يابلدي الغربه عنك صعبه قوي
علي قلبي زي الشديد القوي
والواحد يقول انا قوي
لكن بجد يابلدي واحشني قوي
وعجبي
يابلدي في القلب لو من بعيد
ودايما في بالي وخيالي وانا وحيد
ودايما عقلي وذهني من غيرك شريد
يابلدي انا اللي سيبتك ولا انتي
اللي سيبتني اروح بعيد
وعجبي
ياشعب غلبان
من غير عشا بتنام
وكارنيهك قدام العسكري بيبان
وفي قسم الشرطه متهان
تسيب بلدك ولا تقعد فيه حيران
وعجبي
ياشعب في الجد ميه ميه
وفي الهزار برده ميه ميه
وللاسف ماسكك حكومه حراميه
مالهموش في الجد غير واحد علي ميه
وعجبي
ياشعب مالك
ايه بس اللي جرالك
كنت للظالم هالك
وعمرك ما كنت في حالك
ايه بس اللي رماك في المهالك
وعجبي
ياعم متخافش علي نفسك وسيبك بقي من الهم
لقدر الله في يوم وقعت واصبح حالك غم
وروحت المستشفي وطلبوا علشانك دم
سيبه علي الله
هتلاقي اهلك وناسك واصحابك حتي اللي متعرفهموش
كلهما بيجروا علشان يتبرعوا لك بالدم
وعجبي
ياشعب فراعين
علي نفسينا متفرعنين
ومع الظالمه الوحشين
دايما احنا الطيبين والمسالمين
وعجبي
التعديل الأخير تم بواسطة هشام اللول1 ; 4 - 6 - 2010 الساعة 03:16 PM
كلامات رائعه يا هشام
بارك الله فيك
وربنا يحفظك
كلام جميل يا عم ومبروك على الترقية
الوَجعْ أصّمَ ؛ الحَنِيَّنٌ أخَرسْ ؛ والشَوقْ لآ يٌرىْ
أصْدَقْ مَآنَشْعُرَّ بِهـ أصَعبَّ مِنَّ أنّ يٌروىْ ..~
البحث على جميع مواضيع العضو ~ NORA ~
وتحية لك يا هشام من عماد
و مهما هقول هيطلع كلام معاد
وبلدنا بنحبها واسألوا البنات والولاد
وملعون اللى باعها فى السر او المزاد
عايزين يا بلدى نفرح شبعنا من الحداد
مع خالص
احترامى وتقديرى
ان شاء يسمع منك ربنا
الوَجعْ أصّمَ ؛ الحَنِيَّنٌ أخَرسْ ؛ والشَوقْ لآ يٌرىْ
أصْدَقْ مَآنَشْعُرَّ بِهـ أصَعبَّ مِنَّ أنّ يٌروىْ ..~
البحث على جميع مواضيع العضو ~ NORA ~
الذين يشاهدون الموضوع الآن: 1 (0 من الأعضاء و 1 زائر)