قصيدة " زي ماترسي " رسالة اخلاص من جمهور الاهلي
http://www.el-ahly.com/sitemanager/a...1331777wl0.jpg
قصيدة " زى ما ترسى "
بس للاسف مش عارف اسم صاحب القصيدة عشان اكتب اسمه بس هو اهلاوي فلجولر :(
أزمة ياأهلى ومش حتطول
اشحن تانى التنك وفول
انت حتطلع منها بسرعة
انت حترجع زى الأول
اتعودنا معاك عالفوز
كاس أو دورى ياإما الجوز
كاس إفريقيا ان رحت تجيبه
هو ان راح يرجع بالموز
مش حنعاتبك مش حنلومك
لما يكون اليوم مش يومك
احنا شبعنا ومالوش معنى
تركن كدا عالرف خصومك
ليك جمهور فى الشدة طبيبك
ماانت حبيبه وهو حبيبك
زى ماترسى معاك حيساندك
تخسر تكسب مش حيسيبك
فاق جمهورك فى التعداد
سكان قارة وست بلاد
وبتقديرهم فاق جمهورهم
سكان قرية وملو ستاد
ست سنين ورا بعض كاسبها
مش ح نموت لو مرة تسيبها
خليه بقى من نفسه ياخدها
وارجع تانى ياأهلى وجيبها
- - - - - - - - - - - - - - - - - - - -
النــادي الأهلـــي بتـــاع بطــــولاتـــ مـــش بتـــاع تصريحـــاتـــ
