المنتدى اصبح ممل ؟؟!!! طب ليه ؟؟؟

[طيف عابر]

ملاحظة سمعتها من اكتر من شخص وممكن كمان قرأتها من بعض الاعضاء
المنتدى اصبح ممل
طيب ما هي الاسباب وبصراحة؟
البعض يقول ان السبب
كثرة المواضيع المنقولة لنفس العضو لدرجة ان معظمها مكرر وسبق ان قرأوه وتم الرد
منهم عليه........

وبعضهم يرى ان مسح مواضيعه المكررة يحبطه

البعض الاخر يقول السبب عدم تفاعل الاعضاء في الردود والنقاش

والبعض يرى ان الاعضاء انفسهم لا يتفاعلون مع مواضيعهم بالشكل المطلوب

فما رأيكم ان نتناقش بصراحة تامة ؟؟!!

[salama10]

فعلا انا حاسس ان المنتدى اصبح ممل

يمكن علشان الامتحانات فى ناس كتير مش موجوده

ممكن بردوا

[احمد التيتى]

اسمحى لى انا كون اول المعلقين يا طيف اول ما انضميت للمنتدى كان فيه مواضيع كتيرة جميلة جدا و هادفة و فعلا انا كنت بادخل اتعلم منها و استفيد كتير جدا كانت مواضيعك و مواضيع احمد عمر و العوامى و تريكا و كتير من الاعضاء حتى مسلم (حازم) كان بيبقى فيه موضوعات بتنكتب و كان بيدور فيها نقاش نظرا لاختلاف الانتماءات الفكرية لاعضاء المنتدى و بالرغم من كده ما كانش حد بيزعل من حد و عمرى ايامها ما حد انطرد او لاقيت مواضيع مغلقة كتير زى دلوقتى الاهتمام حاليا اتجه ركن الالعاب و خمسة فرفشة و المقالب ما بقاش فيه نقاش فى موضوع مهم مثلا و ساعات اللى كاتب الموضوع يبقى مستنى الرد علشان نتناقش فى الموضوع تلاقى ما فيش ردود ولا فيه نقاش بينى و بينك حاسس ان اعضاء المنتدى اصبحوا متفرقين عن بعض عن الاول و كل شخص بيدخل ينتقد فكر التانى بطريقة مستفزة و بطريقة غير مباشرة و الموضوع يتجه لصدام و بعدين على ييجى يقفل الموضوع علشان ما حدش يزعل من التانى مش عارف فيه روح غريبة انتشرت فى المنتدى الفترة اللى فاتت انا اسف فى كلامى بس حاسس ان المنتدى اصبح للناكت و اللعب فقط لا غير و المواضيع الهادفة اصبحت قليلة جدا جدا اسف على كلامى دا بس لازم يكون فيه صراحة

[salama10]

انا مع احمد فى كل اللى بيقوله

الاول كانت المواضيع بتستمر فترة

ده يقرأ وده يناقش وده ينقد

دلوقتى على ما اخلص كتابة الموضوع الاقى اكتر من موضوع اتنقل

ما بقاش فى تفاعل

الواحد يتعب جدا على ما يكتب الموضوع

والاخر ما حدش يرد ولا يناقش

ليه علشان فلانة كاتبه موضوع يبقى لازم نجاملها حتى لو الموضوع مالهوش لازمة

ونسيب الموضوعات المهمه اللى لازم نتفاعل معاها

انا اسف جدا لو كلامى هيزعل حد

واسف جدا للاطالة

[Dr: Adnan]

بصراحة انا لي تعليق على ذلك وهو اني اغلب الاوقات التي اتصفح فيها المواضيع احس انها لا تناسب جميع الاعضاء فاغلبها اصبح في الحب والتعارف والفرفشه الا اللهم منذ الغزو الغاشم للصهاينه لغزه بدأت بعض المواضيع في الظهور وفيها نوع من الجديه ... واعتقد ان السبب هو الفارق في السن بين الاعضاء فالمنتدى اصبح فيه اعضاء كثيرون دون سن الخامسه عشره فهؤلاء يهمهم اللعب والفرفشه والنكت لذلك اصبحت هذه المواضيع كثيره جدا حتى انه المواضيع الجديه والهادفه راح تضيع في وسط الزحمه مع هذه المواضيع .. لذلك عليكم التفكير بنوعية المواضيع ثم بالاعضاء حتى وان سجل احد وتم اكتشاف انه صغير يشطب .... ايضا يجب ان يكون هناك نشاط وفعالية اكثر من المشرفين للتدقيق على المواضيع المكرره لانها تصبح ممله
ولكم كل الشكر والتقدير

[m_hilal]

فعلا النتدى اصبح ممل جدا جدا ولا يوجد الا اعضاء قليله جدا جدا المتفاعلين
رغم ان اعضاء المنتدى الحقيقين اكثر من ثلاثه الف مشرتك طب ليه يعنى

[شمس]

السلام عليكم ورحمة الله
بجد كان نفسي حد يعمل موضوع بالشكل ده
ولازم نتكلم بصراحة ويارب علي ما يغلقه ثاني
اه فيه ملل وملل كبير جدااااااااااا
زي مقال الأخ التيتي كل المواضيع بقت متجهة للفرفشة
والمقالب الي ملهاش لازمة
فين أيام ما دخلت هنا المنتدى كانت المواضيع
تجنن مش لأنها لأحمد عمر أو لطيف عابرأو لغيرهم
ده لأنها بجد روعة وحتى لو كانت مقتبسة أو مش للعضو
نفسه فالنقاش لي كان فيها كان بيزيدها جمالا ورونق
وبيوصل النقاش مرات عديدة لأكثر من صفحة وممكن
يكون فيه جدل ومع دلك ولا بيتمسح
النهاردة ترد الصبح على موضوع بحدة تلاقيه المسا طار
ولا كثرة المواضيع وكلها لشخص واحد
فاكر اننا كمبيوتر زي لي قاعد عليه
ناسي اننا بشر ولازم نفهم ونعرف معنى الموضوع عشان نرد
عليه صح
ويسلام لو ما لحقك الوقت لكل مواضيعه بيزعل
ويعمل هليلة على مفيش
ادا كان أنا يا لي ولا بعمل مواضيع ولا بكتبها
وبكتفي بالقراية والرد بتعب من كثرتها
فما بالك بلي بيكتب وبيتعب حاله وبيدور
وفي نفس الوقت ملزم انه يجامل ويرد لصاحبه العضو
يعني بصراحة تامة المنتدى بقا فوضىوبكرر أسفي على هدا اللفظ
لكنه الواقع
وحاجة ثانية ومهمة جدااا للأعضاء
بلاحظ ونا بشوف بعض المواضيع وبقراها ان صاحبها ولد
وعمل موضوعه ولا كلف خاطره حتى يقراه بعد ما نزله
ولو قراه كان لاحظ بعض الكلمات تدل على أن الموضوع
كان مكتوب من طرف واحدة بنت وهو اقتبسه كدا من غير
أي تعديل أو جهد منه
والله ولا بتبلى على حد الكلام ده أنا شفته بعيني
يعني يا طيف عابر لو لي قالولك ان المنتدى بقا ملل
عندهم حق مية في المية
ولسة فيه كلام كثيرررررررررر
أسكت أحسن

[xXx SHaDY xXx]

انا معاكم في الراي ده
ان المنتدي فعلا بقي ممل بدرجه كبيره

وانا كنت عاوز اقول علي حاجه

ان اغلب المواضيع بتبقي مكرره
يعني الواحد يضيف الموضوع يجي العضو اللي بعده يضيف نفس الموضوع بس يعمل فيه شويه تغيرات بسيطه
يعني مثلا يغير العنوان
ويقلب اللي فوق تحت واللي تحت فوق وكده

وانا لاحظت الحكايه دي كذه مره

وبجد ياريت يبقي في حل للموضوع ده

وميرسي خالص ع التوبيك ده

[هيام الشافعي]

لا يا عم متحطوش في بالكم الحاجه دي والله المنتدي زي الفل ولا ممل ولا حاجه المنتدي من انجح المنتديات علي مستوي الشرق الاوسط وكل اللي بيدخل بيحبو اوي ويتفاعل مع الاعضاء والمواضيع اما حكاية المواضيع المتكرره فدا غصب عن عين اي حد بيحط مواضيع لان المنتدي مليان بسم الله ما شاء الله فمش بياخد بالو من المواضيع القديمه وانا بقترح وضع مراقب للمواضيع المكرره يقوم بحذفو علطول وبدون زعل من حد

استهدوا بالله وصلوا علي العين ايه يا جماعه اتحسدتوا ولا ايه متحطوش الافكار الوحشه دي في دماغكم ويالا عايزه اشوف المواضيع الحلوه بتاعتنا

[moon_tears]

بس فى مواضيع كتير بتكون هادفه وواجب اننا نتكلم فيها ونتناقش ولو عضو بينقل موضوع ياجماعه برضه متنسوش انه بياخد رأيكم وحابب انكوا تشوفوا الموضوع وتتفاعلوا معاه اى حد مننا لما بيحب يجيب موضوع وبيشوف الردود اللى بتخرج من القلب بيفرح اوى وبيحس انه محبوب عمتا وان شاء الله مفيش ملل ولا حاجه يمكن فترة امتحانات وكله هيرجع وهيبقى ميه ميه وبرضه فى اعضاء موجوده بس التفكير برضه وكل واحد بيدور على الموضوع اللى بيناسبه واللى شايف الصح والغلط فيه من وجهة نظره

موضوعك جميل اوى تسلمى بجد