يا رتنى ما كنت عملت كده

**شيري العسولة** · 15 - 6 - 2009, 09:12 PM

كتير مننا بنقول الجمل دى :

يا ريتنى ما شوفتك
يا رتنى ما كونت دخلت الكلية دى
يا رتنى ما زعلتك

يا ريتنى ...........
يا ريتنى ....................

كل جملة من الجمل اللى فوق دى بتمثل نتيجة للقرار اللى انت اخدته بمحو ارادتك من غير
ما حد يقولك اعمل ده و متعملش ده

بمعنى ان اى قرار فى الدنيا انت اللى متخذه و طبعا كلنا عارفين كده
بس اللى متعرفهوش انك لما تقول كلمة " يا ريتنى " على طول تعرف ان القرار اللى انت اخدته
قرار خاطئ 100 % و قرار غير رشيد و انك اتسرعت

طب يا ترى ايه هوه القرار الرشيد ؟؟؟؟؟؟؟

فكر كده

فكر شوية

خلاص خلاص انا هقولكم لحسن تضربونى

القرار الرشيد : معناه انك لما تتخذ القرار متندمش عليه فى الاخر , و ده اهم شرط عشان يكون القرار
بتاعك صحيح 100 %

و كمان فى حاجه هزودها فى تعريف القرار هوه ان القرار بيعنى تصرف انسانى مستقبلى
بمعنى انك لما تيجى تاخد قرار بيبقى عندك النية و الاصرار فى انك عايز تنفذه , لكن ليس فى
الوقت الحالى و انما فى المستقبل

عشان كده لازم نتروى فى اتخاذنا للقرار عشان منندمش فى الاخر و نقول يا ريت اللى جرى ما كان
و زى ما فى مثل بيقول " قبل ما الفاس تقع فى الراس "

و قبل ما مامشى عايزة اوضح القرارات اللى لازم ناخد وقتنا كله فى دراستها و منتسرعش فى اتخاذها :

- قرار الزواج
- التخصص فى التعليم : علمى او ادبى ............ و ده بخصوص ثانويه عامة ( لأنه بيحدد مصيرك )
بالنسبة لأختيار الكلية و القسم المراد التخصص فيه لأنه ده اللى هتكمل بيه
مستقبلك ان شاء الله

ممكن يكون فى قرارات تانيه محتاجه منك شويه تروى , بس انا مش متذكرة غير اللى انا قولتهم
لأنهم بجد اصعب قرارات ممكن تتخذها و محتاجه تركيز و دراسة قبل ما تنفذها

يا رب مكونش طولت عليكوا و لا اصابكوا نوع من الملل
و بتمنى انكوا تكونوا استفدتوا بالموضوع

شــيري