أزاي تعرف انك في فرح مصري ههههههههههههههه
من البدايه كدا هتلاقى الدعوه بتاعت الفرح جايالك وعليها عباره ..
[جنه الاطفال منازلهم]
يعنى من الاخر ابنك دا يقعد فى البيت ومايورناش وشه
احنا مش عارفين نأكل المعازيم لما هانأكل سعادته
لما تلاقى الزفه الدمياطى ا اياها
وبسم الرحمن الرحيم وهانبتدي الليله اااااه اااه
لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
و يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات
(ياساتر ياحجه وانتي مالك بس)
وتلاقى البنات بقا واقفه اللى تقول:
ايه دا فستانها بيئه اوى ياااى
والتانيه تقولها:
اكيد مأجراه من عند الكوافير اللى عملها التسريحه اللى شبه تسريحه المجانين دى
لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز
(والنظره الي بتقول انت بتبصلي كدا ليه ماتتلم لحسن اخلي وشك الفرح وانت العريس فيه هههههههههه)
لما اول حاجه تسمعها اول ما تدخل القاعه وقبل ما تشوف العروسه والعريس
اغنيه هشام عباس (اسماء الله الحسنىطبعا حلوة اوى )
لما العريس والعروسه يرقصوا الرقصه الرومانسيه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)
(اهو انا بجد ببقا هموووووت واعرف بيقولها ايه ههههههههه)
لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)
(طبعا هنا الولاد تستعرض الاحزمه الي الحلقه بتاعتها لو الواحد اتلطش بيها توديه في ستين داهيه لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)
لما تسمع السؤال الابدي
(هو البوفيه هايفتح امتى...الواحد جاع)
(ياعمي انت جاي اصلا مش عشان عيون العريس ولا تتامل في جمالو وتقول سبحان الخلاق لا عشان البوفيه)
ههههههههههههههههههه
لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك
لما تسمع الناس وهيه بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ماكل واتكى قال رحته مستكه)
هههههههههههه
(كان بياكول عشان يجامل العريس يجاملوا انو يخم الطبق لحد مايقول بس وبردو بيجاملو ياجماعه)
لما تلاقي كل البنات الي ف الفرح بيجروا ورا العروسه عشان طبعا ياخدوا البوكيه لما تحدفه
و العروسه بقى بتزلهم
(اه طبعا بيضربو عصفورين بحجر اهو فال ابيض بالجواز ومنها كمان البوكيه ده يجي ب150جنيه واسمها هتمشي ببوكيه )
ولما تلاقى قى اخر الفرح اغنية الف ماشاءالله عليك بتاعة رامى صبرى والعريس فرحان انه مأنجج العروسة ( عطش الجيم )
لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط
(اكيد طبعا من بكره هتطلع عينك)
لما تلاقي العربيه بتاعه العروسه فيها جميع انواع والوان الورد الجميله
لما تلاقى الزفه انطلقت فى الشوارع مسببه الازعاج لخلق الله
وبيب بيب بيب بيب بيب بيب بيب بيب بيب بيب
---------------
لما تلاقى كل ده يبقى انتا اكيد فى مصر
طب فين حتة الجاتوه بتاعتي
هههههههههههههه
