أنا عندى إقتراح.....................

[طيف عابر]

الله يكون في عون بابا عليكم بصراحة انتو من هلا ابتديتو مشاكل



وبتعايروا بعض

[ساندرا]

موافئة بردو ونحنا ما عنا بابا وبنتمنا يكون بابا احمد الصباغ بابا
والله يطول عمرو ويخليه لولادو
والله يخليلنا ماما يا رب ويطول عمرا
وماما شمس
ميرسى اخى عوامى

[احمد الصباغ]

هو على مدكور مش هنا والا ايه ؟؟؟؟؟؟؟؟؟؟؟؟
مجرد سؤال !!!!!!!!!!!

[MagMan]

اولا: انا موافق جدا ...

فكره اكثر من رائعه ...

ثانيا : احنا اخترنا اكبر شخصيه في المنتدي وهو الاب الروحي للمنتدي وده طبعلا لانه ليه خبره في الحياه اكثر من اي شخص اخر ...

بس انا ليا اقتراح بخصوص ماما ...

مع كل احترامي وتقدير لفكر وشخصيه شمس الاصيل ..

انا بقترح ان تكون ماما الكافيه هيا ماما ساجده ...

وده طبعا هيكون شرف لينا كلنا ...

وذلك لانها اكبر شخصيه نسائيه موجوده معانا ..

وده اكيد هيكون عندها خبره اكبر من كده ..

ده ان لم يكن عندكم مانع ...

تحياتي ليكم ..

وفكره رائعه مره اخري عوامي ..

مجتهد طول عمرك ...

[نجم النجوم]

فكرة حلوة ونسميها أسرة مصراوي كافيه
أو البيت بيتك ... أو أي شيء أنتم تقترحوه

[الجشع]

لقد وصل الجشع بعد غيبة
انا سايبكم تقترحوا وتغيروا رأيكم من بدرى
مش كده وبس ده انتو كمان عملتوا استعارة لأبى اللى ماليش غيره فى الدنيا
على العموم انا اتمنى ان يكون كل الاباء فى حكمة وعقل وخفة دم ابى
طبعاً بما انى جشع المنتدى فكل واحد وواحده يطلع ثمن الاستعارة
على فكرة اقتراح فوق الرائع
بما ان محدش بدأ بطرح اى مشكلة
ابدأ انا فأعيرونى عيونكم وقلوبكم لحل هذه المشكلة
لى صديق متزوج وله اخ اكبر منه ملتزم دينياً جداً ,يعول اسرة مكونة من 5 افراد,الابن الاصغر عنده 10 سنوات هذا الابن فاجىء الجميع بأنه يسرق الاموال من ابيه ثم بدأ يسرق من اعمامه وعماته وجميع الموجودين بالمنزل لدرجة انه اخر مبلغ قام بسرقته هو 5000 جنيه من والده .
قام الجميع بمقاطعته وعدم الكلام معه, وقاموا ايضاً بضربه وتعنيفه بشده
حتى وصلت بأبيه انه فكر بقيام الحد على ابنه
انهم فقط يتمنوا أن يصلوا الى حل لهذه المشكلة
على جميع اعضاء المنتدى ابداء اقتراحات الحلول لهذه المشكلة بشكل جاد وبسرعة
ملحوظة :الولد بياخد الفلوس ويخبيها مش بيصرفها واعترف بسرقة الـ5000 جنية منذ شهرين وغير راض ان يكشف مكانهم حتى الان .
ماذا تفعلون لو كنتم مكان اهل هذا الولد؟؟؟؟

[احمد الصباغ]

منتظرين موافقة الاخت شمس الاصيل
لعل المانع خير

[احمد الصباغ]

مرحبا بالابن الغالى الجشع
بالنسبه لحل هذه المشكله يتلخص فى ما ياتى
اولا: تقريبا والله اعلم هذا الولد اما يكون منطوى على نفسه او مهمش او ليس لديه صديق فى العائله وفى هذه الحاله يجب اندماج هذا الابن فى اى رياضه او اى نشاط
وكذلك يحاول افراد العائله الاهتمام به ومحاولة صداقته والقرب منه ومعرفة افكاره واصدقائه فربما يكون منهم صديق سوء يحرضه على ذلك
ثانيا: ربما يكون الوازع الدينى غير موجود وعلى هذا يجب افهامه الامور الدينيه وذلك باسلوب صحيح بعيدا عن المغالاه والتعقيد والتأكد من قيامه بأداء فروض دينه كالصلاه
ثالثا :استخدام مبدأ الثواب والعقاب فى التعامل مع مثل هذه النوعيه من السلوك وذلك لعدم تماديه فى السلوك الخاطئ ومعرفة انه كلما سرق فسوف يكون هناك عقاب مع زيادة العقاب فى كل مره
ولا ننسى الدعاء له ان يهديه الله الى الطريق المستقيم

[شمس الأصيل]

السلام عليكم ورحمة الله وبركاته

معلش يا جماعة اتأخرت شويتين تلاتة

بس زي ما بنقول في بلدنا كل تأخيرة وفيها خير ان شاء الله

أولا الفكرة جميلة جدا ومن ناحية نجاحها فنجاحها مضمون مية في المية

احنا الشعوب العربية وخاصة المصريين مشكلتنا قلوبنا

والشباب مشاكلهم ملهاش نهاية

ده غير ان الفكرة اتجربت في منتديات كتير تانية وناجحه جدا

نيجي بأه للمهم تنفيذ الفكرة

** أولا لازم يكون فيه ضوابط للقسم ده

وده طبعا محتاج للمناقشة من الجميع ده في حالة موافقة أخونا الفاضل علي مدكور

اللي ملاحظة انه ما دخلش للموضوع لغاية دلوقتي

أعتقد انه بيراقب الردود وآراء الجميع ومستني يشوف الأعضاء هيوصلوا لايه

وبعدين يناقش الكل

**ثانيانيجي للمسميات

بالنسبة لاسم ماما وبابا أنا شايفه انه تقيل شوية

أنا شخصيا لو بنتي قالت لحد تاني غيري يا ماما حتى لو كان على النت

أعتقد ساعتها اني هشرح لها ظاهرة خسوف الشمس عملي

مش عارفه لو ان المسميات تكون كده

أم مصرية

أب مصري

يكون أفضل

تنكير الكلمات على الاطلاق بيدي معنى مجمل

وبيوصل للقلب و فيه مصداقية أكتر

أما اسم القسم

فمن كلام الجميع أعتقد اننا ممكن نجمع الآراء في اسم واحد

قلوب مصراوي كافيه

لأن مصراوي كافيه متجمع فيها مش بس مصريين

لكن عرب كمان

يعني نعتبر نفسنا دولة داخل الوطن الأم

دولة مصراوي كافيه وشعب مصراوي كافيه

**أما بأه

من ناحية شخصية الأب فواضح ان فيه اجماع ماشاء الله

أما شخصية الأم

وعلى حسب ما قرأت جميع الآراء فيه شخص مختلف في الرأي

والاختلاف بيخلي للمناقشة طعم

أنا بأه أقول رأيي

طبعا الاختيار لا يعتمد على السن ولا الأقدمية
الاختيار بيعتمد على حاجتين

عقل متزن +حب من الجميع

ده الأساس

عشان تحكم على شخص لازم تكون تعرفه

وأنا هنا لسه جديدة مشاركاتي عندها أنيميا حادة جدا

أعتقد ان الموضوع ده عايز تفكير شوية من الجميع

شمس الأصيل عضو جديد

الحب في الله محتاج تعامل بيننا وبين بعض

أنا والله مش رافضة أنا مستعدة أساهم زي ماتقولوا أنا معاكم

لكن أنا ليه مبدأ

أحب لما أمشي أبص على الأرض اللي أنا ماشيه عليها

أحب أتأكد من ثباتها

عشان أقبل شئ كبير زي ده

لازم يكون بيني وبين الجميع هنا معرفة طيبة

يعني نفهم بعض

عشان يقدورا يقبلوا كلامي

لو شفت واحد في الشارع ماشي جنبك وانته لابس كرافت أخضر على بدلة كحلي
وقال لك الكرافت دي مش مناسبة ياترى هتقبل كلامه ولا هتنطش وتسيبه وتمشي

لكن لو بينك وبينه معرفه طيبة

وكنت لابس الكرافت مناسبة جدا للبدلة وقالك
حاسس انها مش لايقةعلى بقية الطقم اللي انته لا بسه أكيد هتبص في المراية ألف مرة

النيصحة أتقل حاجة على ودن الانسان عشان كده لازم تاخدها من شخص انته مستريح له

تخيل نفسك في مطعم وبتطلب واحد نصيحة

هتشوفها على حسب اللي بيقدمها لك

يعني ياااااااا هتشوفها حتة جاتوه بالكريمة

يااااااا هتشوفها صراصير بالشكولاته

وعلى فكرة أنا من يوم مادخلت المنتدى هنا وحقيقي أنا حسيت اني في وسط أهلي

وكفاية اني لاقيت الثقة دي من اخوات طيبيبن لسه يادوب بنعرف بعض

شكرا يا العوامي

وربنا يبارك فيك

وفي كل اخواتنا هنا

بارك الله فيكم

حياكم الله

[dr_manoon]

الام المصريه القديره شمس الاصيل بصراحه كلامك عاقلللللل اوى جدا وانا معاكى فيه وحسه انك ممكن تساعدينا كتيررررر اوى
والله احنا بجد محتاجين حد يفهمنا ويقرب من مشاكل جيلنا
وبما ان حضرتك بتعايشى مثل ظروفنا مع ابنائك وبتبدى لهم النصح حسه انك هتساعدينا اوىىىىىى مش عارفه ليه
واقتراح رائع ياعوامى تسلم ايدك جدااااااااااا