مش رجوله منك خالص علي فكرهـ !

[بنوتــــــ كـــيــــوت ــــــة]

مش رجوله منك خالص علي فكره
.

- مش رجوله منك انك تروح الاستاد
قبل الماتش بـ8 ساعات بدري

في حين

انك بتنزل صلاه الجمعه في الركعه التانيه


-مش رجولة منك تعاكس واحدة ف الشارع
(أياً كان لبسها)

لمجرد انها لوحدها رغم انك عارف كويس جداً
انها لو كانت ماشية مع واحد عمرك ما هتعرف تبصلها

(أياً كان لبسها بردو)


-مش رجولة منك انك تبتسم ف وش خطيبتك أو زميلتك ف الكلية لحد ما يجيلك شد عضلي ف وشك وترجع البيت متحاولش تبص فـ وش أمك أو ابوك
أو حتى تكلمهم !!!!!


-مش رجولة منك تسقّط البنطلون ولما تتسأل ليه تقول بكل بساطة علشان حجره ضيق !!!!!!!!!


-مش رجوله منك انك تفضل ماسك السجاره طول اليوم وانت لسه بتاخد مصروف من ابوك


-مش رجوله لما تسمع اللي بيحصل في فلسطين وتقول وانا مالي لما يبقوا ييجوا مصر


- مش رجوله لما تبقي عارف انك غلطان وبتكابر لمجرد انك مش عايز تقول اني غلطان


- مش رجوله انك تكدب علي حد لمجرد انك تضحك


- مش رجوله لما تقف ساعتين تتخانق مع واحد صاحبك عشان هو اهلاوي وانت زملكاوي ..في حين انك مش هتقف خمس دقايق تكلم في مساله دينيه


- مش رجوله منك لما تقف تتجادل مع واحد اذا كان عمرو دياب احسن ولا تامر



- مش رجوله لما تضرب واحد اصغر منك في الجسم مع انك هتبقي كتكوت لو هو اكبر منك

حبتين مع انه نفس الموقف


-مش رجولة منك انك تتريق على اللي رايح

واللي جاي لمجرد التريقة وكل واحد فينا فيه العبر



-مش رجولة منك لما تكون قاعد فـ مواصلة وتلاقي راجل كبير مش قادر يقف ومتقوملوش....


-ومش رجولة خااااااااالص انك تكون ف نفس المواصلة وتشوف بنت أو ست كبيرة الناس عمالة تعدي من جنبها وتخبط فيها وانتا قاعد
كالثلاجة الباردة




الخ....الخ....ألخ




وعموماً......في ناس الكلام مش هيأثر فيهم لسبب


بسيط جداً

ان الرجولة ملهاش قطع غيار

[محمد فوزى1951]

موضوع جميل جدا ورائع ومنه نستنبط ثقافتك الواسعه وحسن تربيتك شكرا جزيلا ومش رجوله لما تقراء الكلام الحلو ده ومتغيرش نفسك

[بنوتــــــ كـــيــــوت ــــــة]

موضوع جميل جدا ورائع ومنه نستنبط ثقافتك الواسعه وحسن تربيتك شكرا جزيلا ومش رجوله لما تقراء الكلام الحلو ده ومتغيرش نفسك

بجد مرورك يااستاذ محمد اسعدني
لك احترامي
دمت بخير

[دره]

عندك حق والله يا توته
مش رجوله
ولسه فى بلاوى
ربنا يهدى الجميع
تسلمى يا قمر
مبروك الاشراف
تستحقيه عن جداره

[آيه محمد]

بجد كلامك صحيح
مش رجوله خالص
بس فيه رجاله كتير هتزعل منك
ولا يهمك نحن وراك

[thesniper_12007]

على فكرة كلامك جميل وموضوعك جميل جدا وده دليل على ثقافتك الواسعه وإدراكك للأمور الحياتيه
ولكن بالنسبة للجمله دي لي تعليق طريف حدث مع أحد زمايلي أيام الدراسه
ومش رجولة خااااااااالص انك تكون ف نفس المواصلة وتشوف بنت أو ست كبيرة الناس عمالة تعدي من جنبها وتخبط فيها وانتا قاعد


كان فيه شاب زميلنا قاعد في الأتوبيس جات بنت حلوه ومالت على ودنه وقالتله انا تعبانه ممكن تقف شويه عشان اقعد قالها اتفضلي بكل سرور
البنت مسحت مكانه بالمنديل وقعدت تضحك لدرجة ان كل الركاب كانو بيبصوا عليها قالتلهم اصلي قومت الخروف وقعدت
طبعا زميلنا كان بيغلي بس في الآخر دي بنت
المهم نزل بص تحت الكرسي فبتقوله فيه ايه قالها المحفظه وقعت مني ممكن بس لحظه قالتله اتفضل
قعد مكانها وضحك ضحك هستيري فبتقوله انت بتضحك على ايه قالها أصلي قومت الجاموسه وقعدت

موقف للضحك ليس أكثر
تقبلي مروري
وافر تحياتي وجل احترامي

[~ NORA ~]

بجد موضوع حلو اوي اوي ومفيد سلمت اناملك

[العاشقة المجروحة]

فعلا مش رجولة خالص
ولا انسانية كل دى سلبيات لازم نتجنبها
بارك الله فيكى

[بنوتــــــ كـــيــــوت ــــــة]

عندك حق والله يا توته
مش رجوله
ولسه فى بلاوى
ربنا يهدى الجميع
تسلمى يا قمر
مبروك الاشراف
تستحقيه عن جداره

تسلمي ياسوم للمرور
وشكرا على التهنئة الجميلة
مبروك ليك انت كمان الاشراف انت تستحقي اكتر من كده بكتير

تسلميلي ياقمر

[بنوتــــــ كـــيــــوت ــــــة]

بجد كلامك صحيح
مش رجوله خالص
بس فيه رجاله كتير هتزعل منك
ولا يهمك نحن وراك

شكرا ياقمر للمرور
مش مهم يزعلوا المهم يتغيروا
الكلام مش للكل
نورتيني