المدير العام ضيفنا علي كرسي الاعتراف

[علي مدكور]

يا عيني
قفشوك يا برنس؟
لا وبيتخانقوا ع اللي يعصرك يطلع منك احداث صغيرين
ملكة زماني شدي حيلك انتي ونهي
منور يا ابو علوة والله
والله شكلك جامد ع الكرسي

عقبالك يا سراجه
وهيقوموا معاك بالواجب واكتر

[علي مدكور]

بشكرك على اجاباتك يا علي واطمن مش حسال تانى خلاص

حج سراج منور يابا الحجخليك محضر خير
والله نفسي اقعدك على الكرسي دة بس الصبر

ههههههههههه لأ اسألي براحتك ... بهزر اكيد

[علي مدكور]

تصدق انا هشارك في الموضوع ده بالذات لازم برده يا علي تاخد واجبك معانا
ديفل
انا هسألك 5 اسئله في كل مرحله (القوانين بتقول كده ) واحتمال يكون في 50 مرحله يعني هتلحق تخلص قبل ما ابنك المستقبلي يدخل الجامعه
بس جاوب انت بسرعه

1_ عمرك بعت حد شاريك؟ (يعني غدرت بحد؟)
الله يسامحك

2_ تقول ايه لاعضاء مصراوي (بخصوص قوانين المنتدي)؟
هقولهم زي الضرايب .. مصلحتك أولاً

3_ علي في معاملتك لاصحابك ايه اكتر حاجه بتدايقهم منك؟
ابقي اسأليهم

4_ في حياتك كام قصه حب (طبعا ده غير بابا وماما ماشي)؟
واحدة

5_ مين اللي تسمحله يشوف ضعفك؟ ( غير ماما)
نـفسي

[علي مدكور]

السلام عليكم ورحمت الله

وعليكم السلام ورحمة الله وبركاته
__

انت شايف انـ الاغاني حرام .؟ و علل الاجابه ؟

هو حد قال هي مش حرام ؟ بس بالنسبة للاغاني مش خطورتها فى انها اغاني
خطورة الاغاني انها بتنهي عن ذكر الله ؟
يعني ممكن بدل ما تقول آية .. تقول ؟؟؟؟؟؟


ايه الحاجه الـ ممكن تنزل دموعك ؟

واحد مظلوم حقه رجع ..
اي موقف بقي زي كده

وايه اكتر صفه فيك بتعجبك ؟

الصبر .. بس فى نفس الوقت ممكن فى اوقات مش بعرف اصبر ..

***

[علي مدكور]

هههههههههههه

بصراحة انت صعبت عليا

عشان كدا مش هسألك الا سؤال واحد


انت ازاي وامتى أنشأت المنتدى دا ومين كان صاحب الفكرة
ازاي دي عادي زي اي منتدى فى الانترنت ...
الفكرة موجوده من زمان كان عندنا منتدى قبل ده بس اسمه مكنش عاجبني
وبعدها حجزت الأسم ده وبدأنا نشتغل عليه

وعلى كدا بقى انت سنك كبير؟وهل انت شخصية مُتسلطة
عادي كبير او صغير --

وهل ليك اصحاب في الكافيه تعرفهم شخصياولو فيه هُـمّا مين
معظم الكافيه اصحابي .. واعرفهم معرفة شخصيه
هما مين عايزه صفحة لوحدها

وهل اتعرفت على حد في الكافيه وخدك الفضول انك تشوفهولو فعلا هل شُفته

اكيد نفسي في شخصيات كتير هنا محترمه

وايه رأيك في صداقة الولد والبنت؟وهل تلجأ أحيانا للكذب؟
PaSS

ابقى بقى جاوب ع السؤال الواحد دا

آاا كنت هنسى....

أحب أعزيك في وفاة باباك واخوكوربنا يخليلك ماما

واحب اشكرك على مجهودك في الكافيه

يالله بقى تصبح على خيـــــر

لما أصحى بقى ابقى اسألك السؤال التاني

. .

[علي مدكور]

السلام عليكم ورحمة الله وبركاتة
وعليكم السلام ورحمة الله وبركاته
استاذ علي ارجوا ان تكون في تمام الصحة
الحمد لله بخير وحضرتك ؟
وكل عام وانتم بالف خير بمناسبة عيد ميلادك

ودائما اتمني لكم الصحة والسعادة
وحضرتك بخير

سؤال واحد فقط و رأي وتعليق

السؤال

ياريت تعرفنا بحضرتك اكثر
يا ريت حضرتك تسأل ان عايز تعرف اية عندي بالظبط وان شاء الله اجاوبك اللى ممكن اقوله
الرأي

مارأيك لو يتم ترشيح واحد أو أكثر من الأعضاء

لنقد وتصحيح ما يكتب بقسم إبداعات الأعضاء
الفكرة جميله بس لازم الشخص ده يكون اد المسؤولية دي
الرأي

ما رأي حضرتك في الأعضاء التي يتم إلغاء عضويتهم

من قبل الادارة في مخالفات سابقة ويعودوا ثانية بأسماء اخري

هل ممكن تكون هناك رقابة علي مثل هؤلاء

المتطفلين

بيتم ايقاف العضو نهائياً فى حالة سب عضو او الاصرار على مخالفة شروط المشاركة
ولو اشترك تاني بعرف
تقدرياً بنسيبه فى المنتدى او بنتطرد تاني



واخير تقبل تحياتي

وتقديري

محيى زقزوق

. .

[انتهينا]

بخ بخ بخ بخ بخ بخ

اناااااا كييييييييييت

انا عارف اني اتأخرت و اكيد انت كنت مستنيني

بص يا سيدي انا هسألك خمس اسئله بس ..مش عشان انا طيب ولا حاجه لأ دا انا مفتري بس عشان هي دي القوانين

السؤال الأول /

ما هي طموحاتك ؟ وهل حققت جزءا منها ؟

السؤال التاني /

هل هناك احد من الاعضاء تود التقرب منه اكتر ؟ ومن هو ؟ ولماذ ؟

السؤال الثالث /

ماذا يكون ردود فعلك عندما يتجاهل شخص معين وجودك ..؟خصوصا اذا كان هذا الشخص يمثل شي بالنسبة لك.

السؤال الرابع /

الى اي مدى يؤثر كلام الاخرين فيك ؟


السؤال الخامس /

جريمة عاوز ترتكبها - غير ضربي بسبب الأسئلة - ؟؟

لي عوده بإذن الله
عشان هوحشك اكيد

[علي مدكور]

بخ بخ بخ بخ بخ بخ

اناااااا كييييييييييت

انا عارف اني اتأخرت و اكيد انت كنت مستنيني

بص يا سيدي انا هسألك خمس اسئله بس ..مش عشان انا طيب ولا حاجه لأ دا انا مفتري بس عشان هي دي القوانين

السؤال الأول /

ما هي طموحاتك ؟ وهل حققت جزءا منها ؟

طموحي اني احقق كل طوحاتي - يعني اكون احسن من اللى انا فيه
واكيد كل فترة بيتحقق جزء منها


السؤال التاني /

هل هناك احد من الاعضاء تود التقرب منه اكتر ؟ ومن هو ؟ ولماذ ؟


PASS

السؤال الثالث /

ماذا يكون ردود فعلك عندما يتجاهل شخص معين وجودك ..؟خصوصا اذا كان هذا الشخص يمثل شي بالنسبة لك.

يتجاهل وجودي ازاي يعني ؟
انا فى الكافيه بعتبر نفسي كأي عضو لسه مسـجل يعني مش علشان صاحب الموقع يبقي لازم 200 رد ولازم كله يكلمني


السؤال الرابع /

الى اي مدى يؤثر كلام الاخرين فيك ؟
النقد يأثر فيا كتير وبحاول اشوف فعلاً انا في الحاجة دي ولا لأ ولو الحاجة دي غلط احاول اصلحها


السؤال الخامس /

جريمة عاوز ترتكبها - غير ضربي بسبب الأسئلة - ؟؟

مفيش حاجة ببالي دلوقتي صراحة

لي عوده بإذن الله
عشان هوحشك اكيد

ترجع بالسلامة ...

. .

[كابوس الحرامية]

السلام عليكم ورحمة الله وبركاته

ازيك يا علي

اكيد عندك امتحانات ربنا معاك

::انا ليا سؤالين اتنين بس::

اول سؤال ايه اكتر قسم بتحب تبقى متواجد فيه بالكافيه(غير قسم الشكاوى طبعا)


:::::::::::::


ايه اكتر شيء مضايقك اليومين دول في الكافيه


بس كدة

[shiro]

أنا عضوة جديدة هنا و محدش يعرفنى ولا أعرف حد بس هسأل بقا
رخامة

أول حاجة أحب اقولك إن المنتدى حلو اوى
و أبدأ بقا بالأسئلة

إنت أهلاوى ولا زمالكوى ؟؟

لو معاك ممحاة ماذا تمحي من حياتك ؟؟
لو معاك قلم ماذا تكتب ؟؟
أختار 10 أعضاء بما إنى معرفش حد هنا
و أعطى لهم لقب ..


خد بق عصير و بعدين كمل إجابة علشان متقولش عليا بخلة ولا حاجة



أكلتك المفضلة ؟؟
مشروبك المفضل؟؟
بلد نفسك تزورها ؟؟
ماذا تعلمت من الحياة ؟؟
حلم كان نفسك يتتحق و متحققش ؟؟
أكتر صفة بتحبها فيك ؟؟
أكتر صفة بتكرهها فيك ؟؟
من رأيك بكاء الرجل ضعف أم إحساس ؟؟

و أخر سؤال
تقول إيه فى واحدة رخمة دخلت منتدى متعرفش فيه حد
لقيت واحد قاعد على كرسي الأعترافات و فدخلت و سألته
و ناوية تدخل و تسأله تانى