لما أحب اكون راجل او استرجل اشرب بيريل ....... طيب ما اشرب حلبة حصى مثلا .
الحكومة بتبيع فى القطاع العام ومش بتدفع ضرائب على البيع ...... ولا ملهاش بطاقة ضريبية اصلا .
بوبى فى ميلودى غيروها برشا..........ولا رشا بقى هى بقى اللى طالعة من الجامع .
بنقول على الطماطم مجنونة ..........ومقلناش عليها هبلة ولا مهييسة يا قوطة .
منع الحسد يكون بخرزة زرقاء .......ما ممكن يكون باى لون تانى ممكن سيمونى مثلا .
فى العزاء بنشرب قهوة سادة .......ولية مش ممكن نشرب نسكافية او كوكاكولا او حتى سحلب .
خضار الكوسة هو اللى بينضرب بية المثل فى الواسطة ......... ما فى مليون نوع من الخضار ومالى البلد .
بنقول انت بتاذن فى مالطا .....ما ممكن اى بلد تانى ولا هى قفلت على مالطا يعنى .
لية بنقول على اللى بيحبكها قوى عقد ..... مينفعش مثلا نقول علية عقدة او ربطة او حتى حبل او فتلة .
مصر اسمها ام الدنيا ............مبقتش لية خالة الدنيا او حتى عمتها او على الاقل اخت الدنيا .
فى اى تصوير تلفزيونى فى مصر لازم تشوف حوالىمن تلاتة الى اربع بنى ادمين طالعين ورا الراجل اللى بيتعمل معاة اللقاء وشغالين بوس واحضان فية .......اصلة كان تاية ورجع لبيتة والناس فرحانة بية .
قلبنا الدنيا على ماتش الجزائر وكنا هنحاربهم ............وعاملين نفسنا من كوكب المريخ على فلسطين .
بنقول على اى حد جميل قمر .............ما ممكن نقول علية شمس او زحل او حتى بلوتو .
جمال مبارك بالذات هو الأمين العام المساعد وأمين السياسات للحزب الوطنى ..............هو مفيش غيرة فى الحزب ولا اية .
واحنا على الشات بنكتب كلمة lol والله ما اعرف معناها .......ما ممكن بنكتب مثلا fol او tol او حتى kol .
فى كل الافراح اللى فى مصر لازم نضرب تلكس العربيات واحنا بنمشى .....ولا احنا مبنعرفش نضرب حاجة غيرة.
انا مختار اسم سكريم ..... ما اختار اى حاجة تانى هى من قلة الاسماء اللى فى العالم .
http://www12.0zz0.com/2010/06/26/00/803823331.gif