ضرب الاخت ..... هنتناقش اهو ......

[Mr.Mo0ody]

لو عملت شي غلط لازم يضربها لو كررته وكمان لو مفيش اب بتكون مسئوليته كبيره وهو مسئول عنها فلازم يضربها لو غلطت غلط كبير
بارك الله فيك

وفيكي يا بنت الأسلام

أصل أنا قلت كده إنجي أعترضت علي كلامي وهاجمتنى جامد قوى

[arabi hashem]

احيانا يكون الضرب مفيد واحيانا اخري يكون نقمة

[Young DeviL]

لا طبعا ميمدش ايده عليها لو هو قبل علي نفسه انه لو غلط اخته الكبيره تضربه يبقي يقبل انه يضرب اخته لما تغلط

وكمان مفيش بنت بتيجي بالضرب لانها في الحالتين مش هتعمل غير اللي في دماغها وهتكرهه وهيا لو شايفه حاجه صح وهو قالها اعمليها مش هتعملها عند فيه انما هو لو كلما بأدب وذوق وحنيه وكان حنون معاها هيا لايمكن تخبي عليه حاجه وهتاخده صديق اكتر من اخ

وطبعا انا عمري ما اتخيل اخويا يضربني لاي سبب من الاسباب وهو نفسه بيرفض انه يمد ايده علي بنت لانه عارف اكيد انه اقوي منها وهيا معندهاش نفس القوه انه تردهاله

شكرا لطرحك الموضوع

[Mr.Mo0ody]

يا جماعه ماهو الضرب مش فى كل الاوقات

[طيف عابر]

طبعا مش كل الاوقات ومش كل البنات
ومش انتي سارة اللي ممكن اخوكى يمد ايده عليكي
لكن في بنات فعلا ممكن تعمل تجاوزات كتير صعبه
بتتوقعوا الاخ يقعد يتفرج عليها ساكت يعني خاصه لو حذرها مرة ومرتين ورجعت ترتكب شيء يسيء لسمعة اهلها وفعلا خاصه لو هو المسؤول الوحيد عنها

اتوقع هيك قصد مودى وساندرا

[Young DeviL]

لا برده ميمدش ايده عليها حتي لو هيا غلطت ميت غلطه يقدر يمنعها من الخروج ولو لازم تخرج يروح هو معاها ولو هو صاحبها من البدايه مش هتضطر تغلط يعني لو هيضربها يضرب نفسه معاها

[طيف عابر]

[شرقاويه]

الضرب مش هو الحل
دة ممكن يقلب لنتيجه عكسيه
ولو كان الاخوات قريبين لبعض من الاول
اكيد ما كنتش المواضيع وصلت للضرب
والتعامل كاصدقاء هيكون اجدى اكيد
خصوصا مع البنات فى لايام دى

[m.chezoo]

الله الله
هو انا اسيبكم يومين الاقى مش ناقص الا الضرب هنا ولا ايه

شوفوا بقى انا صاحب التوبك وهقول راى وده راى ديكتاتورى عشان كده بس هه

طبعا فى اولاد كتير فاكرين انها من المرجله الضرب والصوت العالى فى البيت وان كلامه هو اللى يمشى ودول اللى انا بعارضهم وهما اللى ياخدوا فوق دماغهم ...

لان الانسان العاقل المتزن هيعرف بالكلام يثبت ويحرج اخته لو شاف عليها غلط ... واعتقد ان العلاقة بين الاخ والاخت لو كويسه هيبقوا صحاب مش اخوات

وده اللى انا اقصده ... ان التفاهم الاخت اصلا هتتحرج من نفسها لو كانت بتعمل حاجة غلط
انما الضرب والكلام ده مش هيجيب نتيجة حتى لو اتكلمتوا مرة واتنين ...

معنى الكلام ان البنت هيبقى اللى فدماغها هو هو طالما مش لقت طريقه مقنعه ترجعها عن اللى فى دماغها ... يبقى المساله كده انتهت وكومبليت


وميرسى خاااااااااااااااااااااااا لص لمروركم وارائكم كلكم ... والاختلاف فى الراى لايفسد مش عارف ايه فى ايه

[yara]

توبيك جميل
وانا مع مبدأ ان الضرب مرفوض نهائى
بس اذا البنت غلطت غلطه كبيره يبقى تستحق الضرب لان التاديب مطلوب فى بعض الاوقات ومع بعض البنات
وبعدين انا شايفه ان الموضوع فى ايديها هى البنت هى الى تقدر تصاحب اخوها وتوجد جو تفاهم بينهم
بابسط الاشياء
يعنى الحمد لله انا واخويا اصدقاء واخويا بجد حنين قوى وكفايه انو انا معترفه انو راجل البيت زى بابا بالظبط واكيد يوم مايجى يقول يا يارا بلاش ده هو مش هيقلها كده رخامه وخلاص اكيد عشان مصلحتى