منتدي مصراوي ولا إسرة مصراوي ؟؟
السلام عليكم ورحمة الله وبركاته ...
ازيكم جميعاً ان شاء الله يكون الجميع بخير
في البداية الكافيه كله واحشني وانا عارف تواجدي قليل بس ظروف غصب عني :)
لما رجعت للكافيه لقيت ناس كتير مش موجوده وناس عايزه تمشي
وناس بتدخل تتابع من بعيد بس
وشبه راح جو الأسرة اللى كان بينا
فيهم ناس مشيت علشان اعضاء اتوقفت او علشان موضوع اتشال ليها او اتقفل او سبب شخصي
احب اوضح ليكم حاجه ...
المشرف اكيد مش هيرخم على العضو ويقفله موضوعه او يشيله من غير ما يكون الموضوع مخالف او مكرر
تاني حاجة زي ما وضحت كذا مرة اننا هنا فى منتدى مش شات وللأسف كانت اغلب المواضيع بتتحول لشات وينسوا الموضوع اصلاً كان بيتكلم عن اية!
كمان عايز اوضح ان لو حصل ومشرف قفل موضوع بالغلط او حذفه والعضو اشتكي فى قسم الشكاوي اكيد ان شاء الله هياخد حقه لو ليه حق
المشرفين هنا موجودين لتنظيم الاقسام ونقل المخالف فقط ....
والإدارة موجوده للإشراف على المشرفين
وكل الكلام ده لو مشرفين أو إدارة او اعضاء اسرة واحده ومفيش بينا فرق غير فى ان ده بيبقي شغله اكتر شوية
زي ما اتعودنا احنا موجودين هنا بيت واحد واللى بيربطنا اكتر من اننا نقول هنمشي علشان كذا ...
الكافيه مش بتاع حد معين .. العضو اللى لسه مسجل ليه حق زي اول واحد سجل فى المنتدى بشرط انه يبقي مش بيخالف قوانين المنتدى اللى هو وافق عليها وهو بيسجل فى الاول ...
والقوانين دي اعتقد كلها فى مصلحتنا
في الآخر الكافيه مفتوح قدام الاعضاء كلها وكلنا هنا اصحابه
كل سنة وحضراتكم بخير وبصحة وسلامة