صـاحب الـكافية
امتحان العربي .. ثانوية عامة :)
السؤال الأول: التعبير
اكتب ما لا يقل عن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
شهدت بلدنا الحبيبة نهضة فى مجال التشييد والبناء و خصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
بعد انتشار ظاهرة أكل لحم الكلاب والحمير..من وجهة نظرك ... تكلم عن هذه الظاهرة ومن المتسبب فيها بدون غلط..الورق متراقب
ـــــــــــــــــــــــــ ـــــــــــــــــــــــــ ـــــــ
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة جيداً وأجب عن الآتي
ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟
ما هى اللحمة؟ أو علىالأقل حدد أقرب معنى خيالى لها
مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت
لماذا ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟-عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى اختر
حلل بمزيد من التفصيل جملة ضربه بالجزمة ومدىتوافقها مع جملة مصر بتتقدم بينا
ـــــــــــــــــــــــــ ـــــــــــــــــــــــــ ــــــــــ
السؤال الثالث القراءة
من موضوع ( الزعيم..والفنان.. والقدوة ) اقرأ القطعة جيداً و أجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة
فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب...؟؟
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟
ـــــــــــــــــــــــــ ـــــــــــــــــــــــــ ــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها )..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى فشوارعها وتشكى لها
بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونجيانج
وضح من النص ما يتفق مع القول المأثوراطبخى ياجارية .كلف ياسيدى
ـــــــــــــــــــــــــ ـــــــــــــــــــــــــ ـــــــ
من نص (حين ميسرة)..أجب عن الآتى
اذكر اسم مصيبة واحدة محصلتش فى النص الأسود ده
وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر. كمبيوتر إرهابى بقى
سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ـــــــــــــــــــــــــ ـــــــــــــــــــــــــ ـــــــــ
السؤال الخامس النحو
أعرب ما تحته خط.. لومالقيتش القطعة أصلا .اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب
فُرِضت الضرائب علينا ببشاعة ..أعرب الجملة . وارفع الضرائب أبوس إيدك
ـــــــــــــــــــــــــ ـــــــــــــــــــــ
السؤال السادس الخط
كوز المحبة انخرم..طرطش على كمى..ياحبيبى بطل جفا وارحم عذاب امى
اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
منقول مع التعديل من الايميل
رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ
البحث على جميع مواضيع العضو علي مدكور
لا
امتحان من الاخر صراحة
واشك حد ينجح فيه
تسلم الايادي علي
بالنسبه لي انا ممكن اقدر اجاوب على هاد بس
كوز المحبة انخرم..طرطش على كمى..ياحبيبى بطل جفا وارحم عذاب امى
اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء
مصراوي مفيش منه
تصدق ان ده امتحان صعب اوى اصعب من امتحان التفاضل والتكامل بتاع الثانويه
بنت الاسلام
مصراوي جديد
حلو الامتحان
سهل
ما يحتاج دراسة اصلا
برنس الكافيه
لا والله تمام تسلم الايادي يا علي على الامتحان الجامد ده
وعجبني قوي اقتباس طيف بصراحه
عِنْدَمَا لاٌَُِ تَدْري نَفْسٍ كَيْفَ تَرْتَوي مِنْنَفْسٍ سَكَنَتْ رُوحَهَــــا فَإِنَها تَشْتَاقْوَ لكِنْ بِصَمْتٍ مُؤْلِمْالبحث على جميع مواضيع العضو MoOoRa
مصراوي
يا جااااامد يا علي
لا والله امتحان تمام
وبصراحة انت مجبتش حاجة من عندك
الشهادة لله
تسلم يا رايس
نجم مصراوي
الامتحان ده مش هينجح فيه غير الطلبة المنضمين للحزب الوطنى
مصراوي جامد
هههههههه
تسلم يا كبير على الامتحان
بس والله اللي بجاوب يمكن لسا ما انخلق
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس
