أرجو من كل اللى بيحب الكافيه
بسم الله الرحمن الرحيم
إخوتي الأعزاء هتكلم معاكم بصراحة
عارفين السبب الوحيد اللي خلانى أنضم إلى منتدى " مصراوي كافيه " و أحوال أن أكون عضوا فعالا فيه ؟!
و انا للعلم لا أحب المشاركة في المنتديات وما بكتبش في أي منتدى تانى ..
اشمعنى منتدى " مصراوي كافيه " دون غيره ؟؟
مش عارف السبب في البداية و لكني ما لبثت أن اكتشفته
لكن لقيت فيه شيئ مميز ... شيئا فريد من نوعه ... شيئ لم أجده في أي منتدى اخر
فما هو ؟؟؟
إنه التفاعل بين الأعضاء ... الردود التي تضيف الجديد دائما ... المناقشة .. و الحوار المتبادل بين الأعضاء
حسيت بالألفة .. حسيت بأننا أسرة كبيرة واحدة ... كنت أستطيع الإحساس بالمشاعر... بالادمية ... بالإنسانية
و لكن ... و للأسف
مش قادر الاقى السبب الوحيد اللى حبيت علشانه المنتدى ...
الشيء الوحيد اللى خلى المنتدى ده مميزا بين ملايين المنتديات
على الأقل هوه كده بالنسبه ليا
أناشدكم ... أناشدكم إخوتي و إخواتي ... أرجوكم ما تخلونيش أخسر السبب الوحيد اللى حببت المنتدى علشانه
بقيت أدخل المواضوع الاقى الكاتب يعرض على القراء موضوعا مهم و حيويا يحتاج إلى المناقشة الجادة
عارفين ايه هى الردود اللى انا بلاقيها ؟؟!
" شـكراً وبارك الله فيك ... تسلم ايدكـ على الموضوع الجميل "
" موفق بإذن الله ... لك مني أجمل تحية . "
ومن ده كتير جداً ..
إخواتي ما بطلبش منكم و لا من نفسي ان احنا ما نستعملش العبارات دى و لكني فقط أرجوكم أن يعود المنتدى كما كان ...
كما أحببته، و كما أحببتموه
فأنا لا أعتقد ان انا الوحيداللى حاسس بكده
ارجوكم فقط إخوتي أن يعود الحوار و التواصل بين الأعضاء
ولما يكون الموضوع خطيرا و يحتاج إلى مشاركة فعالة
ولما يكون الموضوع قد كتب لكي يناقشه الأعضاء
عندهابس أرجو أن نسمع الردود التي دائما تضيف الجديد ..
التي تدعنا إلى الأمام ... اللى بتميز منتدانا الغالي عن غيره ...
أرجو من كل من يحب هذا المنتدى أن يستجيب
و أرجو أن أسمع ردودا حقيقية
و اسف جدا على الإطالة و على الإزعاج
