عقد زواج عرفى

[العاشقة المجروحة]

التاريخ: يوم اسود مش فايت
المكان: مكتب خالد براءة المحامي

بند تمهيدي: يقر الطرفان أنهما في غير وعيهما وأنهما واقعان تحت سيطرة كلام العيال أصحابهم وأنهما غير واثقين في صحة قواهما العقلية، يعني من الآخر في الضياع ومش فارقة معاهم.

بند1: يعتبر هذا العقد بمثابة ورقة لا أهمية لها إطلاقا لأنها كتبت من الأساس على سبيل "الاشتغاله" ومن باب الضحك على الدقون ومن منطلق "عديها الناس لبعضيها".

بند2: مصير هذه الورقة هو التمزيق حيث أنه من المرجح أن يتشاجر الطرفين قريبا جدا وسوف يتنازعان أمام المحكمة قريبا جدا على وجود هذه الورقة من الأساس.

الطرف الأول
بنوتة أمورة مضحوك عليها شاب طيب خالص بيحب يتسلى
أو مبسوطة من الضحك عليها وهويلعب ببنات الناس

الطرف الثاني "الشاب الطيب".
اتفق الطرف الأول "البنوتة الأمورة" على أن تعيش مع الطرف الثاني "الشاب الطيب". ولو مفيش شقة مع الطرف الثاني وفلوسه مقصره حبتين ولم يجد شقة مناسبة، هتبقى ساعتين كل ما الظروف تسمح، وهي اتفقت على ذلك وهي سرحانة في كلام الحب والوعود ولا تدري الفرق بين الليل والنهار، وواثقة 24 قيراط في الطرف الثاني "أيوه طبعا واثقة في الشاب الطيب اللي بيلعب ببنات الناس"
والطرف الثاني اشترى خاتم دهب بتحويشة العمر التي كان يدخرها من المصروف اليومي الذي يتقاضاه من بابا نظير إقامته في منزل بابا ونظير أنه ابنه.
بعد أن وافق الطرفين قام الأصدقاء بعمل زفة محترمة للطرفين اسكندراني على البحر لما كانوا في رحلة الكلية من باب الإشهار برضه..
واتفق الطرفان على أنهما لن يلجأ أياً منهما للمحكمة في حال أنهما اتخنقوا من العلاقة والعيشة اللي بقت زفت، بل سيخرجان بالعرفي مثلما دخلوا بالعرفي.
وقد تعهد الشاب الطيب أمام الشهود أن دفنة الطرف الأول وخرجته على نفقته الخاصة وسوف تليق بها، وذلك عندما يعلم أهلها بأمر هذا العقد ويتولى أبوها بالسكينة الحامية، أو تبقى زي "هنادي" وياخدها الوبا. وبالطبع فإن الطرفين متفقين على أن نتاج هذه العلاقة مصيرها الإجهاض السريع ومش طالبة صداع، ولو مالحقوش يبقى هيترمي في الشارع أمام أي جامع "زي فيلم فيروز وأنور وجدي".
وتعهد الطرف الثاني أنه يسلم مصروفه كاملا للطرف الأول دون أن يخصم مليما واحدا منه، وتعهد بأنه سوف يتحايل على بابا حتى يزود المصروف بحجة أنه هياخد كورسات "كدبه بيضا".


*شاهد أول:
أحمد مزجنجي
وقعت على العقد وانا عامل دماغ

*شاهد ثان:
قرني المتولي
وماله يا عم بكره يشهدولي على عقدي


*الطرف الأول:
واحد اهبل..

*الطرف التاني:
واحده اهبل منه..

ملحوظة :
شرط جزائى : أذا تم ولم تنفذ البنود المذكورة اعلاه ( بند 1 , بند 2 )( وذلك شئ لبد منة ) يكون العقد باطلا ولا اساس لة من الصحة وسوف يتم انكار العلاقة من جهة الطرف الاول مع دفع التعوضات لة نظير ما اصابه من اضار نفسية وجسدية وعلى الطرف الثانى اللجوء للمحاكم ( ويحى العدل )

والله الموفق........... وبالرفاق من غير بنين

حد ناوي

[المستشار محمد]

السلام عليكم

هههههههههههههههههه

والله العظيم انتى رايقة جدا

وموضوعك جميل

وبعدين الاتنين الشاب فى السجن مدى الحياة

والام فى الاصلاحية فى سجن النساء بالقناطر الخيرية

والأولاد فى الأحداث

تحياتى

معالى المستشار

[بدر البدور]

بس ياريت الكلام ده البنات كلها تقراه وتحس انها بتقع هي واهلها في مصيبة من تحت الزواج العرفي وزواج الدم وانواع زواج غريبة
ياريت البنات تعرف ان الزواج العرفي اسمه الزواج التدمري للعائلة
وانا اشكرك علي هذا العمل الرائع
وجزاء الله كل خير

[العاشقة المجروحة]

السلام عليكم

هههههههههههههههههه

والله العظيم انتى رايقة جدا

وموضوعك جميل

وبعدين الاتنين الشاب فى السجن مدى الحياة

والام فى الاصلاحية فى سجن النساء بالقناطر الخيرية

والأولاد فى الأحداث

تحياتى

معالى المستشار

هههههههههههههههههههه
انت اللى ردك أجمل تسلم
بس على ما اعتقد مش هيكون فى سجن
هياخدوا اعدام على طول
لان حد فيهم هيقتل التانى
ويكون كدة افضل عشان نخلص منهم هما الاتنين

[العاشقة المجروحة]

بس ياريت الكلام ده البنات كلها تقراه وتحس انها بتقع هي واهلها في مصيبة من تحت الزواج العرفي وزواج الدم وانواع زواج غريبة
ياريت البنات تعرف ان الزواج العرفي اسمه الزواج التدمري للعائلة
وانا اشكرك علي هذا العمل الرائع
وجزاء الله كل خير

المشكلة ان البنات عارفين كل ده
بس متعرفش فى ايه مالهم
والزواج العرفى غير اللى هما بيعملوه ده
خااااااالص
لان الزواج العرفى بيكون موثق وليه شهود
وبعلم الاهل
شكرا ليك يا بدر
نورتنى

[حب العمر]

بجد موضوعك رائع تسلمى
انا رايى ان البنت هى الخسران الاول والوحيد فى كل هذا
اما الشباب فربنا يسامحمهم ما بيسيبوش حاجة ما بيعملوهاش عشان يوقعوا البنت فى شباكهم
طبعا الاول بيقولها ان هو بيحبها وبيموت فيها وانها اجمل بنت شافها فى حياته
وبعدين بيقولها ان انا عايز اعيش معاكى عمرى كله وان انا هتجوزك بس لما الظروف تسمح
وبعدين يقولها نتجوز عرفى لحد اما الظروف تتحسن وطبعا البنت اللى ايمانها ضعيف بتضعف وتوافق
نصيحة الى البنات يا ريت تخدوا بالكم ان كل الشباب دلوقتى بتوع اشتغالات اوعى تصدقى حد

[دره]

هههههههههههه
ربنا يكرمك يارب
بس والله حاجه تجنن
كان البنات دى عقلها بيضيع فى اللحظه دى
يلا ربنا يهديهم
ويريح بالك يارب

[thesniper_12007]

والله يا ندى انتي تناولتي موضوع هام اجتماعيا بطريقة ساخرة وفعلا شر البليه ما يضحك نفسي افهم حب ايه اللي جايه تقول عليه هيه عارفه معنى الحب ايه
الحب تضحية حتى الفناء في كل مراحل الحياه بلا استثناء ولكن أرى هنا أن الشاب لا يسمح بأي تضحية في مقابل خسارة البنت لكل شيئ شرفها وأسمها وبيت اهلها وعائلتها ومستقبلها وكل حاجه حتى الإحساس بالحياه
أشكرك يا ندى على تناولك الموضوع لعل البنات يفهموا حاجه
اللهم استر بناتنا وبنات المسلمين
وافر تحياتي وجل احترامي

[العاشقة المجروحة]

بجد موضوعك رائع تسلمى
انا رايى ان البنت هى الخسران الاول والوحيد فى كل هذا
اما الشباب فربنا يسامحمهم ما بيسيبوش حاجة ما بيعملوهاش عشان يوقعوا البنت فى شباكهم
طبعا الاول بيقولها ان هو بيحبها وبيموت فيها وانها اجمل بنت شافها فى حياته
وبعدين بيقولها ان انا عايز اعيش معاكى عمرى كله وان انا هتجوزك بس لما الظروف تسمح
وبعدين يقولها نتجوز عرفى لحد اما الظروف تتحسن وطبعا البنت اللى ايمانها ضعيف بتضعف وتوافق
نصيحة الى البنات يا ريت تخدوا بالكم ان كل الشباب دلوقتى بتوع اشتغالات اوعى تصدقى حد

غاليتى حب العمر
اولا احنا مجتمع شرقى لينا عادات وتقاليد
كلنا اتربينا عليها لكن لكل واحد فينا عقل
وعقله ده يا هيقوده للصواب ويريحه
يا هيتعبه ويوديه فى داهية
فعلا الشباب بيعمل زى مابتقولى كدة
بس فين عقل البنت وفين حياءها وخوفها من ربنا
حتى لو صدقته وبتحبه مينفعش انها تمشى فى الطريق ده
حتى لو هو كان صادق معاها وبيحبها ولو بيحبها فعلا مكنش قاللها نتجوز عرفى
الحلقة المفقودة داخلنا نحن وهى التمييز بين الصح والغلط وإلغاء العقل
شكرا لردك ومرورك الجميل

[العاشقة المجروحة]

هههههههههههه
ربنا يكرمك يارب
بس والله حاجه تجنن
كان البنات دى عقلها بيضيع فى اللحظه دى
يلا ربنا يهديهم
ويريح بالك يارب

اللهم امين
مشكورة ياقمر
نورنى مرورك العطر