تعالو اتعلمو من مانو الجامد ازاى الناس تحبك فى الكلية

**mano** · 3 - 4 - 2009, 09:10 AM

فى الكلية هتقابل صاحبك وهتقعدوا على أى كافيه بقى
هيجى الجارصون سيب صحبك يطلب الأول وبعدين استلم الجارصون بقى واديله نصيبه
قوله عندك برجر ؟ هيقولك اه
قوله حلو ؟ هيقولك تمام
قوله اوك يبقى اكتب واحد شاورمة
طب عندك كبده ؟ هيقولك ايوة قوله معمولة ازاى ؟
سيبه يرغى شوية وقوله انا اصلا مبحبش الكبدة فكك
حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل
أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها
المهم حاول تجيبله جفاف عقبال ماتطلب اللى انت عايزه
وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى
لو معاك كاتشب مفيش مانع تكتب أول حرف من اسمك على التربيزة المهم تخليله التربيزة شبه التورتة
ومتنساش تعيب على الأكل وأنت بتحاسب وكمان تقول الحساب غالى
فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن
يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك
أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم
لو مسكتش أنا هقول للدكتور والحركة دى رذلة ومستفزة جدا بس اشطه يعنى
وياسلام لو واحد وواحدة يبقى أنت كده جبت من الآخر
لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض
استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت
طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا
عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد
هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم
لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش
ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص
لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر
خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن
وبكده يبقى أنت مارست هوايتك وقضيت يوم رذل يا معلم

**~ man neO ~** · 3 - 4 - 2009, 09:54 AM

دنتاا اكيد الناس مش هتحبك وبس دى هتعملك

تعظيم سلام اماا يشفوك

نبقى نجرب ونشوف النتيجه ونقولك

تسلم على النصائح ياا اسامه

**فتح الباب** · 3 - 4 - 2009, 10:07 AM

ههههههههههههههههههههههههه هههه
شكرا ىعلي الموضوع الجميل

**فــــارس الكافيه** · 3 - 4 - 2009, 01:24 PM

انا اسف يا مانو بس لو عملت كده هايخلونى امسح البلاط بتاع المحل بس بجد موضوع كتير حلو تسلم ايدك تقبل مرورى اخوك فــــــــــــــــــ بلاــــــــــــــــارس جواد

**mano** · 3 - 4 - 2009, 02:00 PM

المشاركة الأصلية كتبت بواسطة abdelnaby

دنتاا اكيد الناس مش هتحبك وبس دى هتعملك

تعظيم سلام اماا يشفوك

نبقى نجرب ونشوف النتيجه ونقولك

تسلم على النصائح ياا اسامه

ههههههههههههههه دة اكيد يا محموووووووووود نورتنى يا روح قلبى

**mano** · 3 - 4 - 2009, 02:01 PM

المشاركة الأصلية كتبت بواسطة فتح الباب

ههههههههههههههههههههههههه هههه
شكرا ىعلي الموضوع الجميل

شكرا يا فتح الباب ربنا يخليك

**mano** · 3 - 4 - 2009, 02:03 PM

المشاركة الأصلية كتبت بواسطة فــــ بلاــــارس جواد

انا اسف يا مانو بس لو عملت كده هايخلونى امسح البلاط بتاع المحل بس بجد موضوع كتير حلو تسلم ايدك تقبل مرورى اخوك فــــــــــــــــــ بلاــــــــــــــــارس جواد

نورتنى يا فارس وتسلم ايديك على مرورك الجميل دة

**saso164** · 4 - 4 - 2009, 03:47 PM

ههههههههههههههههههههههههه ه ههههههههههه
موضوع بجد تحفه و نصائح احلى

**mano** · 4 - 4 - 2009, 03:57 PM

المشاركة الأصلية كتبت بواسطة saso164

ههههههههههههههههههههههههه ه ههههههههههه
موضوع بجد تحفه و نصائح احلى

ههههههههههه شكرا يا سارة تسلمى لمرورك الجميل ونورتى التوبيك والله

**GOLDEN GIRL** · 4 - 4 - 2009, 04:07 PM

الموضوع جامد جدا بس المهم في الاخر هتضمن نفسك تطلع سليم
جرب يا مانجو وقولنا
وياتري هنشوفك في اني مستشفي

الموضوع: تعالو اتعلمو من مانو الجامد ازاى الناس تحبك فى الكلية

أدوات الموضوع

تعالو اتعلمو من مانو الجامد ازاى الناس تحبك فى الكلية

معلومات الموضوع

الأعضاء الذين يشاهدون هذا الموضوع

المواضيع المتشابهه

عاوزين تعرف لما بنت بتعجب بولد بتعمل ايه عشان تكلمه تعالوا وانا اقلكوا؟

تعالوا تعالوا نكمل الحوار ده بدل ما انتوا مش لاقين حاجة تعملوها

الكلمات الدلالية لهذا الموضوع

ضوابط المشاركة