اسئلة محرجة جدا للشباب والبنات فهل تتحدى نفسك وتجاوب عليها ؟؟

سلام عليكم
اسئله حلوه جدا للبنات وللشباب نشوف مين الجرىء ويجاوب او الجريئه وتجاوب
يلا
بسم الله الرحمن الرحيم

إلى كل فتاة هل توافقى على خطبة من تقدم سابقا لخطبة أختك أو إحدى معارفك سواء قريبتك أو صديقتك وتم رفضه وجاء ليتقدم إليك أنتى وما موقفك؟

إلى كل شاب هل تتجرأ مرة اخرى لخطبة فتاة رفضتك سابقا عدة مرات وتحاول إقناعهاإلى ان توافق أم تيأس من أول مرة؟؟


إلى كل أخ هل توافق خطبة اختك من صديقك المقرب وانت تعلم إنه شاب مستهتر في علاقاته السابقة مع الفتيات ولا يتحمل المسؤولية هل تجامله وتوافق بحكم الصداقة أملا في ان يتغير بدليل إنه يريد الإستقرار أم ترفضه ويكون هذا القرار نهاية صداقتكما ؟؟؟


إلى كل أخت هل توافقين أن يتقدم أخاك لخطبة صديقتك المقربة وأنت تعلمين انها كانت تحب شخصا أخر وتعلمين إنها لن تنساه وهذا الشخص تم رفضه من قبل عائلتها هلى تخبري أخاك وتحطمين قلبه أم ترفضي إخباره ويعيش مع إنسانة قلبها مع غيره؟؟؟؟


وهذا سؤال خااااص للفتيات إذا أحببت شخص وأنتما في فترة التعارف وطلب منكي صورة أو يراك من دون حجاب إذا كنتى متحجبة ليتقدم لخطبتكي فيما بعد فهل توافقين أن يراك من دون الحجاب؟؟؟


وهذا سؤال خااااااااااااص للشباب إذا أحببت فتاة حب جنوني وإكتشفت بأنها ليست عذراء وكانت ضحية لعملية إغتصاب ماذا يكون موقفك؟

يلاا لو سمحت تجوبوا لو كنتم جرئه بعد احترامى لكل الاعضاء
سلاااام

لااوافق على من تقدم لاختى اواحد معارفي الا اذا كان هناك سبب
لا اوافق لانى احبهم هم الاثنين
انا لست محجبه او بمعنى اصح منقبه كى استطيع الرد

1. لاء طبعا مش هوافق
2. بصى لو هو بعد عنها وانا متاكده انهم خلاص يعنى عادى هوافق لكن مينفعش ابقى عارفه انهم مرتبطين وبيحبو بعض وافرق بينهم
3. ده عند ................ياادهم
4. مرسيه ليكى يا كت كوته>:)

1- اولا مش هوافق الا بإنسان يكون بيحبنى انا وعايزنى انا مش بيجرب مع كل واحدة شوية وببعدين دة ميبقاش عنده كرامة.
بالنسبة لاخويا فأنا اكيد لازم اقول له ومن حقه يعرف وبعدين هو الى يقرر انه هيقدر ينسيها حبها الاول وهيقبل يعيش معاها ولا هيبعد.
- بالنسبة لو طلب يشوف صورتى فأنا هرفض لان معنى الكلام انه انسان بيدور على الشكل مش الطبع والشخصية واكيد لو شاف احلى ممكن يسيبنى لمجرد انه شاف واحدة اجمل وكمان الحجاب فريضة ولو انا اتخليت عن حجابي يبقي اتخليت عن حيائي ولو هو قبل كدة يبقي انا مستهلهوش ولا يستاهل الندم عليه .
ميرسي جدااااا على اسئلتك الروعه دى ..:-*:-* واتمنى ان تقبلي مرورى.

إلى كل فتاة هل توافقى على خطبة من تقدم سابقا لخطبة أختك أو إحدى معارفك سواء قريبتك أو صديقتك وتم رفضه وجاء ليتقدم إليك أنتى وما موقفك؟
لا مش هاوفق خالص عشان مش اجرح اختى او صديقتى او قريبتى وبعدين اكيد يعنى فى غيره بلاش اللى هايبقى عليه العين ده
إلى كل شاب هل تتجرأ مرة اخرى لخطبة فتاة رفضتك سابقا عدة مرات وتحاول إقناعهاإلى ان توافق أم تيأس من أول مرة؟؟
لو انا شاب وبحب البنت دى اوى معنديش مانع افضل وراها لحد ما توافق بس مش توافق وخلاص لا احاول احببها فيا ولو رفضت يبقى مافيش نصيب اكيد هى مش تعرفنى فحاول اعرفها بيا واخليها تحبنى


إلى كل أخ هل توافق خطبة اختك من صديقك المقرب وانت تعلم إنه شاب مستهتر في علاقاته السابقة مع الفتيات ولا يتحمل المسؤولية هل تجامله وتوافق بحكم الصداقة أملا في ان يتغير بدليل إنه يريد الإستقرار أم ترفضه ويكون هذا القرار نهاية صداقتكما ؟؟؟
برضه لو انا شاب هايتكلم معاه انه يتغير ويكون انسان كويس لعل وعسى اختى تغيره وهايبقى انسان كويس على ايديها بس الاول هاتكلم معاه وهاجربه فى كذدا موقف ولو نجح فيهم مافيش مانع اوافق يمكن يتغير

إلى كل أخت هل توافقين أن يتقدم أخاك لخطبة صديقتك المقربة وأنت تعلمين انها كانت تحب شخصا أخر وتعلمين إنها لن تنساه وهذا الشخص تم رفضه من قبل عائلتها هلى تخبري أخاك وتحطمين قلبه أم ترفضي إخباره ويعيش مع إنسانة قلبها مع غيره؟؟؟؟
لا هاقول لاخويا انها كانت بتحب واحد واهلها رفضوا ولو اتأكدت ان مافيش فايده يكون الشخص ده ليها هخلى اخويا بحبه ليها ينسيها الحب الاولانى ده وطبعا ده بعد ما يتكلم معاها ويحاول يفهمها ولو شاف منها انها ممكن تنساه اكيد هايكمل معاها بس انا فى الاول هاقوله اكيد مش هاجرحه انا هافهمه وهو يقدر واللى عايزه يعمله

وهذا سؤال خااااص للفتيات إذا أحببت شخص وأنتما في فترة التعارف وطلب منكي صورة أو يراك من دون حجاب إذا كنتى متحجبة ليتقدم لخطبتكي فيما بعد فهل توافقين أن يراك من دون الحجاب؟؟؟
اكيد مش هاوافق على كده طبعا واكيد هاعرف ان الانسان ده بيدور على الشكل مش على التدين والاحترام والانطباع والشخصيه بكل ثقه هارفض حتى ولو روحى فيه


وهذا سؤال خااااااااااااص للشباب إذا أحببت فتاة حب جنوني وإكتشفت بأنها ليست عذراء وكانت ضحية لعملية إغتصاب ماذا يكون موقفك؟
اسمحيلى اجاوب على السؤال ده انا شايفه انا البنت كده هاتبقى ضحيه ذئاب بشريه وانها مش ليها ذنب خالص وانا لو شاب اكيد مش هازعل منها انا ممكن ازعل منها فى حالة واحده بس و اكتشفت ده بعد ما اخطبها او اتجوزها ولو صارحتنى مافيش مشكلة دى فى الاول والاخر ضحيه

تسلمى يا كتكوتة على الاسئلة الحلوة دى ويارب اكون قدرت اوفى فى اجاباتى