دا شعر او خاطره كنت كتبتها عن المدرس
يارب تعجبكم
http://blogs-static.maktoob.com/wp-c...2010/03/28.jpg
https://forum.masrawycafe.net/newthr...ostthread&f=29
مين اللى قال ان المدرس منشار
طالع واكل نازل واكل
قالوا المدرس دلوقتى دروس فى دروس
وبيكوّم على قلبه فلــوس
دا غير كمان لهف الكادر
قلت ياناس والله بــــوادر
لذل بعده محدش شاف
عشان حبة ملاليم ذلّوه
وشفت كل مدرس خاف
ازاى يقولوا هنمتحنوه؟؟
مدرس طالب بلا اختلاف
قالوا ياستى دا كله روتين
لازم عشان تاخــــد تدى
وعشان تدوق طعم الكادر
لازم تقول طيب حاضر
لازم تطاطى وتتنازل
عشان عيالك والممّه
ومن النهارده مفيش يمّه
لازم تحارب وتحارب
لحد ماتجيلك جلطه
معلش دى اوامر السلطه
اومال يعنى مفكّر ايه؟؟
ماهو كل مليم راح تاخده
لازم هتتحاسب عليه
كفايه يعنى انك منشار
وبكره شوف كام الاسعار
وكل سلعه تشعلل نار
مش انت خدت خلاص كادر
افرح بقى يلا ياشاطر
واهى دى بوادر…………….