اهانه الحكومه للشعب بلا قتله .....!!!!!

[هشام اللول1]

قامت قوات الشرطة بالاسكندرية بتعذيب الشاب خالد محمد سعيد حتى الموت على خلفية رفضه السماح للشرطة بتفتيشه بلا سبب أثناء مداهمة مفاجئة لأحدى مقاهى الانترنت بالاسكندرية.
خالد محمد سعيد صبحى(28 عاما) مات وسط زهول الجميع ,وصمت الجميع!!

خالد لم يكن أرهابيا مطاردا تطلبه الشرطه -حيا او ميتا- ولم يكن يمثل خطرا على اى شئ فى الحياه ,التى فارقها دون ذنب ,او جريمه
بداية الحكاية
كعادته ذهب خالد "الى نت كافيه" بشارع بوباست,بمنطقة كليوباترا,التابعه لقسم شرطة سيدى جابر!! واثناء جلوس خالد فى "النت كافيه" لاحظ دخول مخبرين يفتشون رواد الكافيه بغلظه لم يقبلها خالد مبدئيا امتعاضه فقط .. ..وقبل ان يبدى خالد اعتراضه على الأجراء التعسفى ,سحبه المخبر محمود الفلاح من ملابسه وصفعه على وجهه,لم يكذب عوض المخبر الأخر زميله الفلاح و انهال على خالد بالصفعات ,واللكمات,حتى سقط الشاب خالد على ارض النت كافيه وسط زهول الجميع من رواد الكافيه واصحابه..فجأه امسك أحد المخبرين برأس خالد ,وظل يرطمها فى رخامه بالمقهى ,حتى فقد خالد الوعى ,وسالت الدماء من فمه ووجهه ,بينما اصحاب المقهى يتوسلون للمخبرين بالتوقف عن ضربه , فسحبه أحد مره أخرى الى مدخل عقار مجاور للمقهى وأنهالوا عليه ركلا وضربا ورطما لجسده بمدخل العقار وبوابته الحديديه ..خالد كان يلفظ أنفاسه الاخيره ,بينما الجناه يحملون جسده النحيل ويلقون به داخل سيارة الشرطه ,التى انطلقت به بعيدا عن عيون الناس والشهود وعادت بعد مده بسيطه لتلقى بالجثه فى قارعة الطريق!!

ردود و لأفعال

ربما ينتظر الجميع رد فعل لمعاقبة الجناة لكن الحقيقة أن ردود الفعل كانت لحمايتهم فقد انتشرت مباحث سيدى جابر بالمنطقه ليس بحثا عن الجناه ,بل بحثا عن محمول مزود بكاميرا التقط صورا للجناه وللجريمه البشعه التى اقترفوها.. ..مباحث سيدى جابر ,مارست كل أنواع الضغط لأثناء شهود الواقعه عن الأدلاء بشهادتهم على تفاصيل ما حدث ,بل استعانت بعدد من "تجار الوصله" ليكونوا شهود نفى لحماية المخبرين من العقاب على جريمتهم البشعه!!..ورغم هذا الأرهاب شهد بعض شهود الواقعه على تفاصيل الجريمه البشعه

أسرة تعيسة

حررت اسرة القتيل عريضه للنيابه العامه برقم 1545, بتاريخ الاثنين 7يونيو 2010 وقررت النيابه استدعاء الطبيب الشرعى ,الا أن الجناه مازالوا طلقاء يعبثون بالادله ويرهبون الشهود!!..هذه الواقعه الخطيره المعفره بتراب الواقع والملوثه بدماء الشاب خالد نهديها لكل الشرفا ء فى هذا الوطن وكل المؤسسات التى تدعى حمايتها لحقوق الأنسان

اللهم انتقم من النظام الفاسد الحاكم
ضيعوا شبابنا وضيعونا منهم لله
اشهد يا تاريخ علي عصر مبارك
عصر الفساد والدمار
البلد اتدمرت اتدمرت
هي عايزة ايه الحكومه
هو عايز ايه النظام
هما عاوزين ايه من الشعب


اللي مش عاجبه
يقولي يرضيه لنفسه ولا يرضيه لاخوة

لكم الله ياشعب الاحرار

[mohamed_2011]

جريمة قتل خالد رسالة واضحة لاي مواطن مصري فاكر انه لما يمشي جنب الحيط او حتى جوة الحيط انه هايبقى في امان. أبدا عمرك ما هتشوف الامان طول ما قانون بلطجة الشرطة المعروف خطأ باسم قانون الطوارئ معمول به. لذا لا بديل سوى ايقاف العمل بقانون الطواريء لا بديل عن التوقيع على بيان محمد البرادعي معنا سنغير
https://www.taghyeer.net/

[هشام اللول1]

جريمة قتل خالد رسالة واضحة لاي مواطن مصري فاكر انه لما يمشي جنب الحيط او حتى جوة الحيط انه هايبقى في امان. أبدا عمرك ما هتشوف الامان طول ما قانون بلطجة الشرطة المعروف خطأ باسم قانون الطوارئ معمول به. لذا لا بديل سوى ايقاف العمل بقانون الطواريء لا بديل عن التوقيع على بيان محمد البرادعي معنا سنغير
https://www.taghyeer.net/

نورتنا يامحمد
نورت المنتدي ونورت صفحتي المتواضعه

خلاص الحكومه بقيت ايديه طايله لو فعلا جوة الحيط بتجيبك بس بمزاجه هي
يعني مخالف مش مخالف حسب مزاجهم بقي

اما بالنسبه للتوقيع انا عارف برده انه مش منه فايده لان الامن مستتب ومدعم عند الرئيس
علي العموم
انا وقعت من زمان وكلمت ناس كتير قوووووووي ووقعوا معايا بس يارب علي فايده

تسلم يامحمد
بارك الله فيك وحفظك
ودمت بخير وصحه وعافيه وسعاده وراحه بال وود
وياريت نشوف مواضيعك وردودك

[محمود سمير]

ربنا يرحمه

[هشام اللول1]

ربنا يرحمه

نورت يا محمود
اللهم ارحمه وصبر اهله
واللهم ارحم المسلمين والمسلمات الاحياء منهم والاموات
بارك الله فيك محمود وحفظك

[قطقوطة]

ايه دا؟
برة مصر كمان جواها؟
ومن غير ذنب؟
ايه الجبروت دا
ياسااااااااااااااااااااات ر
اعذرنى انا مش عارفة اعبر عن مدى انزعاجى باللى بيحصل وهيحصل فينا
ربنا يصبر اهله
ربنا ع القوى والظالم

[الحريه]

حتى المخبرين بئه ليهم قوة فى البلد لا حول ولا قوة الا بالله

تعرف يا هشام الولد ده فكرنى بولد كان قاعد على كافيتريا

عندنا فى بلدنا انتو عارفين الشباب بيكونو فى ساعه متأخره بره البيت

وبعدين الظابط وكام شويش ومخبر بيلفو بئه وبطاقتك وحاجات من دى

فالولد ده مش قبل المعامله اللى كان الظابط بيتعامل بها مع الشباب

وقالوه احنا مش مجرمين انت ازاى تكلمنا كده

رد الظابط بئه انتو عارفين ايه ياروح امك الولد امه كانت متوفيه مش بقالها

اسبوع تخيلو الولد عمل ايه ضرب الظابط حتة قلم على وشه

طبعا مسبهوش خدوه بس طلع بعد اسبوعين علشان الولد كان عنده حق

اقولك حاجه يا هشام هو مش كل البلد زى المخبرين دول فيه

اللى عنده ضمير برده وفى ناس من الشعب عينيها جامده وبتاخد حقها

وانا شايفه انك تكون اقوى من الناس دى وتفرض قوتك علشان يخافو

احنا فى عصر القوة والبلطجه ولازم تماشى العصر ده وده مش حرام

العين بالعين والسن بالسن والنفس بالنفس والدم بالدم

اسفه انى طولت

[hadede]

حسبنا الله ونعم الوكيل فى كل مسؤول

رأى او سمع اوشاهد او قرأ او نما لعلمه هذه الجريمة

ولا يتخذ ما يمليه عليه الضمير الحى

من اجراءات لمحاكمة الجناة

انهم لم يقتلوا خالد وحده بل يريدون قتل كل من يقول لهم لا

نريد العدالة

عدالة سريعة ونزيهة تقتص من الجناة القتلة فلسنا فى الغاب

دمت فى حفظ الله هشام

[دره]

حسبى الله ونعم الوكيل البلد دى لو ناسها مفقوش واتحركو هتصحى الصبح تلاقى الحومه ومبارك والناس فى المدافن
لكن نقول اه على الرغم من اللى بيحصل انا مصره انى مقفش جنب الحيط
انا ليه حق فى بلدى وهاخده غصب عن مبارك والحاشيه بتاعته ولو نهايتى على ايديهم ف "انا لله وانا اليه راجعون"
ارجع واقول ربنا يهدى الجميع

[SCREEM]

ياريت بس كل الي يخش يقرا الموضوع يقرا الفاتحه علي روحه قبل اي حاجه وربنا يرحمه ويصبر اهله

اهل خالد وا صحابه والناشطين عملوا أعتصام 12 مساء الخميس 10\6 أمام قسم سيدى جابر
بوجود صحافة و مصورين

و أصدر مأمور القسم بتصريح من الداخليه أمر بضرب و أعتقال كل المعتصمين
و ملمومين كلهم دلوقتى فى قسم سيدي جابر
و من ضمنهم صحافيه شابة و مصور شاب و محامي أتضربوا و كسروا الكاميرات و حبسينهم

وده لينك لخالد والي حصل قدام القسم

http://www.youtube.com/watch?v=8426rbrK8Kc&feature=player_embedded


واي حد بعد كده هيطلع يدافع عن الحكومه ياريت يحس علي دمه ويبطل المواضيع الخايبه الي بيعملها هنا عشان خلاص مفيش مبرر واحد ان حد هنا يدافع عنهم ولو بنص كلمه

27527_129237763772917_1572_n.jpg