قهوتنا على الانترنت
ابحث عن :  
صفحة 1 من 2 12 الأخيرةالأخيرة
النتائج 1 إلى 10 من 20
  1. #1

    غضب وزعل ضــــــــــرب الفلـــــــــــوس

    ضــرب الفلــوس
    ضرب الفلوس مصطلح ممكن يكون غريب علي البعض، بس أنا شايف إنه أحسن تعبير أعبر بيه عن الفكرة اللي عايز أتكلم عنها.
    :: الشباب : الصبيان و البنات اللي في مرحلة الشباب ::
    أنت لو قريت العنوان من أول مرة ممكن تحس إنه بيتكلم عن الفلوس المضروبة أو المزيفة، بس الحقيقة إن الموضوع غير كده خالص، الفلوس دي سليمة جدا بس هي متجابة بطريقة غير شرعية، و دي ناتجة عن كدب الشباب علي أهاليهم عشان يقدروا يخدوا فلوس أكتر، و زي بعض الشباب اللي بيقوموا بضرب فلوس المصاريف الجامعية أو مصاريف الكتب، يعني ممكن يكون الكتاب بسعر معين، و تلاقي الواحد منهم يقوم بزيادة الثمن عشان هوا محتاج فلوس.
    و دي حبــة أمثلـة لمجموعـة شباب زي الفل بيضرب فلوس
    :: واحد بدون ذكر أسماء قال ::
    أنا بضرب الفلوس عشان بعد كده، لما أكون محتاج حاجة أو عايز أشتري أي حاجة، بدل ما أروح لوالدي و أطلب منه فلوس، و بكده هوا بيفتكر إني برحمه من زيادة المصاريف ... و أكتر مبلغ ضربتـه كان 400 جنيــه، و كان ضمن مصاريف الجامعة و صرفتهم في أسبوع واحد بس.!!!
    :: واحد برضه من غير أسماء قال ::
    أنا بضرب الفلوس عشان أقدر أخرج مع صحابي في الجامعة، و عشان أقدر أمارس حياتي، عشان المصروف اللي باخده ما بيغطيش إن أقعد في الجامعة، و طبعا كل حاجة بقت سعرها نار، و لسه الحاج بيديني نفس المصروف اللي كان بيدهوني من سنتين، و أكتر مبلغ ضربته كان 700 جنيه، و كانوا بتوع درس مدخلتوش أصلا، و كنت بجيب الورق من صحابي اللي كانوا بيخدوا الدرس.!!!!
    :: واحدة من غير أسماء قالت ::
    الجامعة محتاجة هدوم و مكياج ومصاريف كده، عشان الواحد يبقي متجدد علي طول، و بعدين أنا معروفه في الشله إني ستيل أوي، و بأبقي محتاجة إني أجيب هدوم كتيــر، و في البيت بيخلوني أشتري طقم كل مدة كده، و بعدين طبعا الخروجات اللي بأخرجها، بتبقي محتاجة فلوس كتير و المصروف يادوبك كده بيقضي.!!!!
    ضربت خلاص،ارتحت بقي؟!!!
    بس ما أعتقدرش إن فيه أي حد من الشباب الحلوين دول، بيبقي مرتاح نفسيا و هو بيكدب و بيسرق من والديه، و خاصة إذا كان مصروفك اللي بيدهولك والديك ما بيكفكش، فدا ممكن بسبب مادي و لا حاجة، و ممكن يكون المرتب مش مكفي أو فيه ضائقة مالية، و عشان كده بيديك مصروف قليل، أكيد طبعا كل أب بيبقي عايز لأولاده كل اللي هما عايزينه. بس فيه مصاعب كتيرة أوي في الحياة و بتواجه الإنسان، أو ممكن الوالد بيعلمك إزاي تسيطر علي الفلوس، و تحوش منها عشان الواقع ما يصدمكش في الحياة العملية.
    امسك حـرامي ...!!
    و لو إنت حاسبت نفسك، حتلاقي إنك سارق و مخطئ، و إنك بترتكب جريمة في حق أغلي ناس عندك. و في رأيي إنها بتساوي جريمة الخيانة، و علي رأي اللي شغالين في مجال التحري و الشرطة (إنه مفيش مبرر يدفع للجريمة تحت أي ظرف من الظروف). عشان النتيجة حتكون أبشع من السبب، يعني تفتكر حيتعمل معاك إيه لو أهلك عرفوا بالسلوك الغريب ده؟ و إنك بتضرب الفلوس .... حلها بقي انت لوحدك؟!!!!
    علي فكــرة
    عدد الشباب في مصر بيوصل لأكتر من 22 مليون نسمة، يعني (75%) من الشباب المصري، أهاليهم بتصرف عليهم بعد التخرج من الجامعة.!!!
    لكــل شاب من اللي بيضربوا فلوس
    فكـــر كويس أوي قبل ما تعمل حاجة زي دي؟
    فكــر في والديك؟ و في أخواتك؟ و في أسرتك بحالها؟!!!

  2. #2
    تاريخ التسجيل
    8 - 11 - 2007
    ساكن في
    فى عالم غريب بالنسبالى
    المشاركات
    7,708
    النوع : ذكر Egypt

  3. #3

    افتراضي

    طيب يا تريكة شكرا لمرورك
    بس كنت اتمني انك تشاركني برأيك في الموضوع ده

  4. #4

    افتراضي

    بس كل حاجة قضاء وقدر يامان اوكى

  5. #5

    افتراضي

    بجد يا احمد موضوع جميل اوى

    فى ناش بتفكر فى انها تعيش و خلاص مبيفكروش اذا كان ده حرام ولا حلال

    الحيــــاه مسرحية أعجبتنا أم لــم تعجبنا
    فقد دفعنا ثـــــمـــــن التذكرة




    TiMoR





    البحث على جميع مواضيع العضو TiMo0oR

  6. #6

    افتراضي

    اقتباس المشاركة الأصلية كتبت بواسطة احمدطه مشاهدة المشاركة
    بس كل حاجة قضاء وقدر يامان اوكى
    مش فاهم بالصراحة ازاي الموضوع ده يبقي قضاء و قدر
    يا ريت توضح النقطة اللي انت عايز توصلها

  7. #7

    افتراضي

    اقتباس المشاركة الأصلية كتبت بواسطة تيمور مشاهدة المشاركة
    بجد يا احمد موضوع جميل اوى


    فى ناش بتفكر فى انها تعيش و خلاص مبيفكروش اذا كان ده حرام ولا حلال



    للأسف يا تيمو ان فعلا العينة دي من الناس موجودة
    شكرا يا مان علي مرورك و ردك
    بس إوعي تكون انت كمان بتصرب فلوس
    هههههههه

  8. #8
    تاريخ التسجيل
    8 - 11 - 2007
    ساكن في
    اسكندريه ..
    العمر
    35
    المشاركات
    849
    النوع : انثيEgypt

    افتراضي

    بص مش هعملك فيها الملاك اللى بجناحين و اقولك عمرى ما عملتها ..

    عملتها مرة .. كانت فى اولى جامعه و اخدت فلوس كتب

    ماتتخضش دفعت تمن الكتب بس اتبقى ..

    اخدته ..

    بس بتبقى حاجات بسيطه يعنى ..

    و ربنا مابركش فيهم على فكره


    تسلم ..


    ورقـــــــ ,, ـــه

  9. #9
    تاريخ التسجيل
    3 - 11 - 2007
    ساكن في
    c:\programfiles\MaYa
    العمر
    38
    المشاركات
    298
    النوع : ذكر Egypt

    افتراضي

    موضوع جامد فعلاً يا زعيم و فعلاً الشباب دول موجودين وكتير بيعمل كده ومبيفكروش فى أهاليهم أو ان هما كٍده بيسرقوا حق اخواتهم فى الفلوس دى

  10. #10
    تاريخ التسجيل
    5 - 11 - 2007
    ساكن في
    جُحـــر التعبان ..
    العمر
    34
    المشاركات
    2,165
    النوع : ذكر Egypt

    افتراضي

    :: واحد برضه من غير أسماء قال ::
    أنا بضرب الفلوس عشان أقدر أخرج مع صحابي في الجامعة، و عشان أقدر أمارس حياتي، عشان المصروف اللي باخده ما بيغطيش إن أقعد في الجامعة، و طبعا كل حاجة بقت سعرها نار، و لسه الحاج بيديني نفس المصروف اللي كان بيدهوني من سنتين،

    المشكله يا باشا بدا من الاباء
    الاول وده سبب منهم
    والف شكر على اهتمامك بالشباب

 

 
صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. كنتم فين يا أخواتي لما ضاعت ملفاتي؟ ورقة ورقة دبوس دبوس زنجا زنجا
    بواسطة drmido119 في المنتدى المنتدى السياسى العام
    مشاركات: 2
    آخر مشاركة: 10 - 3 - 2011, 12:15 AM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©