الست المصرية
الست المصرية رجولة مية مية ناقصها دقن وشنب حسن بدال حسنية
الست المصرية في الظاهر في الغالب نسيت انها ست وكانت ع الجواز بتحارب
الست المصرية معرفش ليه نكدية وعلى مستوى العالم الأولى ومش التانية
وزغرط يا عم الحاج وارقصي يا حاجة بهية على بخت الرجاله مع نسوان كشرية
الست المصرية من غير رقة ودلع مفيش فرق خالص بينها وبين اي جدع
الست المصرية اصعب مواقف تسد متقولش راجل دي راجل وعليها قلبه بتخض
الست المصرية غاوي ينقط بناقيطه بتعامل جوزها يعني علي قد اللي موجود فجيبه
الست المصرية تملي ليه ماديه وتملي ليه حشرية وتملي ليه عصبية
الست المصرية بره البيت ورد وحنه وجوه الراجل بيصبر وعشانها هيخش الجنة
الست المصرية امي وبنتي نور عنيه بيحبوا لينا الخير في الدنيا اجمل هدية
اختي مراتي وخالاتي في النكد استاذه مهنيه في الدم ماشي والوريد ده النكد عشق وملاغية
الست المصرية شيماء علياء وصفية بيحبوا لينا الخير ويعفرتونا شوية
الست المصرية نورهان مريهان وعليه بيحبوا لينا الخير ويجننونا شوية
الست المصرية حنان وسوزان شلبية بيحبوا لينا الخير ويتعبونا شوية
الست المصرية ابتهاج اشواق وسُمية بيحبوا لينا الخير ويطقهونا شوية
الست المصرية رشا وساشا وسنية بيحبوا لينا الخير ويحيرونا شوية
الست المصرية نيفين وسيرين حسنيه بيحبوا لينا الخير ويجرحونا شوية
الست المصرية مياده وغاده وحمدية بيحبوا لينا الخير ويرمونا شوية
الست المصرية صفاء والاء امنية بيحبوا لينا الخير ويتوهونا شوية
الست المصرية محاسن وفاتن وهنية بيحبوا لينا الخير ويبعدونا شوية
الست المصرية هيام وابتسام فوزية بيحبوا لينا الخير ويضيعونا شوية
الست المصرية هويدا وعايده وبدرية بيحبو لينا الخير اووي اووي يا عنيه
الاثنين 16-9-2019
