المنتدى اصبح ممل ؟؟!!! طب ليه ؟؟؟

[بسام الصواف]

اغلب الردود اللى اتكتبت فى الموضوع ده لو انتوا اخدتوا بالكم هتلاقوا ان فيها بعد النقاط مرتبطة زى التكرار وتفاهة بعض المواضيع وقلة الردود على المواضيع الهادفة كدة يعنى بس اللى انا اقدر اقوله



ان انا لسة بحب المنتدى ومش هسيبه ابدا لان انا لازم اقف جنبه نعدى على الاقل المرحلة دى مع بعض

[Mr.Mo0ody]

يا جماعه احنا لازم ناخد بالنا من حاجه مهمه

الأمتحانااااااااااااااااا ات


انا لو قلتلكو اسامى الناس اللى بتمتحن معايا

هتلاقو المنتدى كله بيمتحن فى نفس الوقت

حتى على مدكور نفسه عنده امتحانات



ومش علشان المنتدى بقى ممكن يكون شويه فيه ملل يبقى نتخنق
لا طبعا

لازم نفتكر الوقت اللى احنا كنا بنقع مع بعض فيه ومش بنلاحق عالمواضيع والردود

ولا ايه ؟؟؟؟


أحنا لازم مش ناخد قرار إلا بعد شهر واحد علشان الناس كلها تكون خلصت امتحانات


وشكرا ليكو...

وكلامى مش موجه لأى حد بجد ....

[MR.Mahmoud]

السبب بسيط اوى واتكلمنا فيه قبل كده
قلة النقاش فى المواضيع
وكثرة المواضيع المنقوله بمعنى ان العضو يحط 10 مواضيع ولا حاجه فى قسم واحد
ومش معقوله هنعرف نقرأ عشر مواضيع لعضو واحد وفى قسم واحد
كده بيجبرنا على عدم الرد او النقاش ومش هنعرف نشوف باقى الاقسام
وانا اصلا بطلت احط مواضيع
يعنى لو موضوع او اتنين فى الاسبوع وخلاص وفى اقسام مختلفه
وفى اعضاء مش بتشارك الا فى اقسام معينه

[ساندرا]

السبب بسيط اوى واتكلمنا فيه قبل كده
قلة النقاش فى المواضيع
وكثرة المواضيع المنقوله بمعنى ان العضو يحط 10 مواضيع ولا حاجه فى قسم واحد
ومش معقوله هنعرف نقرأ عشر مواضيع لعضو واحد وفى قسم واحد
كده بيجبرنا على عدم الرد او النقاش ومش هنعرف نشوف باقى الاقسام
وانا اصلا بطلت احط مواضيع
يعنى لو موضوع او اتنين فى الاسبوع وخلاص وفى اقسام مختلفه
وفى اعضاء مش بتشارك الا فى اقسام معينه

الله يوفئك واللهى هو هاد رايي بس مو عارفه اصوغه كويس
يجزيك الخير يا رب اخى محمود
جزاك الله خيرا

[MR.Mahmoud]

وانا بقا شايف ان الحل هو منع العضو من المشاركه بأكثر من موضوع او اتنين فى القسم
يعنى ممكن يحط موضوع او اتنين فى كل قسم اكثر من كده ممنوع
ولانى لاحظت كمان ان فى اقسام كتير محدش دخلها من ايام
اخر مشاركات فيها بتواريخ قديمه
وده طبعا بسبب اهتمام الاعضاء بأقسام معينه

[moon_tears]

وانا بقا شايف ان الحل هو منع العضو من المشاركه بأكثر من موضوع او اتنين فى القسم
يعنى ممكن يحط موضوع او اتنين فى كل قسم اكثر من كده ممنوع
ولانى لاحظت كمان ان فى اقسام كتير محدش دخلها من ايام
اخر مشاركات فيها بتواريخ قديمه
وده طبعا بسبب اهتمام الاعضاء بأقسام معينه

معلش برضه بس كل واحد بيرتاح لحاجه معينه وشايف انه هيكون احق بالرد فى قسم معين وعلى مواضيع معينه
لان فى اقسام او مواضيع ناس بتعتبره تافهاا وى وجهات نظر
شكرا محمود على كلامك

[MR.Mahmoud]

معلش برضه بس كل واحد بيرتاح لحاجه معينه وشايف انه هيكون احق بالرد فى قسم معين وعلى مواضيع معينه
لان فى اقسام او مواضيع ناس بتعتبره تافهاا وى وجهات نظر
شكرا محمود على كلامك

الف شكر لتعليقك بس انا مقصدتش كده
انا الى قصدتو ان الاعضاء الى بتهتم بأقسام معينه ممكن تعطى جزء من الاهتمام ده للاقسام التانيه يا نعطيها جزء من الاهتمام يا تتلغى خالص
لو كل واحد فكر وشارك فى قسم واحد او اتنين باقى الاقسام مو هتشتغل
وزى منا قولت المفروض العضو يتمنع من حط اكثر من موضوع او اتنين فى قسم واحد يوميا
واعتقد انو لو حط موضوعين فى كل قسم او الاقسام المحببه ليه كل يوم يبقى كويس ويبقى عندو وقت كمان يتابع باقى الاقسام
وعشان يبقى فى فرصه للرد لو حط موضوعين اكيد هيلاقى عليهم رد
انما الى بيحط عشر مواضيع فى اليوم وغيرو يحط وغيرو اتنين وغيرو
اكيد هيكون عجز فى الردود
وده السبب الرئيسى لوجود الملل
العضو لما مش يلاقى على مواضيعو رد بيحس بالملل وعدم التشجيع

[عاشقة الرومانسية]

السلام عليكم ورحمه الله وبركاته
انا فى الاول بشكر طيف جدا على طرح الموضوع ده لان بجد اانا كمان حاسه بملل اوى بعد ما كنت تقريبا ال 24 ساعه على مصراوى كافيه بس هى الفكرة فعلا ان تقريبا معظم الاعضاء فى الامتحانات وكمان انا رأى مع محمود 90 لان بجد انضم لينا عدد كبير ما شاء الله من الاعضاء الجدد تقريبا بقوا ينقلوا مواضيع متكررة وبشكل ملاحظ وفعلا بقى يتحط فى قسم واحد حوالى 10 مواضيع ويمكن اكتر فمن الصعب طبعا اننا نقرا لشخص واحد كميه المواضيع دى كلها . بجد عايزين مواضيع مهمة بجد تتناقش مع انى انا برضه تقريبا مش بخرج من الاقسام اللى ذكرها احمد التيتى وده برضه لانى مش لاقيه مواضيع تتناقش الكلام ده مش موجه لحد معين الكلام ده موجه لينا كلنا واولهم انا نهتم شويه بالمواضيع اللى بتحتاج مناقشه وتكون من افكارنا عشان نساعد على نمو وتقدم المنتدى
وبرضه انا مع مودى فى كلامه نستنى شويه لبعد الامتحانات عشان بجد فعلا صاحب الكافيه نفسه بيمتحن نستنى شويه لبعد الامتحانات ونناقش الموضوع بشكل عام
سورى جدا للإطاله وميرسى يا احلى طيف على طرح الموضوع الهام ده

[طيف عابر]

فعلا انا حاسس ان المنتدى اصبح ممل

يمكن علشان الامتحانات فى ناس كتير مش موجوده

ممكن بردوا

شكراً كتير سلامة وهاد فعلا ممكن يكون سبب
لكن الملاحظة انا سمعتها قبل الامتحانات
وبرضه الامتحانات لها دور كبير اكيد
تسلم يا رب

[طيف عابر]

اسمحى لى انا كون اول المعلقين يا طيف اول ما انضميت للمنتدى كان فيه مواضيع كتيرة جميلة جدا و هادفة و فعلا انا كنت بادخل اتعلم منها و استفيد كتير جدا كانت مواضيعك و مواضيع احمد عمر و العوامى و تريكا و كتير من الاعضاء حتى مسلم (حازم) كان بيبقى فيه موضوعات بتنكتب و كان بيدور فيها نقاش نظرا لاختلاف الانتماءات الفكرية لاعضاء المنتدى و بالرغم من كده ما كانش حد بيزعل من حد و عمرى ايامها ما حد انطرد او لاقيت مواضيع مغلقة كتير زى دلوقتى الاهتمام حاليا اتجه ركن الالعاب و خمسة فرفشة و المقالب ما بقاش فيه نقاش فى موضوع مهم مثلا و ساعات اللى كاتب الموضوع يبقى مستنى الرد علشان نتناقش فى الموضوع تلاقى ما فيش ردود ولا فيه نقاش بينى و بينك حاسس ان اعضاء المنتدى اصبحوا متفرقين عن بعض عن الاول و كل شخص بيدخل ينتقد فكر التانى بطريقة مستفزة و بطريقة غير مباشرة و الموضوع يتجه لصدام و بعدين على ييجى يقفل الموضوع علشان ما حدش يزعل من التانى مش عارف فيه روح غريبة انتشرت فى المنتدى الفترة اللى فاتت انا اسف فى كلامى بس حاسس ان المنتدى اصبح للناكت و اللعب فقط لا غير و المواضيع الهادفة اصبحت قليلة جدا جدا اسف على كلامى دا بس لازم يكون فيه صراحة

الله عليك احمد
ات فعلا وضعت النقط عالحروف
بمعنى آخر بقى الهدف نزود مشاركات وكأننا في سباق
ومش مهم النوع ولا الهدف
انا معاك فعلا كنا برضه نشارك على فرفشه وصور وبما انها اقسام موجودة لازم نشارك عليها
لكن

ما تكون فقط هي ونعمل تنويع

كمان الردود يكون فيها تفاعل
مش اجي على موضوع حوار واقلك شكراً وامشي
تخيل اعضاء بترد من غير ما تقرأ اصلاً
والبعض بينقل من غير ما يقرأ برضه