موال الورد .

[مونه]

علي شط اسكندريه
ماشي وببيع الورد في سكة العاشقين
وبقول يامين يشتري ورد حيران زعلان وحزين
ورد باعوه الحبايب وادفن في الارض سنين
لكن بدمعه سقي نفسه وقطفته تاتي من الجناين والبساتين

وبقول ياورد مين يشتريك غير اللي عارف قمتك

وأدي ورده ليكي ياللي ضاع حبيبك
وورده ليك ياللي ضاعت منك حبيبتك

ورد وببيعه ببلاش
لحبايب لسه حظهم في الحب مجاش
ولحبايب اشترت بالغالي واتباعت في الاخر ببلاش

وبقول ياعيني علي ورد هان واتهان ورخص تمنه
ياعيني علي ورد ضاع في الدنيا حلمه وأمله
ياعيني علي ورد عاش حزين ومات حزين بعد مجار عليه وقتله زمنه

معايا ورد ضحي بعمره
وملقاش ابدا حضن يضمه
ومين غيري حس بهمه
وهيعمل ايه ورد برده مغلوب علي أمره
مهو مكسور وحزين تاهو في زحمة الاحزان حبايبه

وكل ورده معايا عارف حكايتها
مهي كانت بتحكيلي روايتها
وعلي ورقها كتبت بدموعها قصتها

معايا ورده حزينه
حزنها قتلها بسكينه
راحوا وفارقوها حبايبها
وسبوها لوحدها مسكينه

مين ياعيني حس بيها
اوفكر في يوم يسأل عليها
او مسح ياناس دمعة عنيها

معايا ورده محرومه
مش فاضل فيها غير صوره
صوره لحبيب ماتت حبيبته
ومن بعدها حياته كانت معدومه
حزنه قتله ومات وراها
مقدرش في يوم ابدا ينساها
وسبوها لوحدها مكسوره

مين ياعيني حس بيها
اوفكر في يوم يسأل عليها
أو مسح ياناس دمعة عنيها

معايا ورده دموعها مليا عنيها
علي حبيبه مات حبيبها علي ايديها
حزنها قتلها وماتت وراه
ومين يقدر يلوم عليها

مين ياعيني حس بيها
اوفكر في يوم يسأل عليها
اومسح ياناس دمعة عنيها

معايا ورده في البحر كانت ماشيه
وفيها ذكري لحبايب غرقوا وماتوا والدنيا عليهم كانت قاسيه
وتاهت في البحر تدور عليهم
وعلي ذكراهم لسه عايشه

مين ياعيني حس بيها
اوفكر في يوم يسأل عليها
اومسح ياناس دمعة عنيها

[حرف مشتعل]

وفى احاديث الورد
تسكن الكلمات

اكليل من الورد وود لا ينتهى

[مونه]

وفى احاديث الورد
تسكن الكلمات

اكليل من الورد وود لا ينتهى

الورد كله لأحلى ورده ليكى إنتى ياقمر
بارك الله لكى غاليتى وجزاكى خيرا

[محمد أبراهيم]

{..وبقول ياورد مين يشتريك غير اللي عارف قمتك

وأدي ورده ليكي ياللي ضاع حبيبك

وورده ليك ياللي ضاعت منك حبيبتك..}

الرائعه ..منى..}
سؤال..؟ طرحتيه هنا
قلمك عليه مشكور
فالزهر يعكس طبيعة
صاحبه يعكس
رايا صريحا لايحتاج
معه لان نلف أو ندور
فالورد هو الجمال
هو الحب هو الحنان
هو عطر نعشقه
نحلم
ان نراه على رؤوسنا منثور
اعترف ان مواضيعك
تسعدنا
تبعث فينا الامان والسرور
كل الامتنان لهذا
الاريج الزاهي
وحظا طيبا اتمناه لكى
حظا بالسعادة
موفور

[مونه]

{..وبقول ياورد مين يشتريك غير اللي عارف قمتك

وأدي ورده ليكي ياللي ضاع حبيبك

وورده ليك ياللي ضاعت منك حبيبتك..}

الرائعه ..منى..}
سؤال..؟ طرحتيه هنا
قلمك عليه مشكور
فالزهر يعكس طبيعة
صاحبه يعكس
رايا صريحا لايحتاج
معه لان نلف أو ندور
فالورد هو الجمال
هو الحب هو الحنان
هو عطر نعشقه
نحلم
ان نراه على رؤوسنا منثور
اعترف ان مواضيعك
تسعدنا
تبعث فينا الامان والسرور
كل الامتنان لهذا
الاريج الزاهي
وحظا طيبا اتمناه لكى
حظا بالسعادة
موفور

ميرسى ليك يا أستاذى العظيم محمد
على مرورك الرائع وردك الأروع
وأكيد موضوعى زاد معنى وقمه
بعد مرورك الغالى عليه
بارك الله لك وجزاك خيرا