المنتدى اصبح ممل ؟؟!!! طب ليه ؟؟؟

[بحر الحنان]

السلام عليكم ورحمة الله وبركاته
اولا طبعا أشكرك سما على الطرح الشيق مثل هذا
ثانيا أنا مش عاوزة أقول المنتدى ممل ولا حاجة لا بالعكس هو كويس جدا وبالأخص لينا هنا كمغتربين عن بلدنا لأنه بيحسسنا بروحنا اللي تقريبا مش لاقينها اوي بس هو بصراحة أنا حاسة انه ساعة ماشتركت فيه كان أحسن من كده كنت بلاقي أعضاء بيعملو مواضيع بتجذب جدا جدا وتبقى غصب عنك تلاقي نفسك بتردي فيه والله العظيم من كتر ماعجبت بالموقع اعتبرته أهم حاجة عندي وجلوسي مابيكونش غير عليه وكمان المواضيع ماكنتش بتنزل علينا زي الرز كده هو انا نفسي أعرف ليه العضو بينزل ولا 100 موضوع في اليوم الواحد ويجي بعد كده يبقى زعلان لو ماحدش رد عليه طيب ياعم نزل براحة شوية عالاقل نلحق نقراءه اللي قبله هو من ناحية ممل لا مش ممل بس مضايقني اني بلاقي المواضيع كتيرة اوي الواحد مش بيلحق ياخد نفسه انا تقريبا بقيت أقرأ أكتر من اني أرد حتى المواضيع مش برضى أنزل لأن مش هلاقي ليه مكان وسط الحشود اللي نازلة معلش دايما كلامي كتير بس اسمحيلي سما الموقع كتير حلو ومميز بس عاوز أهتمام من الناس اكتر من كده هي مش حرب وداخلينها كل واحد بيحاول يسبق اما المكرر ده فأنا لاحظت بصراحة مواضيع كتير قراتها وبتكون قراتها من قبل كده ويمكن اغلبية المواضيع اللي في اليومين دول ربنا بقا يعين
شكرا ليكي كتير جدا سما لكي تحياتي الدائمة والمميزة لمواضيعك طبعا

[عاشق الرومانسيه]

بحر طبعا بتفق مع كلامك جدا واشكرك على طرحك نقطه كنت نفسى اتكلم فيها ياجماعه فعلا والله العظيم انا ممكن ادخل اى قسم الاقى عضو عامل (9 ) او (10 ) مواضيع فى نفس اليوم وبيشتكى ان مفيش حد بيرد طيب اعمل موضوع (1 ) ويكون كويس وهادف واكيد هيبقى فى رد لاكن الاقى لك مواضيع كتير طبعا مش هيبقى فيه رد لكل المواضيع ولو رديت عليهم كلهم مش هيبقى فى وقت ارد على باقى مواضيع الاعضاء فيا جماعه بجد كثرة المواضيع فى اليوم الواحد واكثرهم والله بيبقوا مكررين دى بتبقى مشكله كبيره ، اسف جدا انى طولت عليكو ا بس حبيب اقول رأى فى الموضوع اللى طرحته لنا سما اللى بشكرها جدا على هذا الطرح المميز وبقولها ياريت ياسما يكون فى مواضيع من دى كتير لان المناقشه بتقربنا من بعض وبتخلينا اسره واحده اشكرك واسف للاطاله

[كابوس الحرامية]

والله يا جماعه انا ليا رأى هو فعلا احنا بقينا بنهتم كتير بمواضيع قسم الفرفشه والحب بس احنا لينا اعذارنا لاننا من الضغوط اللي علينا بنبقى عايزين شيء جديد يفرحنا او يضحكنا ايوة بقى فيه مواضيع مكررة انا بحاول عن نفسي على قد ما اقدر مكررش ومعتقدش اني حطيت موضوع مكرر ياريت نحاول نتصفح المنتدى بشكل اكبر لجميع اقسامه قبل منضع اي موضوع لان دة حيفدنا بالتجدد والاستمراريه بس في وسط كل المواضيع المكررة بنلاقي ان فيه مواضيع كتير برضه مهمه بتنزل على المنتدى احنا بس محتاجين نعمل تغير شامل للمنتدى من خلال الاعضاء كل واحد يحاول يدور على الجديد دايما والمفيد احنا مبقاش عندنا طاقه اننا نبكي عشان كدة لما بندخل المنتدى بندور على شيء يسعدنا لكن ان شاء الله كلنا حنحاول نرفع حالة الملل الموجودة بالمنتدى ونجدد دايما في مواضيعنا وردودنا ..الله معكم

[yara]

بجد يا طيف دا موضوع مهم اوى اننا نناقش ليه الملل الى حدث فى الكافيه
انا بصراحه حاسه ان دا حصل نتيجه لغياب اعضاء كتير كانو مؤثرين جدآ ف الكافيه بمواضيعهم الهادفه والى فيها مايدعو للنقاش
من الاعضاء الى اختفو والى اثرو جدآ زى احمد الزعيم وورقه وريم بحبك يابوى وعفان والعوامى وتيمور وعصام نت وسراج والاستاذ الصباغ وزيد وماج مان ومريومه وهمسة ولاء وايويا ونجم النجوم واحمد عمرولولو وحبيبه وهوبا والخواجه شمس الاصيل روزى ماجيك ومورا وتريكه وشيكو وزا لوست محمد وعصام نت وناس تانيه كتير
احنا بس محتاجين نعرف ان المنتدى يعنى مكان بيتجمع فيه الاشخاص لوجود مجال للحوار وتبادل الخبرات والثقافات وعرض وجهات النظر المختلفه فى مواضيع مختلفه و المجتمع ملىء بالقضايا الى محتاجه للمناقشه
وميرسى يا طيف لمواضيعك الجميله

[عمر الحلفاوي]

عاوز اقلكم حاجه انا عمر الحلفاوي ممكن نتكلم في حاجه مهمه زي الازمه الاقتصاديه ومرورها علي فات العمل زي التجار والموظفين والعمال واصحاب الشركات والمصانع والاستيراد والتصدير ومين اللى هينضر في الازمه دي ومين اللى مش هينضر ممكن توضحولي وكمان الحكومه هتسكت ولا لا

[نور نور]

انا بقي اتخنقت من ان التوقيع كل شويه بيتحذف مش عارفه ليه مع ان الصور بتبقي عاديه وكمان مواضيع بتتشال من غير سبب وطبعا الردود بتبقي شويه علشان ممنوع اننا نتناقش في الموضوع يبقي الرد هيبقي نااااايس توبيك واللي عامل الموضوع يرد عليه ميرسي علي مرورك نورت
وده طبعا ملل وشلل وكل حاجه حلوووووووووة

[esra2]

أحياناً ممكن الواحد يقول أن المنتدى ممل أما يتعب فى كتابة موضوع ويلاقى عدد الردود و المشاهدات زى ما هو و يلاقى لو حد حاطط صور مثلاً لأليسا الردود 100 و بتحصل

[جنرال الحب]

طب ممكن اطل طلب لصاحب المنتدى

ينزل شات للمنتدى عشان الاعضاء والمشرفين يكثروا من دخولهم حتى يكون مبنهم ترابط وصحبية كبيرة

ارجوا الرد على موضوع الشات ده

[~ man neO ~]

البعض الاخر يقول السبب عدم تفاعل الاعضاء في الردود والنقاش

والبعض يرى ان الاعضاء انفسهم لا يتفاعلون مع مواضيعهم بالشكل المطلوب

هوده يا سما اللى انا اراه بصراحه فى المنتدى

[طيف عابر]

فعلا هو بقى ممل اوووووووووووووي

واهي الاختبارات خلصت واحنا دلوقتي في ايام عاديه من الدراسه

وبرده ممل ومفيهوش جديد

دا واللهي في امتحانات الترم الاول كان احسن من دلوقتي

ايه الحل يعني ؟؟؟؟؟؟؟

وميرسي ليكي اوي يا استاذه سما لطرحك الموضوع

تحياتي ليكي

مشكور جداااااااااااا للمرور
والحل معنا وبادينا نحنا

الاقتراحات الموجودة مكن نلخصها باخر الموضوع ونحاول نعملها ونشوف

وان شاء الله خير