يرضي الله

بسيطة ومتواضعه

واكيد لو كنت كل هدول رح اكون مطمئنة البال ومرتاحة :):)

تسلم عصوم هو مفيش احسن من راحة البال لكنها صعب تترافق مع الفقر ومن غير فلسفه كلنا بنعرف ليه

مفيش احسن من راحة البال لكنها صعب تترافق مع الفقر ومن غير فلسفه كلنا بنعرف ليه

راحة البال اساسا يا طيف لما الواحد يكون فقير .. ولا بيفكر فى شركات ولا مصانع ..
ولا تهديد من رجل الاعمال الفلانى ولا اى كلام من دهـ ..
لكن لما الواحد يكون فقير .. مش هيبقى عليه العين بتاتاً .. ومن هنا بتيجى راحة البال ..
هو المواطن عايز ايه غير .. لقمه .. وهدمه .. وجحر يستر الوليه والعيال ..

تسلميلى طيف .. بس عايز اعرف ليه الفقر ما بيترافق مع راحة البال ..؟

الفقير يا عصام

هو اللي بيفكر

ولاده بردانين ----ده صعب ولا عادي؟
ولاده جعانين
زوجته مشتهيه فستان

نفسهم يخرجو يشموا هوا

نفسهم يرتاحو يوم من غير شغل

الفقر محتاج كتير اشياء

من فين له راحة البال

انا بختصرلك وجهة نظري

راحة البال بتيجى مع راحة الضمير وراحة الضمير محتاجة خوف من الله

الفقير يا عصام

هو اللي بيفكر

ولاده بردانين ----ده صعب ولا عادي؟
ولاده جعانين
زوجته مشتهيه فستان

نفسهم يخرجو يشموا هوا

نفسهم يرتاحو يوم من غير شغل

مفتكرش كدهـ طيف .. الفقير على كل حال من الاحوال .. بيحمد ربنا ..
وكمان الفقير راضى بحالوا .. والرضا من القناعه .. وطول ما فى قناعه مفيش حاجه اسمها نفسنا فى كذا وفى كذا ..

بس ممكن تحصل حاجه بقى تضيع دا كلوا .. ممكن الفقير دهـ لو حصلوا اقل حاجه لقدر الله ابنوا مات مثلا بسبب عمليه المفروض يعملها ..
اكيــد هيفضل يقول كلام خارج نطاق الخدمه .. اللى هو بقى .. احنا ليه ما بقناش زى غيرنا .. احنا ليه ما عندناش فلوس زى الناس دى .. اهو على الاقل كنت قدرت اعالج ابنى .. لكن فى الواقع ..
لو علمتم الغيب لاخترتم الواقع ..

وشكراً ليكى على المتابعه طيوفه ..

انا سعيدة بالنقاش ورح اعتبره مناظرة
انا طبعا ضد الجشع ومع القناعه اكيد

انما انا بشوف فقراء عايشين ببيوت كرتون او بيوت طين

بردانين جعانين

هدوا مرتاحين وبالهم مرتاح ولا بيفكرة شو رح ياكلو ومن فين

او كيف رح يواجهو الشتاء وبرده

عمرك شفت طفل جعان واهله مرتاحين

مناظر الاطفال على التلفزيون يلي ممكن يستغلوهم بسبب الفقر
بكل الطرق
يا ترى اهاليهم مرتاحين البال
الفقر والظلم من اصعب المواقف على البشر

اسفه لكن حبيت اتابع لانه موضوع يستحق