مسلسل كوميدى بطولة أعضاء المنتدى ( الحلقة الثالثة )

[x×x 7o0odA x×x]

بسم الله الرحمن الرحيم
أعزائى أعضاء منتدى مصراوى كافيه الاحباء
إليكم الحلقة الثالثه من المسلسل الكوميدى

لو مش متابع
ادخل واعرف ايه الى حصل قبل كدة



نظرا لانشغالى اعتذر لاى ضعف فى الحلقات القادمة


الحــلــقــة الثــالثــة

على مدكور : مين اللي صرخ ؟؟؟
حودا : مش انا والله ياعمو ..
نونا اللي صرخت ..
كل العيون تتجه نحو نونا وعلى مدكور ينظر لها شذرا ..
على مدكور: مين نونا دى ؟؟
وليد الاسلام يميل علي اذن على مدكور ويهمس : دى واحده معانا هنا ..
على مدكور: قومى يا نونا كدة وعرفى نفسك ..
نونا: انا شبكتى مبتقطعش وبكم اسعد وبكم قلبي يطرب ..
على مدكور: يطرب اعوذ بالله طرب ومسخرة استغفر الله استغفر الله ..
جميع الاعضاء خلف على مدكور يهزون رؤوسهم ويستغفرون .. استغفر الله استغفر الله ..
على مدكور: صرختى ليه يا ست نونا..
نونا: وهى ترتعد خوفا: صوابعي بتوجعني ..
على مدكور : وبتوجعك من ايه ..
نونا: حد داس عليها ..
على مدكور : مين اللي اتحرك وانا بتكلم كلميني انتي يا نمنمه: نمنمه وهي بتخبي صاروخ في حلة الشوربة: لا مش انا ده عميل اجنبي ..
نونا : لا مش هي اللي داست علي صوابعي ..
على مدكور: اومال مين ؟؟؟
نونا : هو الذي يمشي في الظلام ...ولانه ماشي في الظلام مشافش صبعي فداس عليه ..
على مدكور: نعم يااختى مين هو اللي انتى بتتكلمى عليه ؟؟
سندس تهمس بأذن على مدكور : بتتكلم عن دراكولا ..
على مدكور: دراكولا ايه وجيلي كولا ايه ده كلام فاضى ..
فجأه النور ينقطع ..

و
على مدكور يصرخ الحقوني الحقوني ..

الكل في صوت واحد مالك يا على

على مدكور وهو يرتعد خوفا: هو الذي يمشي في الظلام داس علي صباعي ..


___________________________________________-

المشهد الأول
المكان : جونينه الفيلا الكبيره ..
الزمان : مساء..
سندس و ميريت.. قاعدين بيلعبوا شطرانج .. وفجأه مسكوا في خناق بعض ..
حودا : في ايه يجدعان بتتخانقوا ليه ؟؟؟
سندس :ميريت موتيتلي الملك ..
ميريت : لاهي اللي موتتلى الملك بتاعى فى الاول ..
سندس: ياسلام انتي اللي بتغشى,وبتحركى القطع وبتسرقيني..
ميريت : انا اللي بغش ليه بقي هو انا ميش قولتلك علشان تحركى الحصان لازم تأكليه برسيم الاول ؟؟؟
سندس: لا دي اصول لعب زي ماالاصول بتقول ان الوزير لازم ياخد اذن من الملك قبل مايتحرك خطوة واحدة..
ميريت : انتي كدابه..
سندس : وانتي نصابه..
ومسكوا في خناق بعض تاني ..
شمس وهي بتسلك بينهم: خلاص خلاص لاانتي كدابه ولاانتي نصابه متلعبوش مع بعض تاني ..
فجأه يخش عصام نت وهو بيجري : ياجماعة ياجماعة شوفتوا تريكه بيعمل ايه ؟؟؟



ياتري تريكه بيعمل ايه ؟؟؟؟

خليكوا معانا الحلقة الجاية لتعرفوا سر تريكه والطربوش الاحمر

[jewel_lowis]

هههههههههههه
لا بقى ياحودا
دى قصيره اوى من فضلك كمل بسرعه
مستنيه

[x×x 7o0odA x×x]

اوكى يا انجى
غصب عنى والله

[Treka]

يا مان حلوة الحلقة ..
ويخرب بيت ام الطربوش ده
بجد انتوا لما تعرفوا حكاية
الطربوش ده هتستعجبوا اوى
ويا حبيب هارتى انت فنان كبير اوى بجد

[x×x 7o0odA x×x]

يا مان حلوة الحلقة ..
ويخرب بيت ام الطربوش ده
بجد انتوا لما تعرفوا حكاية
الطربوش ده هتستعجبوا اوى
ويا حبيب هارتى انت فنان كبير اوى بجد

ههههههههههههههههههههههههه ههه
تسلم يا حبيب هارتى
منور الحلقه يا مان

[شمس]

ولو انها قصيرة جدا لكن برافو عليك
من اليوم فصاعدا نسميك
المخرج والسيناريست حودا بيه
بجد براااااااااافو

[-Nona-]

ههههههههههههههههههههههههه ههههههههههه

جامد موت يا حودا

وبجد صبعى وجعنى اوى شوفلى حل بقى

[Mr.Mo0ody]

أوعي وشك يا حودا يا جامد


بس انت بتدى للممثلين دول كاااام؟؟؟؟؟؟

[×X× sHeKo0o0o ×X×]

ايه يا تريكه حوار الطربوش ده
شكله كدا هيكون قدم السعد عليك
و تسلم يا حودا على الحلقه الشديده دى

[legendgirl]

ههههههههههههههه
جامده الحلقه يا حودا اووووووي فظيعه تسلم ايدك يا جميل بس انا كده حتضطر اكل معاك ضفادع علشان الجثث بتجبلي حموضه تسلم ايدك بجد ومستنيه الحلقه الجديده.....