الحلقة الثانية من (مسلسل فندق و كافيه المصريين)بعنوان (حرامى فى الفندق)

[m_hilal]

الحلقه التانيه من مسلسل (فندق و كافيه المصريين)
و اللى مش متباع معانا ده



لقطات من الحلقه الاولى

لقطات من الحلقة الماضية
ماتركس و شيكو فى نفس واحد ( فندق و كافيه المصريين أجدع فندق
فندق و كافيه المصريين يعني أحلي قعده
فندق و كافيه المصريين يعني لوعايز تتخمد بسلام
...............
ملاك الاسلام: طيب أنا عايزه سكن في الوكانده اللي صدعتونى بيها
............
بيبيتو : وقف عندك منك ليها إيه هي لوكانده من غير بواب
.............
على مدكور:خدى الاتنين دوا واديلهم اللى هما عايزنه احنا مش ناقصين دوشة
...............
ميريت:اوك يا باشا..اقولك حعمله ساندوتش جبنة بيضاء
........................
تريكه : لخص يا إشطه

الحلقة الثانية من فندق و كافيه المصريين (حرامى فى الفندق)

ضيوف الشرف
نزيلة الحجرة13:لولو
الصديقة:
ضابط الشرطة:مصرى ولو قتلونى

المكان:- غرفه13

الطقس اليوم بارد شديد البروده والعواصف تزمجر بالخارج وتلاطم أوراق الأشجار فنسمع حفيفا أنينا خافتا . أنينا يشكو غضب الطبيعه دقات خفيفه تدق النافذه المغلقه دقات يعلو ضجيجها وتعلو معها دقات قلب لولو الصغيره فنراها تتململ في فراشها و كأن يد الطبيعه قد إخترقت نافذه حجرتها لتوقظها كما أيقظت الليل من سباته.
الظلام يملأ الحجره المغلقه تزداد الدقات علي النافذه وضوحا فحاولت لولو أن تهب من فراشها ولكن رأسها ثقيل وقدميها أثقل فحاولت أن تبدد الخوف
فراحت تتخيل اللحظات التى مرت عليها وهى سعيدة بجانب اسرتها حتى جاء اليوم الاسود عندما طلبت منها والدتها ان تغسل الغسيل بمسحوق اريال لانه بينظف اكثر ولكنها لم تسمع كلام والدتها وغسلت ببرسيل والنتيجة الغسيل لم ينظف فخافت وتركت البيت قبل ان تكتشف والدتها الكارثة وساقتها قدماها الى الفندق لتبيت اول ليلة فى حياتها بعيدا عن اسرتها
وفجأه تحجرت عيناها في الظلام لقد إزدادت الدقات ولكن ليس علي النافذه ولكن داخل الحجره

أأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأ أأأاأأأأأأأأأأأأأه







الريسبشن

تريكه في حجرته في ثبات عمييييييييييييييييييييييي ييييق وفجأه رن جرس التليفون بحراره وتريكه نايم ويرن وهو نايم ويرن ولسه نايم
إنت يا عم الكتكوت ولسه نايم
أصحاااااااااااااااااااااا ااااا خلاص صحيت
ورد علي التليفون ومعاه لولو
لولو:إلحقونيييييييييييييي
تريكه : نامي يا حبيبتي الساعه 4 الفجر
لولو : الحقونييييييييييييييييييي ييييييييييييييييييييييييي ييييييييييييييييييييييييي ييي
تريكه : طيب طيب هندهلك بيبيتو او محمود


و في مكان الحراسه

بييبتو الزباين يا سلام ملاك يا أخواتي
تريكه:فادى اصحى
بييبتو:عايزه ايه سبينى بقى
تريكه:الزبونه فى اوضة13 بتصرخ في التليفون ,صرختها مش طبيعية,اظاهر فيه حرامى عندها
فادى :يا نهار مهبب طب مصحتيش محمود ليه مش هوا مدير امن الفندق
تريكه:بخبط على اوضته مبيردش وقافل على نفسه بالمفتاح
بيبتو:بسيطة انا معايا مفتاح لاوضته حتلاقيه عندك فوق المكتب روحله وخليه يتصرف
تريكه:وانت
بيبيتو:لا يا حلو مسئوليتى انى امنع الحرامى يخش الفندق بس لو دخل تبقى مسئولية امن الفندق...تصبح على خير






وفى حجرة محمود
تريكه :محمود إصحي
محمود نايم
تريكه: إصحي يا نايم وحد الدايم رمضان كريم
محمود: أنااااااااااااااا خخخخخخخخخخخخخخخخخخخخخخخ
تريكه: يا عم إصحي شوف الزبونه فى الاوضة13
محمود: خخخخخخخخخخخخخ
وهنا دخلت عليهم ميريت فحكا لها تريكه الحكاية
ميريت:يا نهار اسود انا عارفة من ساعة ما نور طلبت الطلاق من مهند وانا قلت الليلة دى مش حتعدى
تريكه:والقتيل اللى نايم ده مش راضى يصحى
ميريت:حاسب انت انا حصحيه
وامسكت ميريت بزجاجة مياة جنب السرير وكبتها على محمود
ميريت : ما تصحي يا عم انت حتبقى انت ومهند علينا هو احنا فاضيين
محمود"إتفزع " : أعوذ بالله عايزه إيه
تريكه : الزبونه فى اوضة13 بتصرخ في التليفون واضح إن عندها حرامي في الأوضه
محمود: حرامي ؟؟؟؟؟؟ إنت قولت حرامي جبت سيره حرامي ما إتخلقش الحرامي اللي يعملها
ميريت : طب ورينا
محمود أخد ديله في سنانه ودخل أوضته وجاب البندقيه اللي من أيام الهكسوس وطلع علي الفندق علي طول
وهو فى الطريق سحب بيبيتو على الارض
محمود:قوم تعاله معايا عشان خايف اتهور على الحرامى وانا معرفش الرحمة
بيبيتو بيبرطم:حرامى ايه اللى معندوش دم فى حد يسرق الساعة3الفجر طب وانا مالى
محمود :بتقول حاجة
بيبتو:لا ابدا
وتريكه داخل يكمل نوم "هااااااااااااااااااااااا� �ااااااو قابله نونا
نونا:هو فيه حاجة
تريكه:كن فى حالك ربنا يصلح حالك
نونا:طب بس ممكن سؤال
تريكه:اوف عايزه ايه دلوقت
نونا:المكالمة بتاعة الهند لسه مجتش
يشوح تريكه بأيده ويسيبها ويمشى لغرفته عشان ينام
ميريت:خلاص لما اروح انام بقى عشان اتفرج على نور وانا فايقة
" لقيت ماتركس و شيكو جايين من سهرتهم اللي علي الكافيه بيغني
ماتركس:العنب...العنب...العنب...احمر.. العنب...اصفر... العنب
ميريت : أهلا باللي بيجيبوا الزباين مش عارفه من غيركه كنا هنشتغل إزاي
شيكو: يا دي النيله طيريلي الدماغ اللي عاملها
ميريت : متعرفش اللي حصل
شيكو : وهعرف إزاي يا ست الأموره
ميريت: أصل واضح كده والله أعلم إن في حرامي في الوكانده
ماتركس: طب الحمد لله وعملتوا معاه الواجب يعنى قدمتوله قهوة ولا حاجة
ميريت:واجب ايه!هو احنا فى المدرسة
ماتركس: أمال إحنا فين ؟؟؟؟؟ هو أنا تهت ولا إيه؟؟؟؟؟؟
ميريت : لا دا إنتم فايقين و دوختونى تصبح علي خير
ماتركس و شيكو : تروحى و ترجعى بالسلامه

وفي الفندق

محمود بيكلم نفسه : حرامي وأنا موجود دي مصيبه كارثه فضيحه

قابل لولوعلي السلم نازله جري

محمود: فين هو خليني أشرب من دمه
لولو: فوق فوق
محمود: جايلك يا إبن الحراميه ها ....مين هناك

لولو واقفه مرتبكه مش عارفه تعمل إيه إتصلت بصاحبتها
علي الموبايل اللي عايشه هنا

لولو : ألو
إلحقينيييييييييييييييي
ع
: فيه إيه يا لولو ألأتيني
لولو : تعاليلي بسرعه

وعطتها عنوان الفندق فجت بسرعه البرق وبعد البوس و الأحضان والذي منه

لولو: إنت نفدتي إزاي من علي الباب



: عادي
لولو: أه صحيح دا اللي إسمه بيبيتو فوق

: بيبيتو؟؟؟؟؟؟؟؟ ودا يطلع مين دا كمان
لولو: أنا هحكيلك كل حاجه تعالي

وقعدوا في الريسبشن حكتلها كل حاجه وهي بتبكي
لولو : أأأأأأأأأأأأأأأأه يا مامي

: بس بقي ما تبكنيش معاكي
لولو: أصلك مشفتيش اللي أنا شفته

: أكيد مع الوقت هتنسي شكله بس إنت غلطانه معقول تيجي هنا ومتجيش بيت صاحبتك؟؟
لولو : محبتش أتقل عليكم

: لأ غلطانه
لولو:ماما مسالتش عليا

:لا اصلها ملبوخة فى الغسيل اللى اتسرق من على المنشر
تهب لولو واقفة:هو الغسيل اتسرق يعنى ماما مش حتعرف كده انا غسلت الغسيل باى مسحوق
يلا بينا ارجع البيت قبل ماما متلاحظ حاجة


لولو لحودا اللى كان متواجد بالريسبشن وبيتكلم فى الموبيل
لولو:لو سمحت الحساب عشان لازم امشى دلوقت
حودا وهو بيتكلم فى الموبيل:اطلقوا...ازاى هما مش لسه مجوزين امبارح
لولو:لو سمحت
حودا:اه بينى وبينك التورتة لما تقع على الفستان يبقى فال وحش
لولو:يا عم انت
حودا:عايزززززه اييييه
لولو: الحساب
حودا:انتى طلبتى ايه
لولو:ايه طلبت ايه...هو احنا فى قهوة انا عايزة حساب الاوضة
حودا:طب مش تعرفينا بالامورة
لولو:الحسسسسساب
حودا:ازيك يا حلوة اسمك ايه
:الله يسلمك اسمى منى ازيك انت
حودا:تسلمى يا عسل
لولو:اييييه الحسسسساب
حودا:مفيش ما بين الخيرين حساب ولا ايه يا منمن
:اللى تشوفه
لولوتسحب منى من يدها لخارج الفندق

حودا فى الموبيل:ايوة بتقول اطلقوا يا شيخة










على مدكور جه على الصوت وعرف الحكايا من محمود
على مدكور: أنا هتصرف ما تقلقوش
بيبيتو: تتصرف إزاي لازم تتصل بالبوليس!
على مدكور : بوليس؟؟؟؟؟؟؟؟؟ وبص لمحمود: ماتتصرف ياعم محمود امال مدير امن الفندق على ايه!!!

ودخل عليهم شيكو و ماتركس بيغنو

ماتركس: احمر..العنب..اصفر..العنننننن ننن سياده المدير ؟؟؟؟؟؟ بص أنا هعترف بكل حاجه والله ما لقيت زبون واحد في قطر الساعه 2 بالليل فقولت أريح علي قهوه ألعبلي عشرتين طاوله ولقيت هناك ناس حريفه فسرقني الوقت و إتأخرت
على مدكور :-و التانى ده
ماتركس :- كان معايا
على مدكور : ودا وقته هو انا ناقصك إنت و هو كمان مش كفايه المصيبه دي
شيكو : طب تمام محدش عايز مني حاجه لأ طب سلام العنب...العنب...العنب
محمود: لازم تتصل بالبوليس
على مدكور: حاضر أمري لله

وإتصل المدير بالقسم وعمل بلاغ فجت عربيه البوليس وفيها سياده المقدم مصرى ولو قتلونى
مصرى ولو قتلونى : صباح الخير
على مدكور: أهلا سياده المقدم فينك من بدري
مصرى ولو قتلونى: كنت بشرب الشاي بتاعي في القسم علشان أخدم الناس و أنا فايق فين المجرم ؟
محمود: أمال إحنا جايبينك ليه؟؟؟؟؟؟؟؟؟؟
مصرى ولو قتلونى : أه صحيح فين صاحب البلاغ عايزين نشتغل أنا فايق
على مدكور:يا جمال الزبونة فين مش كانت واقفة معالك راحت فين
حودا:راحت بيت ابوها...مش طلقها
على مدكور:طلقها ؟؟؟!!!ياعم بكلمك عن الزبونة
حودا:اهه..الزبونة مشت!
على مدكور:مشت طب حسبت على الاوضة
حودا:لا
على مدكور:وانت سبتها...حرام عليكوا حتخربوا بيتى
ثم اخرج علبة دواء مهدئ وبلع حبيتين
مصرى ولو قتلونى:حساب ايه يا سادة فين صاحبة البلاغ عايز اعرف الحكاية من طقطق لسلام عليكوا
بيبتو : وعليكم السلام ورحمه الله وبركاته إزيك يا باشا بس أحب أقولك ما تتعبش نفسك أنا دورت قبلك 100 مليون مره ومالقتش حاجه فص ملح وداب
ماتركس و شيكو داخلين زي العاده ومعاهم زبون سقع "خليه المره الجايه" وبيغنوا برضه
ماتركس و شيكو : العنب...العنب...العنب
مصرى ولو قتلونى : إنت وهو تعالوا هنا إفتحه بقكم
شيكو: أه والنبي أصل ضرس العقل تاعبني جامد وحياه أبوك شيلهولي
مصرى ولو قتلونى : أشيلهولك دا إيه ...إمشي
شيكو : أمشي ولا أقف إيه وجع الألب ده
مصرى ولو قتلونى : خلاص إمشي هبوس رجلك يعني علشان تمشي
شيكو: لأ مش لازم أنا ماشي وخلاص العنب..العنب ..تعالى يا زبون

هنا دخلت لولو ومنى(جت تاخد شنطتها اللى نسيتها)
نونا:اهى صاحبت البلاغ يا حضرة الشاويش
مصرى ولو قتلونى:شاويش ايه يا بنتى...انت حوله
نونا:طيب..طيب متزعلش ..بقول ايه هى مكالمة الهند لسه مجتش
مصرى ولو قتلونى يتجاهلها ويوجه كلامه للولو
مصرى ولو قتلونى:ا إحكيلي علي كل حاجه كل التفاصيل كل حاجه
لولو:كبير كبير أوي
منى : يا عيني عليكى يا حبيبتى
مصرى ولو قتلونى: طويل وعريض يعني
لولو : أوي أوي
مصرى ولو قتلونى: ممممم ..هوه وشفتيه الساعه كام
لولو : مش فاكره
منى:انتى كنتى فى ايه ولا فى ايه يا حبيبتى
مصرى ولو قتلونى يصيح:اسكتى انتى..... كملى انتى
وهنا بكت لولو وارتمت فى حضن منى
مصرى ولو قتلونى : أه طب إديني مواصفاته
لولو: كبير أوي أوي
مصرى ولو قتلونى : أه وإيه كمان
لولو: وراسه كبيره
مصرى ولو قتلونى : كملي
لولو: ولونه رمادي
مصرى ولو قتلونى : رمادي ؟؟؟؟؟؟ أه أصدك لابس متخفي أوكي و إيه كمان
لولو: وديله طوييييييييييييييييييييييي ل
مصرى ولو قتلونى : ديله طويل؟؟؟؟؟؟؟؟؟؟؟؟؟؟؟؟؟ إنتي بتتكلمي عن مين؟؟؟؟؟؟؟؟؟؟؟؟
لولو:كان فار شكله فظيع...فظيع
وراحت فى نوبة بكاء عنيفة جدا
وصوت على مدكوريصرخ:الحقوها ...الحقوها...الحقوها...خدوا منها حساب الاوضة قبل ما يجرلها حاجة!!!!







أشوفكم الحلقه الجايه سلام
في الحلقه القادمه
"لاعب الكرة المشهور اوى اوى"

[No TiMe]

هههههههههههههههههه لا حلقه جامد والحمد لله طلعت ضابط مش حاجه تانيه والف شكر ليكي ومتابع معاكي

[sheren19]

جامدة اخر حاجة بس انا فين هنا انا كدة هزعل

[x×x 7o0odA x×x]

حلقه جامده
متابع معاكى

[m_hilal]

هههههههههههههههههه لا حلقه جامد والحمد لله طلعت ضابط مش حاجه تانيه والف شكر ليكي ومتابع معاكي

شكرا ليك انت وان ساء هتطلع تانى معانا و بشكل احسن

[m_hilal]

جامدة اخر حاجة بس انا فين هنا انا كدة هزعل

لا متزعليش يا شيرى هتنزلى معانا الحلقه الجايه ان شاء الله

[m_hilal]

حلقه جامده
متابع معاكى

انت والله اللى جاااااااااااااامد يا حودا و محدش قدك

[m_hilal]

سيتم اضافه الحلقه الثالثه قريبا جدا

[x×x 7o0odA x×x]

فى انتظار الحلقه التالته يا رنا
بالتوفيق

[m_hilal]

فى انتظار الحلقه التالته يا رنا
بالتوفيق

والله يا حودا انت اجمل عضو شوفته فى حياتى